Danyele 2:5 - Tonga Bible 1986

⁵ Karonga wangwamuka ŵaKaldiya kuti, “Mazu gho ghatuwa mwaku ine ngakuneneska: asani kuti mutindiziŵiska cha cho loto lo ling'anamuwa, mudumulikenge tumana-tumana, ndipo nyumba zinu zisandukenge makunthu.

Danyele 2:5 ပူးပေါင်းရင်းမြစ်များ

2 ŴaKaronga 10:27

Ŵangubwanganduwa mizati ndi nyumba yaku Bala, ndipo wanguyisanduska chimbuzi mpaka ku zuŵa lino.

Ezra 6:11

Ndipo so ndichita dangu kuti we yose yo wang'anamuliyenge panyeke mazu yagha, nchindamiro yijimphuke ku nyumba yake ndi ŵampayikepo, nyumba yiŵe chiza.

Sumu 50:22

“Sono ziŵani ichi, mwa ŵakuruwa Chiuta, vinu ndingakuparuwani, ndi kungaŵavi wakutaska!

Sumu 58:7

Ŵamare nge ndi maji ghakwenda; nge mbuteka ŵaphwatikiye pasi ŵamire.

Danyele 2:12

Pa chifukwa ichi karonga wangutundiya ndi kukaripa, ndipo wangulangula kuti ŵazeru wose ŵamu Babiloni ŵabayike.

Danyele 3:29

Chifukwa ichi ndilangula kuti, ŵanthu wose, mitundu yose, pamwenga kakambidu, ŵakukamba kanthu kose kumikana ndi Chiuta waku Shadreke, Mesheke, Abedenego, ŵakadumulikanga chiŵaru ndi chiŵaru, ndi nyumba zawo zikasanduskikanga makunthu; chifukwa kulivi Chiuta munyake yo waziŵa kutaska viyo.”

Danyele 4:9

“Iwe Belteshazara, wa mura wa ŵaukwi, chifukwa ndiziŵa kuti mzimu wa ŵachiuta ŵatuŵa we mwaku iwe, ndi kuti kulivi chamuchibisibisi cho nchinonono kwaku iwe, ili ndilo loto lo ndingulota, undinene kang'anamuridu kake.

Marangu 13:16

Mukawunjikanga vyakuskoŵa vyawo vyose pakatikati pa bwalo lawo, ndipo muwoche msumba ndi vyakuskoŵa vyake vyose ndi moto, nge ndi sembe yose yakocha ku Ambuya Chiuta winu. Msumba wo uŵenge ndundu muyaya, ndipo kuti ukazengekanga so cha.

Yoswa 6:26

Ndipo pa nyengo yeniyiya Yoswa wanguŵika rapu paku wo, wanguti, “Wakutembeka paurongo pa Ambuya ndi munthu yo wasokenge kuzenga so muzi uwu, Yeriko. Pakumanga chiŵanja chake mwana wake wa umwali wakafwanga. Pakumika vipata vyake mwana wake kwango wakafwanga.”

1 Samuele 15:33

Ndipo Samuele wanguti, “Nge ndimo lipanga lako lachitiskiya ŵanthukazi kuŵa ŵambura ŵana, viyo ndimu anyoko ŵaŵiyenge ŵambura mwana mukati mu ŵanthukazi.” Ndipo Samuele wangudumuwa Agagi tuvipitika paurongo pa Ambuya mu Gilgala.