Danyele 3:17 - Tonga Bible 1986

¹⁷ Asani kungaŵa viyo, Chiuta widu mweniyo titeŵete waziŵa kutitaska ku kocha kwa ng'anjo ya moto, ndipo wakatitaskanga ku janja linu karonga.

Danyele 3:17 ပူးပေါင်းရင်းမြစ်များ

Chiyambo 17:1

Pa nyengo yo Abramu wenga wa virimika machumi ghankhonde ndi ghanayi pachanya vinkhonde ndi vinayi (99) Ambuya angumuwoneke Abramu ndi anguti kwaku iyo, “Ndine Chiuta wanthazi zose; wendenge paurongo pangu ndipo uŵi wambura kalema.

Chiyambo 18:14

Pa nyengo yo ndanena ndikawerenga kwako, mu nyengo ya liwondwe, ndipo Sara wakaŵanga ndi mwana munthurumi.”

Jobu 34:29

Pa iyo waja cheti, ndiyani wangasuska? Pa wabisa chisku chake, ndiyani wangamuwona; pamwenga ungaŵa mtundu pamwenga munthu,

Jobu 5:19

Wakakutaskanga ku visuzgu vinkhonde ndi chimoza, mu chachinkhonde ndi chiŵi pakaŵangavi chiheni chakukukwaska.

Sumu 115:3

Chiuta widu we kuchanya, wachita chose cho wakhumba.

Sumu 37:39

Utaski wa ŵarunji utuliya ku Ambuya; nchakudingang'amo chawo mu nyengo ya suzgu.

Sumu 37:40

Ambuya atiwovya ndi kuŵapozomoska; atiŵapozomoska ku ŵaheni, ndi kuŵataska, chifukwa ŵadingang'a mwaku iwo.

Sumu 73:20

Ambuya, alingana nge ndi loto lo ndi mlenji lithaŵa; uchiyuka uruwa mo maloto ghanguŵiya.

Yesaya 12:2

“Ehe, Chiuta ndi mtaski wangu; ndikagomekezganga, ndipo kuti ndipenge cha; pakuti Ambuya Chiuta ndi nthazi yangu ndi sumu yangu, ndipo iyo waŵa utaksi wangu.”

Yesaya 54:14

Ukajarikikanga mu urunji, ukaŵanga kutali kukuyuzgika, pakuti kuti ukawopanga cha; ndi ku chakofya, pakuti kuti chikazanga kufupi nawe cha.

Yeremiya 1:8

Ungopanga iwo cha, pakuti nde nawe kukutaska iwe,” atiti Ambuya.

Yeremiya 15:20

Ndipo kwaku yaŵa ŵanthu ndikakulimbiskanga nge ndi linga la mkuŵa; ŵakarwananga nawe, kweni kuti ŵakakupundanga cha, pakuti ine nde nawe pamoza, kukutaska ndi kukupozomoska, atiti Ambuya.

Yeremiya 15:21

Ndikakupozomoskanga ku janja la ŵaheni ndi kukuwombo mu janja la wankhaza yo.”

Danyele 3:26

Viyo Nebukadanezara wangundere ku khomo la ng'anjo ya mlipu wa moto, wangudanirizga, “Shadreke, Mesheke, Abedenego, mwaŵateŵeti ŵaku Chiuta wapachanya ukongwa, tuwani ruŵi ndi muzi kuno!” Viyo Shadreke, Mesheke, ndi Abedenego ŵangutuwa mu moto.

Danyele 4:35

wose ŵakuja mu charu cha panu pasi ŵapimika nge vyawaka; ndipo wachita kwakiyana ndi khumbu lake mu liŵanja la kuchanya ndi mu ŵakuja mu charu chapasi; ndipo palivi yo wangaziŵa kuja mu janja lake, nanga nkhuti kwaku iyo, “Uchitanji?”

Danyele 6:16

Viyo karonga wangulangula, ndipo wanguza Danyele wangutoreka ndi wangupong'eka mu zenje la nkharamu. Ndipo karonga wanguti kwaku Danyele, “Mphanyi Chiuta wako yo utumtataliya nyengo zose wakutaske!”

Danyele 6:23

Viyo Karonga wangukondwa ukongwa, ndi wangulangula kuti Danyele watuzgike mu zenje. Viyo Danyele wangutuzgika mu zenje, ndi mwengavi kusanirika chingana ndi bamba mu liŵavu lake, chifukwa wangugomekezga mwaku Chiuta wake.

Danyele 6:27

Wataska ndi kuwombo wachita visimikizgu ndi vyakuziziswa kuchanya ndi pasi.”

Mika 7:7

Kweni ine, ndilereskenge kwa Ambuya, ndilindizgenge Chiuta yo ndi mtaski wangu; Chiuta wangu wakandivwanga.

Luka 1:37

Pakuti kwaku Chiuta kuŵengevi nkhani yose yizirathazi.”

Machitidu gha Ŵakutumika 20:24

Kweni kuti ndipimiya umoyo wangu kanthu socha, chingana ngwakuzirwa kwaku ndamweni cha, uli nkhufiska mvizi wangu ndi likondwa, ndi uteŵete wondinguronde ku Ambuya Yesu, kwachisimikizgiya evangeli wo wa wezi waku Chiuta.

Machitidu gha Ŵakutumika 21:13

Sono wangwamuka Paulo, “Muchitanji, kuliya ndi kuswa mtima wangu? Chifukwa ine nde wakurongosoleke kwachimangika pe cha, kweni so kufwiya mu Yerusalemu pa chifwa cha zina la Ambuya Yesu.”

ŴaRoma 8:31

Viyo tikatingenji kwaku vyenivi? Asani Chiuta we kuchiri kwaku ifwe, wakumikana nafwe njani?

2 ŴaKorinte 1:10

Yo ku nyifwa yeni yikuru yaviyo wangutitaska, ndipo wamkutitaska: mwaku mweniyo tagomekezga kuti wakatitaskanga so.

ŴaHebere 7:25

Viyo ndimo ngwanthazi kukutaskiya kose limu wo ŵatuziya kwaku Chiuta mwaku iyo, pakuŵa wamoyo nyengo zose kwachiŵeyere pa chifwa chawo.

1 Samuele 17:37

Davidi wanguti, “Ambuya wo angunditaska mu chikufi cha nkharamu ndimu chikufi chaku chipembere, akandipozomoskanga mu janja la muFilisti uyu.” Sauli wanguti kwaku Davidi, “Ruta, Ambuya aŵe nawe!”

1 Samuele 17:46

Zuŵa lino Ambuya akuperekenge mu janja langu, ndikupumiyenge pasi, ndi kudumuwa mutu wako; ndipo ndiperekenge viŵanda vya maŵanja gha ŵaFilisti msana wale ku viyuni vya mude, ndi vikoko vya charu chapasi; alinga kuti charu chose chiziŵe kuti mwe Chiuta mu Yisraele,