Danyele 3:8 - Tonga Bible 1986

⁸ Viyo pa nyengo yeniyo ŵaKaldiya ŵanyake ŵanguza ndi ŵangupacha ŵa Yuda.

Danyele 3:8 ပူးပေါင်းရင်းမြစ်များ

Estere 3:6

Kweni wanguti nkhuyuyu kuŵika janja paku Mordikayi yija chifukwa ŵanthu ŵangumukonkhome mtundu ndi khamu laku Mordikayi ndipo Hamani wangunweka kunanga ŵaYuda wose, mtundu waku Mordikayi wose wo wenga mcharu chose chaku Ahaswerusi.

Danyele 1:4

Ŵanyamata ŵambura kalema, ŵakutowa, ŵakuwamo vinjeru vyose, ŵakuzazika ndi mziŵiro, ŵakuwamo visambizgu, ndi ŵakuziŵa kuteŵeta mu nyumba ya karonga, ndi kusambizgika malembo ndi mazu gha ŵaKaldiya.

Danyele 2:10

ŴaKaldiya ŵangumwamuka karonga kuti, “Palivi munthu panu pasi yo wangaziŵa kufikapo pa khumbo la karonga; chifukwa paŵavi karonga mukuru ndi wamazaza yo wadanga wafumbapo chinthu nge ndi ichi ku ŵaukwi, pamwenga ŵaziŵi nyenyezi, pamwenga ku ŵaKaldiya.

Danyele 2:2

Viyo karonga wangulangula kuti ŵaukwi, ŵaziŵi nyenyezi, ŵakuwombeza, ndi ŵaKaldiya ŵadanike kuzachivumbuliya karonga maloto ghake. Viyo ŵanguza ndi ŵanguma paurongo pa karonga.

Danyele 3:7

Viyo penipo ŵanthu wose ŵanguvwa kuliya kwa mbata, kumba kwa fyoliro, bangwe, chirumbu, chimbumbuli, mangolongondo, ndi mitundu yose ya vyakumba, ŵanthu wose, mitundu yose, ndi makambidu ghose ŵangugwada pasi, ŵangusopa chikozgu cha golide cho karonga Nebukadanezara wangumika.

Danyele 4:7

Viyo ŵaukwi, ŵakombeza, ŵaKaldiya, ndi ŵaziŵi nyenyezi ŵangusere; ndipo ndinguŵanene loto, kweni kuti ŵanguziŵa kundiziŵiska cha kang'anamuridu kake.

Danyele 6:4

Viyo ŵarongozgi wo ndi mafumu ŵangupenja kafukwa kakumikirana ndi Danyele pa makani gha ufumu; kweni ŵengavi kusaniya nthowa nanga nkhafukwa kakumutole makani, chifukwa wenga wamagomezgeka, ndipo pengavi ubudi pamwenga kafukwa kakusanirika mwake.

Machitidu gha Ŵakutumika 28:22

Kweni tikhumba kuvwapo kwako, vyo urunguruka; chifukwa pa pambuku lenili, kuziŵika kwaku ifwe kuti kosekose lisuskika.”