Danyele 2:22 - Tonga Bible 1986

²² wavumbuwa vyamu ndimba ndi vinthu vyamuchibisibisi, waziŵa cho chemu mdima, ndi ukweru we kwaku iyo.

Danyele 2:22 ပူးပေါင်းရင်းမြစ်များ

Chiyambo 41:16

Yosefe wangwamuka Farao, “Ichi kuti che mwangu cha; Chiuta ndiyo wakapaskanga Farao kwamuka kwakwenere.”

Jobu 12:22

Wavumbuwa vya pa ndimba mu mdima ndi wangweruska mdima wamunkhorwe.

Jobu 26:6

Muunda we mwazi pa maso paku Chiuta, pharghang'iko lilivi chibenekere.

Sumu 104:2

mwajivwinkha ndi kungweruka nge ndi raya, mwatandika machanya nge ndi hema.

Sumu 25:14

Ambuya ndi bwezi laku ŵeniwo ŵati ŵawopa, ndipo phanganu lawo atiŵaziŵiska.

Sumu 36:9

Pakuti chisima cha umoyo che ndi imwe; mu kungweruka kwinu ifwe tiwona ukweru.

Wakutaula 8:1

Ndiyani yo wayana ndi munthu wazeru? Ndipo ndiyani yo waziŵa kung'anamulidu ka chinthu? Zeru za munthu zingweruska chisku chake, Ndipo unonono wa chisku chake usinthika.

Yesaya 41:22

Wavituzge, ndipo watinene cho chikaŵangako. Tineniyeni vinthu vya kale, kuti vine, kuti tivighanaghane, kuti tiziŵe ko vituliya, pamwenga titauliyeni vinthu vyo vikazanga.

Yesaya 41:26

Kumbi njani wanguziŵiska ichi kutuliya pa chiyambo, kuti tiziŵe, ndi paurongo pa nyengo yo alinga kuti tinene, “Warunjika”? Pengavi nanga njumoza wanguchiziŵiska, nanga njumoza wangumemeza nanga njumoza wanguvwa mazu ghinu.

Yesaya 42:9

Ehe, vinthu vya kale vyafiskika, sono ndiziŵiska vinthu vifya; vyenga vindawoneke nditivitaula kwinu.” Sumu yifya ku Ambuya

Yesaya 45:7

Ndiumba ukweru ndi kulenga mdima, ndiŵika umampha ndilenga soka, ndine Ambuya mweniyo wachita vinthu ivi vyose.

Yeremiya 23:24

Kumbi munthu wangajibisa mu malo ghakubisika kuti ine nditondeke kumuwona? atiti Ambuya. Asi ine ndizaza kuchanya ndi charu chapasi? atiti Ambuya.

Yeremiya 33:3

Danani kwaku ine ndipo ndikwamukeninga, ndikuneniyeninga vinthu vikuru ndi vyakubisika vyo mulivi kuviziŵapo.

Danyele 2:11

Chinthu cho karonga wafumba nchinonono, palivi yo wangachivumbuwa ku karonga kweni ŵachiuta pe ndiwo wo kuti mbanthu cha.”

Danyele 2:19

Viyo chamuchindindi ichi chinguvumbulika kwaku Danyele mu chakuwona cha usiku. Viyo Danyele wanguthamika Chiuta wakuchanya.

Danyele 2:47

Karonga wanguti kwaku Danyele, “Kwakuneneska Chiuta wako ndi Chiuta wa ŵachiuta, ndi karonga wa ŵakaronga, muwuvumbuzi wa vya muchindindi, chifukwa iwe wavumbuwa cha muchindindi ichi.”

Danyele 5:11

Walimu munthu mu ufumu winu mwaku yo mwe mzimu wa ŵachiuta ŵatuŵa. Mu mazuŵa gha auskemwe, ukweru, vinjeru, ndi zeru nge ndi zeru za ŵachiuta vingusanirika mwaku iyo. Karonga Nebukadanezara uskemwe, wangumumika kuŵa mura wa ŵaukwi, ŵamaula, ŵaKaldiya, ndi ŵaziŵi nyenyezi,

Danyele 5:14

Ndavwa ndi iwe kuti mzimu wa ŵachiuta ŵatuŵa we mwaku iwe, ndi kuti ukweru, vinjeru, ndi zeru zakufikapo visanirika mwaku iwe.

Mateyu 13:13

Chifukwa chenichi ndirongoro kwaku wo mu zintharika; chifukwa ŵawona kweni kuti ŵawoneseska cha, ŵatuvwa kweni kuti ŵavwisiska cha, chingana nkhuwamo.

Yohane 1:9

Kungweruka kwenecho, kwakungweruska munthu yose kwazanga mu charu.

Yohane 21:17

Wanena nayo so kachitatu, “Simoni, mwana waku Yohane kumbi utindanja ine?” Petro wanguvwa chisungu, chifukwa wanena nayo kachitatu yaka, “Utindanja ine?” Wangunena nayo, “Ambuya imwe muziŵa vyose; muziŵa nadi kuti nditanja imwe.” Yesu wamnene, “Liska mberere zangu.

Yohane 8:12

Viyo Yesu wangurongoro so nawo, wakuti, “Ine ndine Kungweruka kwa charu: wakurondo ine kuti wakendanga mu mdima cha, kweni waŵenge ndi kungweruka kwa umoyo.”

1 ŴaKorinte 4:5

Viyo mungeruzgiyanga limu kanthu cha, yindaze nyengo, Ambuya ŵenga ŵandaze, ŵeniwo nawo ŵavumuwenge vibisibisi vya mdima, ndipo ŵawoneskenge pakweru vipangu vya mitima. Penipa ndipo likamuŵiyanga munthu we yose rumbu lake kutuliya kwaku Chiuta.

ŴaEfeso 3:5

ghenigho mu migonezi yinyake ghengavi kuziŵikwa ku ŵana ŵa ŵanthu, uli ndimo sono ghavumbulikiya ndi Mzimu ku ŵakutumika ŵake ŵakupaturika ndi ŵamchimi;

Marangu 29:28

ndipo Ambuya anguŵatuzga mu charu chawo ndi ukari ndi kandundu ufyu ndi kukwiya kukuru, ndi kuŵataya mu charu chinyake, uli ndimo kuliri msana wale.’

1 Timote 6:16

mweniyo yija we ndi uwuranyifwa wakuja mu ukweru wambura maŵandikika, mweniyo palive munthu wamwona chingana waziŵa kumwona: kwaku mweniyo kuŵiye thamu ndi mazaza ghamuyaya. Ameni.

ŴaHebere 4:13

Ndipo palive chakulengeka chambura kuwoneka paurongo pake: kweni vyose vye nkhuli ndi mwazi ku maso ghaku mweniyo te ŵachifukwa nayo.

Yakobe 1:17

Mpasku wose wamampha ndi chawezi chose chizirima nchakutuwa kuchanya chakusika kutuwa ku Dada wa maukweru, mwaku mweniyo mulive ching'anamuka chingana nchiduzi cha ching'anamuka.

1 Yohane 1:5

Ndipo wenuwu mbuthenga weniwo tavwa kwaku iyo, ndi timtauliyani, kuti Chiuta iyo nkhungweruka, ndipo mwaku iyo mdima mulive mbwenu.