Danyele 2:47 - Tonga Bible 1986

⁴⁷ Karonga wanguti kwaku Danyele, “Kwakuneneska Chiuta wako ndi Chiuta wa ŵachiuta, ndi karonga wa ŵakaronga, muwuvumbuzi wa vya muchindindi, chifukwa iwe wavumbuwa cha muchindindi ichi.”

Danyele 2:47 ပူးပေါင်းရင်းမြစ်များ

Chiyambo 41:39

Viyo Farao wanguti kwaku Yosefe, “Pakuwona kuti Chiuta wakurongo chose chenichi, palive yo ngwakujiyuyuwa ndi wazeru wakuŵa nge ndiwe;

2 ŴaKaronga 5:15

Sono wanguwere ku munthu waku Chiuta, iyo ndi mpingu wake wose, ndipo wanguza wanguma paurongo pake, wanguti, “Ndiziŵa kuti mulivi Chiuta mu charu chose chapasi kweni mu Yisraele pe: viyo rondani chaulera chakutuwa ku mteŵeti winu.”

Jobu 12:19

Warongozge ŵazukuru kukuskoŵeka, ndi kuwiska pasi ŵamazaza.

Sumu 136:2

Wongani Chiuta wa ŵachiuta, chifukwa nchamuyaya chifundu chake.

Sumu 136:3

Wongani Mbuya wa ambuya, chifukwa nchamuyaya chifundu chake.

Sumu 72:11

Ŵakaronga wose ŵamulambiyenge; ndipo ŵamitundu wose ŵakamuteŵetiyanga iyo!

Sumu 82:1

Chiuta waja mu ungano wa ŵakuchanya; mukati mu ŵachiuta wapaska cheruzgu;

Sumu 96:4

Pakuti ndi mura Mbuyafwe, ndipo ngwakwenere kurumbikadi; watenere kopeka ukongwa kwakuruska ŵachiuta wose.

Ezekiele 26:7

“Pakuti viyo atiti Ambuya Chiuta: Awonani, ndikatoriyanga paku Turo Nebukadanezara karonga waku Babiloni kutuliya ku nkhonde, karonga wa ŵakaronga, ŵakavalo ndi magareta, ndi ŵakukwera pa ŵaKavalo pamoza ndi mzinda wa ŵasilikari ŵa nkhondo.

Danyele 11:36

“Ndipo karonga wachitenge mo wakhumbiya; wajikwezgenge yija ndi kujikuzga pachanya pa ŵachiuta wose, ndi wakambenge vinthu vyakuziziswa kumikana ndi Chiuta wa ŵachiuta. Wasakatenge mpaka ukari ufiskike, pakuti cho chakhozgeka mpaka chifiskike.

Danyele 2:19

Viyo chamuchindindi ichi chinguvumbulika kwaku Danyele mu chakuwona cha usiku. Viyo Danyele wanguthamika Chiuta wakuchanya.

Danyele 2:22

wavumbuwa vyamu ndimba ndi vinthu vyamuchibisibisi, waziŵa cho chemu mdima, ndi ukweru we kwaku iyo.

Danyele 2:28

Kweni waliko Chiuta kuchanya yo wavumbuwa vyamuchibisibisi, ndiyo waziŵiska Karonga Nebukadanezara cho chiŵengeko mu mazuŵa ghakunthazi. Loto ndi chiwona cha mutu winu muchigona mu chita, ndi ivi:

Danyele 2:29

Kwaku imwe, a karonga, po mungugona pa chita chinu ghanguza maghanaghano ghaku vyo vikaŵangako.

Danyele 2:30

Chamuchibisibisi ichi chavumbulika kwaku ine, nchifukwa cha zeru zo ndenazo cha kwakuruska wose ŵanyake wo ŵaliko, kweni nchifukwa chakuti kang'anamuridu kaziŵikwe ku karonga mwakuti muziŵi maghanaghano gha mutu winu.

Danyele 2:37

Imwe, a karonga, karonga wa ŵakaronga, Chiuta wakuchanya wakupaskani ufumu, mazaza ndi nthazi, ndi unkhankhu,

Danyele 3:15

Sono asani muzomera kuti mukagwadanga pasi ndi kusopa chikozgu cho ndamika pa mutuvwa kuliya kwa mbata, kumba kwa fyoliro, bangwe, chirumbu, chimbumbuli, mangolongondo, ndi vyakumba vya mitundu yose, iku nchamampha ukongwa; kweni asani kuti mukasopanga cha, mupong'ekenge mu ng'anjo ya moto sosonukweni; ndipo ndiyani Chiuta yo wangaziŵa kumtaskani mu manja ghangu?”

