Danyele 2:44 - Tonga Bible 1986

⁴⁴ Ndipo mu mazuŵa gha ŵakaronga wo, Chiuta wa kuchanya wakamikanga ufumu wo kuti ubwangandulikenge cha, nanga nkhuti mazaza ghake ghapere ku fuku linyake cha. Ubwanganduwenge maufumu ghose yagha kughamara; ndipo ukaŵangako muyaya;

Danyele 2:44 ပူးပေါင်းရင်းမြစ်များ

Chiyambo 49:10

Nthonga ya ufumu kuti yikatuwangako kwaku Yuda cha, chingana ndi nthonga ya mweruzgi kutuwa pakati pa malundi ghake, mpaka wazi mweneko waku yo: ndipo kwaku iyo kwamkuŵa muvwiyu wa ŵanthu.

2 Samuele 7:13

Wakazengiyanga nyumba zina langu ndipo ndikakhozganga chitengo cha ufumu wake muyaya.

2 Samuele 7:16

Ndipo myumba yako ndi ufumu wako vikajaririyanga kwauneneska pa maso ghangu muyaya; chitengo chako chikakuzgikanga muyaya.’ ”

Sumu 145:13

Ufumu winu ngwamuyaya, ndipo kuusa kwinu nkhwa migonezi ndi migonezi. Ambuya mbakongorekwa mu mazu ghawo ghose, ndi amampha mwaku chose cho achita.

Yesaya 60:12

Pakuti mtundu ndi ufumu wo urekenge kumutataliyani ukamaranga; mitundu yaviyo yikachitikanga mapopa kumariya limu.

Ezekiele 37:25

Wakajanga mu charu cho ŵangujamo auskemwe cho ndingupaska mteŵeti wangu Yakobe; iwo, ndi ŵana ŵawo, pamoza ndi ŵana ŵa ŵana ŵawo ŵakajanga mwaku cho muyaya; ndipo Davidi mteŵeti wangu wakaŵanga fumu yawo muyaya.

Danyele 2:28

Kweni waliko Chiuta kuchanya yo wavumbuwa vyamuchibisibisi, ndiyo waziŵiska Karonga Nebukadanezara cho chiŵengeko mu mazuŵa ghakunthazi. Loto ndi chiwona cha mutu winu muchigona mu chita, ndi ivi:

Danyele 2:34

Mo mungulereske, mwa ungudumulika ndi janja la munthu cha, ndipo unguwa pa chikozgu, pa marundi ghake gha chisulo ndi dongo, ndikughavikita tumana-tumana.

Danyele 2:35

Viyo chisulo, dongo mkuŵa, siliva, ndi golide vinguvikitika tumana-tumana vyose pamoza, ndi vinguŵa nge ndi mwere wa chihanya wakupepeteke pasi, ndi mphepo yinguviputiskiya kutali, mwakuti vingawoneka so cha. Kweni mwa uwa ungutekenya chikozgu cho, ungusanduka phiri likuru ndi linguzaza charu chose chapasi.

Danyele 2:37

Imwe, a karonga, karonga wa ŵakaronga, Chiuta wakuchanya wakupaskani ufumu, mazaza ndi nthazi, ndi unkhankhu,

Danyele 2:43

Nge ndimo munguwone chisulo chakusazgika ndi dongo, viyo ŵasazgikanenge mu zinthengwa, kweni kuti ŵabatikanenge ndi munyake cha nge ndimo chisulo chireke kusazgikiyana ndi dongo.

Danyele 4:3

Mbukuru nawo wavisimikizgu vyake! Mbukuru nawo wa vyakuziziswa vyake! Ufumu wake mbufumu wa muyaya, ndipo muwusu wake ngwa mgonezi ndi mgonezi.

Danyele 4:34

Pa umari wa mazuŵa, ine Nebukadanezara, ndinguyinuskiya maso ghangu kuchanya, ndipo zeru zangu zinguweremu. Ndingutumbika Wapachanya Limu, ndingumuthamika ndi kumukankhuska mweniyo wajaririya muyaya: chifukwa muwusu wake ndi muwusu wambura kumara, ndipo ufumu wake ujaririya ku migonezi;

Danyele 6:26

Ndimika dangu kuti mu muwusu wangu wose ŵanthu ŵatenthemi ndi kopa paurongo paku Chiuta waku Danyele. Pakuti ndi Chiuta wamoyo, wajaririya muyaya; ufumu wake kuti umarenge cha ndi muwusu wake ngwambura chigoti.

Danyele 6:27

Wataska ndi kuwombo wachita visimikizgu ndi vyakuziziswa kuchanya ndi pasi.”

Danyele 7:27

Ufumu ndi mtufu ndi ukuru wa maufumu mu charu chose chapasi vipaskikenge kuŵanthu ŵatuŵa ŵaku Wapachanya Limu; ufumu wawo ukaŵanga ufumu wambura kumara ndi mtufu yose yikaŵateŵetiyanga ndi kuŵavwiya.’

Danyele 8:25

Ndipo ndi uchenjezi wake wachitenge chanduwu chaupusikizgi mu janja lake, wajikuzgenge mu vinjeru vyake. Kwambura kudanga wachenjezga wakabayanga ŵanthu ŵanandi ndipo wakamikananga so ndi karonga wa ŵakaronga; kweni wakabwangandukanga kwambura janja la munthu.

Mika 4:7

ŵakupunduka ndiŵachitenge kuŵa ŵakujako; ndi ŵakudikiskika kuŵa mtundu wanthazi. Ndipo Ambuya akaŵausanga mu phiri la Zioni kutuwa sono mpaka muyaya.

Hagayi 2:22

ndi kubwanganduwa chitengu cha mafumu, nde pafupi kubwanganduwa nthazi za gha mitundu, ndi kubwanganduwa magareta ndi ŵakukwerapo ŵawo; ndi ŵakavalo ndi ŵakukwerapo ŵawo ŵawenge pasi, yose wakawanga pa lipanga la mwanasi wake.

Hagayi 2:7

ndipo nkhasukuniskanga mitunda yose, mwakuti usambasi wa mitundu yose uzengemu, ndi nkhazazanga nyumba iyi ndi unkhankhu, atiti Ambuya ŵa maŵanja.

Mateyu 28:18

Ndipo Yesu wanguza, wangurongoro nawo, wakuti, “Wapaskika kwaku ine mtufu wose kuchanya ndi panupasi.

Yohane 12:34

Mzinda wo ungumwamuka, “Ifwe tavwa ku langulu lo, kuti Kristu wakajaririyanga muyaya. Ukamba uli iwe, mwana wa munthu watenere kusoskeka? Njani uyu Mwana wa munthu?”

ŴaHebere 12:28

Viyo, taŵakuronde ufumu wambura kusukunika, tiŵe ndi kuwonga, mwaku wo tisope Chiuta kwakumkondweska ndi uwopa Chiuta ndi wofe:

Chivumbuzi 11:15

Wangukuŵa mungelo wachinkhonde ndi chiŵi; ndipo ghanguŵapo mazu ghakuru kuchanya, ghakuti, “Ufumu wa panupasi sono ngwa Mbuyafwe, ndi waku Kristu wake, ndipo wakausanga ku muyaya muyaya!”

Chivumbuzi 2:27

ndipo wakayiwusanga ndi ndodo ya chisulo, uli ndimo viyaŵi vya dongo viphwanyikiya, nge ndimo ine nane ndarondere mazaza ku Ada: