Danyele 3:12 - Tonga Bible 1986

¹² Ŵalipo ŵaYuda ŵanyake ŵeniwo imwe mukuŵamika kulereska milimu yose ya charu cha Babiloni: Shadreke, Mesheke, ndi Abedenego. Ŵanthu yaŵa, karonga, kuti ŵatimuvwiyani cha; kuti ŵateŵete ŵachiuta ŵinu cha, chingana nkhusopa chikozgu chinu cha golide cho mwamika.”

Danyele 3:12 ပူးပေါင်းရင်းမြစ်များ

Estere 3:8

Ndipo Hamani wanguti ku karonga Ahaswerusi, “Uliko mtundu unyake wa ŵanthu ŵakuparangikiya ku bwalo kwa charu ndi wakuchapariya mukati mu ŵanthu mu vigaŵa vya ufumu winu, ndipo marangu ghawo ghapambana ndi gha ŵanthu wose chingana nkhuti ŵasunga marangu gha karonga cha, viyo chitumwanduliya kanthu cha karonga kuti walereskepo ŵaka.

Nthanthi 27:4

Chikwiya mbukari, ukari uphwanya, kweni njani wangamiya sanje?

Wakutaula 4:4

Penipo ndinguwona kuti milimu yose ndi umisiri wose mu nchitu utuza kutuliya mu sanji ya munthu ndi mwanasi wake. Ichi nachu nchawaka ndi suzgu ya mtima.

Danyele 1:7

Ndipo mura wa ŵamuthenu, wanguŵadana mazina ghanyake; Danyele wangudanika Belteshazara, Hananiya wangudanika Shadreke, Mishaele wangudanika Mesheke, ndi Azariya wangudanika Abedenego.

Danyele 2:48

Viyo karonga wangupaska Danyele ulemu ndi vyawanangwa vinandi, ndi kumumika kuŵa wakuwusa chigaŵa chose cha Babiloni.

Danyele 2:49

Danyele wangupempha karonga, ndi wangumika Shadreke, ndi Mesheke, ndi Abedenego pa milimu ya kulamula mu charu chaku Babiloni; kweni Danyele wanguja mu bwalo la karonga yo.

Danyele 3:11

Ndipo yose yo kuti wagwada pasi cha ndi kusopa, wapong'ekenge mu ng'anjo ya moto.

Danyele 3:16

Shadreke, Mesheke, ndi Abedenego ŵangumwamuka karonga Nebukadanezara kuti, “Ehe! kukhumbikwa cha kuti timwamukeni pa makani yagha.

Danyele 3:29

Chifukwa ichi ndilangula kuti, ŵanthu wose, mitundu yose, pamwenga kakambidu, ŵakukamba kanthu kose kumikana ndi Chiuta waku Shadreke, Mesheke, Abedenego, ŵakadumulikanga chiŵaru ndi chiŵaru, ndi nyumba zawo zikasanduskikanga makunthu; chifukwa kulivi Chiuta munyake yo waziŵa kutaska viyo.”

Danyele 3:30

Sono karonga wangukuzga Shadreke, Mesheke, ndi Abedenego mu charu cha Babiloni.

Danyele 6:13

Ndipo wangwamuka paurongo pa karonga wanguti, “Danyele yo njumoza wa ŵamikoli ŵaku Yuda kuti watukuphwereni cha imwe karonga, pamwenga dangu lo mukusayinda, wasopa katatu pa zuŵa.”

Danyele 6:14

Penipo karonga wanguvwa mazu yagha, wanguŵa ndi chitima chikuru, ndipo wangukhumba kumutaska Danyele, wangurimbarimba mpaka dazi lingusere.

Machitidu gha Ŵakutumika 17:7

ŵeniwo Jasone waronde: ndipo wose yaŵa ŵachita kwakumikana ndi malangulu ghaku Kaisare, pakukamba kuti karonga munyake walipo, Yesu.”

Machitidu gha Ŵakutumika 5:28

wakuti, “Kulangula tingulanguliya imwe kusambizgiya mu zina lo cha: ndipo, awonani mwazaza Yerusalemu ndi chisambizgu chinu, ndipo mukhumba kutole paku ifwe ndopa za munthu mweniyo.”