Danyele 3:28

Nebukadanezara wanguti, “Watumbikike Chiuta waku Shadreke, Mesheke, ndi Abedenego, yo watuma mungelo wake kutaska ŵateŵeti ŵake, wo ŵagomezga mwaku iyo, ŵangukana dangu laku ine nda karonga, ŵangupereka maliŵavu ghawo kwakuruska kuteŵete ndi kusopa chiuta munyake, kweni Chiuta wawo pe.

Danyele 3:29

Chifukwa ichi ndilangula kuti, ŵanthu wose, mitundu yose, pamwenga kakambidu, ŵakukamba kanthu kose kumikana ndi Chiuta waku Shadreke, Mesheke, Abedenego, ŵakadumulikanga chiŵaru ndi chiŵaru, ndi nyumba zawo zikasanduskikanga makunthu; chifukwa kulivi Chiuta munyake yo waziŵa kutaska viyo.”

Danyele 4:17

Chilangu chenichi chachitika ndi langulu la ŵalinda, ndi udumuliro wachitika ndi mazu gha ŵatuŵa ku umari, wo ŵakaŵanga ŵamoyo ŵakaziŵanga kuti Wapachanya Limu wausa ufumu wa ŵanthu, ndi waupereka kwaku yo wakhumba, ndipo wasoska ŵanthu ŵapasi kuwusa ufumu wo.’

Danyele 4:25

kuti mukadikiskikanga kutuwa ku ŵanthu, ndi mukajanga ndi nyama zamu dondo; mukarghanga nge ndi ng'ombe ndi mukazumbwanga ndi dungwi la kuchanya, mpaka nyengo zinkhonde ndi ziŵi zimujumpheni, ndi mpaka muziŵi kuti Wapachanya Limu ndiyo wausa pa ufumu wa ŵanthu, ndi kuwupaska kwaku yose yo Iyo wakhumba.

Danyele 4:32

ndipo ukadikiskikanga kutuwa ku ŵanthu, ndi wamuja ndi nyama zamu dondo, kweiko ukarghanga uteka nge ndi ng'ombe, ndipo nyengo zinkhonde ndi ziŵi zikujumphenge mpaka po waziŵa kuti Wapachanya Limu wausa pa ufumu wa ŵanthu, ndi kuwupaska kwaku yose yo wakhumba.”

Danyele 5:11

Walimu munthu mu ufumu winu mwaku yo mwe mzimu wa ŵachiuta ŵatuŵa. Mu mazuŵa gha auskemwe, ukweru, vinjeru, ndi zeru nge ndi zeru za ŵachiuta vingusanirika mwaku iyo. Karonga Nebukadanezara uskemwe, wangumumika kuŵa mura wa ŵaukwi, ŵamaula, ŵaKaldiya, ndi ŵaziŵi nyenyezi,

Amosi 3:7

Nadi Ambuya Chiuta kuti wachita kanthu cha kakuwubende, kwambura kuti wadanga wakavumbuliya ku ŵateŵeti ŵake ŵamchimi.

1 ŴaKorinte 14:25

vibisibisi vya mtima wake viwoneka pakweru; ndi viyo pakuŵa pasi kavunama wamlambiyenge Chiuta; ndi kunena kuŵanthu wose kuti nadidi Chiuta we mukati mwinu.

Marangu 10:17

Pakuti Ambuya Chiuta winu ndi Chiuta wakuruska ndi Ambuya mweneko waku vyose, mukuru, wanthazi, ndi Chiuta wakofya. Kuti walereska chisku cha munthu cha pamwenga kuronda vinda.

1 Timote 6:15

chenicho mu nyengo zake zeneko wakachirongonga Wanthazi yo, wakutumbikika ndi wayija, Karonga yo wa ŵakaronga, ndi mweneko wa ŵakweni;

Yoswa 22:22

“Wanthazi zose, Chiuta, Ambuya! Wanthazi zose, Chiuta, Ambuya! Iyo waziŵa; ndipo Yisraele nayo mweneko waziŵe! Asani kwenga kugaruka pamwenga kuwura kugomezga Ambuya, mungatisiya ŵamoyo cha msana wale,

Chivumbuzi 1:5

ndi kutuwa kwaku Yesu Kristu, kaboni yo wamagomekezgeka, wakupapika wachimoza wamu ŵakufwa, ndi wakuwusa wa ŵakaronga ŵapanupasi. Kwaku Mweniyo watanja ifwe, ndi wangutifwatuwa ku vyakulakwa vidu mu ndopa zake;

Chivumbuzi 17:14

Yaŵa ŵarwanenge ndi Mwana-mberere yo, ndipo Mwana-mberere ndi ŵapamoza nayo, wo mbakudanika, ŵakusankhika, ndi ŵamagomekezgeka waŵapundenge, pakuti ndiyo Mbuya wa ŵambuya, ndi Karonga wa ŵakaronga.”

Chivumbuzi 19:16

Ndipo we nalo pa munjirira wake ndi pa chigha chake zina lakulembeka, Karonga wa ŵaKaronga, ndi Mbuya wa ŵaMbuya.