Danyele 3:26 - Tonga Bible 1986

²⁶ Viyo Nebukadanezara wangundere ku khomo la ng'anjo ya mlipu wa moto, wangudanirizga, “Shadreke, Mesheke, Abedenego, mwaŵateŵeti ŵaku Chiuta wapachanya ukongwa, tuwani ruŵi ndi muzi kuno!” Viyo Shadreke, Mesheke, ndi Abedenego ŵangutuwa mu moto.

Danyele 3:26 ပူးပေါင်းရင်းမြစ်များ

Chiyambo 14:18

Ndipo Melkizedeke karonga wa Salemu wanguza ndi viŵande ndi vinyo; wenga mzukuru waku Chiuta Wapachanya Limu.

1 ŴaKaronga 8:51

(chifukwa ndi khamu linu mbanthu ŵinu wo munguŵatuzga mu charu cha Egipiti, mukati mu ng'anjo ya chisulo).

Ezra 5:11

Ndipo pakwamuka ŵanguti, ‘Te ŵanchitu ŵaku Chiuta wa kuchanya ndi wa charu chapasi. Tizenga so nyumba yo yinguzengeka virimika vinandi vyarutapo, yeniyo karonga mkuru waku Yisraele wanguzenga ndi kuyimarizga.

Sumu 66:12

Munguchitiska ŵanthu kukwera pa mitu yidu; tinguporota mu moto ndi mu maji; ndipo sono mwatitore ku malo gha kudekha.

Yesaya 28:16

chifukwa cho Ambuya Chiuta, atati, “Ehe, ndiŵika mu Zioni chiŵanja mwa, mwa wakweseka, mwa wanyondo wakuzirwa, wa chiŵanja chakuneneska: ‘Yo wavwana kuti wakatolekanga cha.’

Yesaya 52:12

Pakuti, kuti mukarutanga ndi fulumira cha, ndipo kuti mukathaŵanga cha pakuruta, chifukwa Ambuya akakudanjiliyaninga, ndipo Chiuta waku Yisraele wakaŵanga wakumuvikiriyani kuvuli.

Yeremiya 11:4

lenilo ndingulanguliya auskemwe pa nyengo yo ndinguŵatuzgiya mu charu cha Egipiti, kutuwa mu ng'anjo ya chisulo, ndinguti, Tegherezgani ku mazu ghangu, ndipo chitani chose cho nditumulanguliyani. Po ndipo mukaŵanga ŵanthu ŵangu, ndipo ine ndikaŵanga Chiuta winu,

Danyele 2:47

Karonga wanguti kwaku Danyele, “Kwakuneneska Chiuta wako ndi Chiuta wa ŵachiuta, ndi karonga wa ŵakaronga, muwuvumbuzi wa vya muchindindi, chifukwa iwe wavumbuwa cha muchindindi ichi.”

Danyele 3:17

Asani kungaŵa viyo, Chiuta widu mweniyo titeŵete waziŵa kutitaska ku kocha kwa ng'anjo ya moto, ndipo wakatitaskanga ku janja linu karonga.

Danyele 4:2

Kwaŵa kwamampha kwaku ine kurongo visimikizgu ndi vyakuziziswa vyo Chiuta wapachanya limu wandichitiya.

Danyele 6:20

Penipo wangufika pafupi ndi zenje mwenimo wanguŵa Danyele wangudanirizga ndi mazu ghachitima, ndi wanguti kwaku Danyele, “Danyele wamteŵeti waku Chiuta wamoyo, kumbi Chiuta wako yo uteŵete mazuŵa ghose wakutaska ku nkharamu?”

Danyele 6:21

Ndipo Danyele wanguti ku karonga,

Danyele 7:25

Wakakambanga mazu ghakumikana ndi Wapachanya Limu, ndi wakalopweskanga ŵatuŵa wa Wapachanya Limu ndipo waghanaghanenge kusintha zinyengo ndi marangu; ndipo vipaskikenge mu janja lake kwa nyengo ziŵi, ndi kamphindi ka nyengo.

Machitidu gha Ŵakutumika 16:17

Ndiyo wangurondo Paulo ndi ifwe, ndi wangukambura kuti, “Yaŵa ŵanthu mbateŵeti ŵaku Chiuta Wapachanya limu, wo ŵakutauliyani nthowa ya utaski.”

Machitidu gha Ŵakutumika 16:37

Kweni Paulo wangunena nawo, “Ŵanguti kwechuwa pakweru, taŵambura kweruzgika taŵanthu taŵaRoma, ndipo ŵangutipong'a mu ulinda; ndipo sono ŵatituzgiya ku ubende kumbi? Awa na! Kweni ŵaze ŵeneko, ndi ŵatirongozge kubwaro.”

Machitidu gha Ŵakutumika 27:23

Chifukwa kungumiya kwangu usiku uno mungelo waku Chiuta, waku mweniyo ndiri, Mweniyo so nditeŵete,

ŴaGalatia 1:10

Chifukwa kumbi ndiwoja ŵanthu, pamwenga Chiuta iyo? Pamwenga ndilembe kukondweska ŵanthu? Asani ndale ndakondweskanga ŵanthu, mphanyi kuti ndingawa mteŵeti waku Kristu cha.

Marangu 4:20

Kweni Ambuya amutoni ndi kumutuzgani, mu Egipiti, nge ndi mu ng'anjo ya chisulo kuti muŵe ŵanthu ŵapa mtima wake mo mulili zuŵa ili.

Yoswa 3:17

Ndipo penipo ŵaYisraele wose wambukanga pa mtunda uyumu, ŵazukuru wo ŵangupinga bokosi la phangano la Ambuya ŵanguma pa mtunda uyumu mukati mu Yordane mpaka mtundu wose ungumara kwambukiya ku sirgha kwa Yordane.

Yoswa 4:10

Pakuti ŵazukuru wo ŵangunyamuwa bokosi ŵanguma mukati mu Yordane, mpaka penipo vyose vyo Ambuya angulanguliya Yoswa kunene ŵanthu vingufiskika, kwakuyana ndimo Mosese wangulanguliya Yoswa. Ŵanthu ŵangwambuka kwakuthaŵiriya;

Chivumbuzi 19:5

Ndipo ghangutuwa ku chitengu-chaufumu cho mazu, ghakuti, “Thamikani Chiuta widu, mose mwaŵaŵanda ŵake, mwaŵakumopa, mwaŵamana ndi mwaŵara!”