Danyele 2:23 - Tonga Bible 1986

²³ Kwaku imwe, Chiuta wa ŵada, ndipereka viwongo ndi marumbu, chifukwa mwandipaska zeru ndi nthazi, ndipo sono mwandivumbuliya cho tingufumba kwaku imwe, chifukwa mwativumbuliya makani gha karonga.”

Danyele 2:23 ပူးပေါင်းရင်းမြစ်များ

Chiyambo 18:17

Ambuya anguti, “Kumbi ndikamubisanga Abrahamu cho ndikachitanga;

Chiyambo 31:42

Asani Chiuta wa ada, Chiuta waku Abrahamu ndi Chiuta waku Yisaki, wengavi kuŵa kuchiri kwangu, kwakuneneska sono mphanyi wandidika kwambura ndi kanthu mu manja. Chiuta wanguwona suzgu yangu ndi kutakataka kwa manja ghangu, ndipo wakuchenya iwe usiku waruta.”

1 ŴaKaronga 18:36

Ndipo pa nyengo yakupereke chisopo, Eliya mchimi wanguza pafupi, wanguti, “Ambuya, Chiuta waku Abrahamu, Yisaki, ndi Yisraele, chitani kuti ndimwe Chiuta waku Yisraele, ndi kuti ine nde muŵanda winu, ndipo ndachita vinthu vyose ivi pa mazu ghinu.

1 ŴaKaronga 8:57

Ambuya Chiuta widu waŵe nafwe, nge ndimo wanguŵiya ndi auskefwe, wareke kutijowo chingana nkhutilekerezga,

1 Mikoka 29:10

Viyo Davidi wangutumbika Ambuya paurongo pa wumba wose, wanguti: “Mwakutumbikika ndimwe, Ambuya, Chiuta waku Yisraele auskefwe, muyaya ndi muyaya.

1 Mikoka 29:13

Ndipo sono Chiuta widu timuwongane ndi kukankhuska zina linu lakutumbikika.

2 Mikoka 20:6

Ndipo wanguti, “Ambuya, Chiuta wa ŵambuyafwe, kumbi imwe kuti ndimwe Chiuta wakuchanya cha? Kumbi kuti muwusa cha pa mafuku ghose gha ŵamitundu? Mu janja linu mwe nthazi ndi uchinkhara, mwakuti palive yumoza yo wangaziŵa kumikana namwe?

Sumu 21:2

Imwe mwamupaska linweka la mtima wake, ndipo pemphu la milomo yake kuti mwamunora cha.

Sumu 21:4

Umoyo wo wangupempha kwaku imwe; mwamupaska, utali wa mazuŵa muyaya ndi muyaya.

Sumu 25:14

Ambuya ndi bwezi laku ŵeniwo ŵati ŵawopa, ndipo phanganu lawo atiŵaziŵiska.

Sumu 50:14

Kombole kwaku Chiuta chisopo cha kuwonga, ndipo pereka marapu ghako ku wapachanya limu;

Chituwa 3:15

Chiuta wangunena nayo so Mosese, “Viyo ndimo ukanene ku ŵaYisraele, ‘Ambuya Chiuta wa auskemwe Chiuta waku Abrahamu, Chiuta waku Yisaki, ndi Chiuta waku Yakobe, wandituma kwaku imwe’; ili ndi zina langu muyaya, ndipo viyo ndimo ndikakumbukikiyanga mu migonezi yose.

Nthanthi 21:22

Munthu wazeru wakwera pa msumba wa wanthazi ndipo wabwanganduliya pasi linga mwaku lo ŵagomekezga.

Nthanthi 24:5

Munthu wa zeru ngwakulimba kwakuruska munthu wanthazi, ndipo munthu wa chinjeru waruska mweniyo wendi nthazi,

Nthanthi 8:14

Ndendi chipangu ndi zeru yakufikapo, ndendi kuziŵa kwa mukati, ndendi nthazi.

Wakutaula 7:19

Vinjeru vipaska nthazi ku munthu wazeru kwakuruska ŵakuwusa chumi wo ŵemu mu msumba.

Wakutaula 9:16

Kweni ine ndititi vinjeru vyamampha kwakuruska nthazi, nanga zeru ya munthu mukavu njakunyozeka, ndi mazu ghake ngambura kuvwika.

Wakutaula 9:18

Vinjeru vyamampha kwakuruska vidya vya nkhondo, kweni mulakwi yumoza watananga vyamampha vinandi.

Yesaya 12:1

Mwazamukamba mu zuŵa liya: “Ndiwongenge imwe, Ambuyamwe, chifukwa chingana mungundikaripiya, ukari winu watuwapo, ndipo sono mwandisangaruska.

Yeremiya 33:3

Danani kwaku ine ndipo ndikwamukeninga, ndikuneniyeninga vinthu vikuru ndi vyakubisika vyo mulivi kuviziŵapo.

Danyele 1:17

Chiuta wanguŵapaska ŵanyamata yaŵa vinjeru ndi mziŵiro mu malembo ghose ndi mu vinjeru; ndipo Danyele wanguŵa ndi mziŵiro wa vinjeru mu chakuwona chose ndi mu maloto ghose.

Danyele 2:18

ndipo wanguŵanene kuromba lisungu laku Chiuta wa kuchanya, pa chamuchibisibisi ichi. Mwakuti Danyele ndi ŵamoza nayo ŵareke kubayikiya pamoza ndi ŵazeru ŵamu Babiloni.

Amosi 3:7

Nadi Ambuya Chiuta kuti wachita kanthu cha kakuwubende, kwambura kuti wadanga wakavumbuliya ku ŵateŵeti ŵake ŵamchimi.

Mateyu 11:25

Pa nyengo yeniyo, Yesu wanguti, “Ndikuwongani, Ada, mweni kuchanya ndi pasi, kuti munguvibisa ivi ku ŵazeru ndi ŵakuwamo, ndipo munguvivumbuliya ku ŵamjedu.

Luka 10:21

Mu ora leniliya Yesu wangukondwere mu Mzimu Wakupaturika, ndipo wanguti, “Ndikurumbani, Ada, Mbuya wa kuchanya ndi panupasi, kuti mungubisa vyenivi ku ŵazeru ndi ŵakawamo ndi munguvivumbuliya ku malitema: inya, Ada, pakuti viyo kunguŵa kwakukondweska paurongo pinu.

Yohane 11:41

Viyo wangutuzgako mwa. Ndipo Yesu wangwinuskiya kuchanya maso ghake, wanguti, “Ada, ndikuwongani kuti mwandivwa.

Yohane 15:15

Kuti ndikuzumbuwani ŵaŵanda so cha; chifukwa muŵanda walive kuziŵa cho wachita mbuyake: kweni ndakutamulani ŵabwezi; pakuti ndakuziŵiskani vyose vyo ndavwa ku Ada.

Chivumbuzi 1:1

Uvumbuzi waku Yesu Kristu, weniwo Chiuta wangumpaska kuŵarongo ŵateŵeti ŵake vinthi vyo vitenere kuŵapo ruŵi: ndipo wanguusimikizgiya pakuwutumizgiya mu mungelo wake ku mteŵeti wake Yohane;

Chivumbuzi 5:5

ndipo yumoza wamu ŵara wo wangunena nane, “Ungaliyanga cha: awona, Nkharamu yo yamu fuku laku Yuda, nkhorozu yaku Davidi yo yapunda ndiyo yiziŵa kubanuwa buku lakuzinga ndi vizighiri vyake vinkhonde ndi viŵi.”