Danyele 4:14 - Tonga Bible 1986

¹⁴ Wangudanirizga ndi wanguti ‘Temiyani pasi muti ndi panthani mphanda zake, puluwani mani ghake ndi parghang'ani vipasi vyake; nyama zituwemu musi mwake, ndi viyuni vituwemu mu mphanda zake.

Danyele 4:14 ပူးပေါင်းရင်းမြစ်များ

Jobu 24:20

Nyumba zamu muzi zaŵaruwa, zina lawo kuti likumbukika so cha. Viyo uheni wasweka nge ndi muti.’

Yeremiya 27:5

“Ndine mweniyo ndi nthazi zangu zikuru ndi janja langu lakutambaruka ndikulenga charu chapasi, pamoza ndi ŵanthu ndi vinyama vyo vye mwenimo, ndipo nditichipaska kwaku yose yo ndikhumba.

Yeremiya 51:6

“Thaŵanimo mu Babiloni, munthu yose wataske umoyo wake! Rekani kudumulika mu kulanga kwake, pakuti iyi ndi nyengo ya thayu la Ambuya, thayu lo atimuchitiya.

Yeremiya 51:9

Mphanyi tingumuchizga Babiloni, kweni kuti wanguchira cha. Timureke, ndipo tirutenge we yose ku charu chake; pakuti cheruzgu chake chachifika kuchanya, chanyamurikiya ndi ku mlengalenga.

Ezekiele 31:10

“Viyo atiti Ambuya Chiuta: Chifukwa chakuti ungukwera ukongwa ndi kujarika songo yake mukati mu mitambo, ndikuti mtima wake ungujikuzga chifukwa cha utali wake,

Danyele 2:21

Wasintha maora ndi zinyengo, wasezga ŵakaronga ndi kumika ŵakaronga ŵanyake; wapaska zeru ku ŵazeru ndi kuziŵa kwaku wo ŵawamo;

Danyele 3:4

Viyo wakumemeza wangudanirizga ukongwa kuti, “Kwalangulikiya imwe, mwa ŵanthu, mitundu yose, makambidu ghose,

Danyele 4:12

Mani ghake ghenga ghamampha ndi vipasi vyake vyenga vinandi, ndipo mwaku cho mwenga chakurgha chaku wose. Nyama zamu dondo zingusaniya mduzi musi mwake, ndi viyuni vya mude vyajanga mu mphanda zake, ndipo nyama yose yinguleleka mwaku cho.

Danyele 4:23

Po karonga wanguwona mlinda mtuŵa wakusika kuchanya yo wanguti, ‘Temiyani pasi muti ndi upikiteni, kweni musiye chisina ndi misisi yake pasi, chakumangika zingirizgi ndi chingwi cha chisulo ndi cha mkuŵa mu uteka wamu dondo, ndi chizumbwe ndi dungwi la kuchanya, phandi lake liŵi pamoza ndi nyama zamu dondo, mpaka zichijumphe nyengo zinkhonde ndi ziŵi;’

Danyele 4:29

Pa umari pa myezi chumi ndi yiŵi wayendanga pachanya pa nyumba ya ufumu waku Babiloni,

Danyele 5:20

Kweni penipo mtima wake ungujitukumuwa, ndi mzimu wake ungunonopeskeka wanguchita vyose kwakujikuzga, ndipo wangusiskika pa chitengo chake, cha ufumu.

Danyele 5:21

Unkhankhu wake ungutuzgikako kwaku iyo. Wangudikiskikiya kutali ndi ŵanthu, vinjeru vyake vingusanduka nge vya nyama, ndi wajanga pamoza ndi ŵaburu ŵamu dondo; warghanga uteka nge ndi ng'ombe, liŵavu lake linguzumbwa ndi dungwi la kuchanya, mpaka penipo wanguziŵa kuti Chiuta wa Machanya wausa pa ufumu wa ŵanthu, ndikuti wamikapo kuwusayo iyo wamukhumba.

Mateyu 3:10

Ndipo sono nako mbavi yajikika ku nkhorozu za miti, chimuti chose chakureka kupasa vipasi vyeneko chitemeka ndipo chipong'eka mu moto.

Mateyu 7:19

Chimuti chose chakuwura kupasa chipasi cheneko chitemeka, ndipo mu moto chipong'eka.

Luka 3:9

Ndipo sono naku mbavi yijikika ku nkhorozu ya miti: viyo muti wose wambura kupasa chipasi cheneko utemeka, ndi mu moto upong'eka.”

Chivumbuzi 10:3

ndipo wangukambura ndi mazu ghakuru, uli ndimo nkharamu yibanguriya: ndipo wachikambura, vidiririzi vinkhonde ndi viŵi vingudiririska mazu ghawo.

Chivumbuzi 18:2

Ndipo wangukambura ndi mazu ghaunkhankhu watinge, “Wawa! Babiloni mukuru yo, wawa! Wasanduka uja wa ŵademone, ndi linga la mzimu wose wawiyu, ndi mphaku ya chiyuni chose chamwikhu ndi chakutinkhika!