Danyele 2:27 - Tonga Bible 1986

²⁷ Danyele wangwamuka karonga wanguti, “Palivi ŵanthu ŵazeru, manyi mbaziŵi nyenyezi, ŵaukwi, pamwenga ŵakuziŵa zinyengo wo ŵangaziŵa kunena chamuchibisibisi cho karonga wafumba.

Danyele 2:27 ပူးပေါင်းရင်းမြစ်များ

Chiyambo 40:8

Iwo ŵanguti kwaku iyo, “Talotanga maloto, ndipo palivi nanga njumoza Wakughang'anamuwa.” Ndipo Yosefe wanguti kwaku wo. “Kumbi mang'anamulidu kuti ngaku Chiuta cha? Ndineniyeni, nditukuŵeyereni.”

Chiyambo 41:8

Viyo ndi mlenji mzimu wake ungusuzgika; ndipo wangutuma ndi wangudana ŵavyanusi wose ŵamu Egipiti ndi ŵazeru wose ŵa charu chiya; ndipo Farao wanguŵanduliya loto lake, ndipo pengavi yumoza yo wanguziŵa kuling'anamuwa kwaku Farao.

Yesaya 19:3

mzimu wa ŵaEgipiti mukati mwawo yikakhutulikanga, ndikatimbanizganga vyo ŵarongoso; ndipo wakafumbiriyanga ku ŵangoza ndi ŵavyanusi, ndi ŵakuukwa ndi zifwiti,

Yesaya 44:25

Yo wasuska vyakuloska vya ŵatesi, ŵakombezi wati ŵasanduska ŵabeleŵeza; mweniyo wawezge vuli ŵanthu ŵazeru, ndipo zeru yawo yisanduka kupusa;

Yeremiya 10:7

Njani yo wangareka kumopani imwe, mwa Karonga ŵa mitundu? Pakuti mwe ŵakwenere kopeka; mukati mu ŵazeru wose ŵa mitundu ya ŵanthu ndi mu maufumu ghawo ghose mulivi wakuyana ndi imwe.

Danyele 1:20

Mu makani ghose gha vinjeru ndi ghakukhumba kuwamo gho wanguŵafumba wanguŵasaniya kuti mbavinjeru kuruska ŵaukwi ndi ŵaziŵi nyenyezi wose wo ŵenga mu chigaŵa cha ufumu wake.

Danyele 2:2

Viyo karonga wangulangula kuti ŵaukwi, ŵaziŵi nyenyezi, ŵakuwombeza, ndi ŵaKaldiya ŵadanike kuzachivumbuliya karonga maloto ghake. Viyo ŵanguza ndi ŵanguma paurongo pa karonga.

Danyele 4:7

Viyo ŵaukwi, ŵakombeza, ŵaKaldiya, ndi ŵaziŵi nyenyezi ŵangusere; ndipo ndinguŵanene loto, kweni kuti ŵanguziŵa kundiziŵiska cha kang'anamuridu kake.