Danyele 12:7 - Tonga Bible 1986

⁷ Munthu wakuvwara bafuta, yo wenga pachanya pa maji gha mu msinji, wangusoske janja lake la marghe ndi janja lake la maze kuchanya; ndipo ndingumuvwa wakurapa paku yo ngwamoyo muyaya kuti kuŵenge kwa nyengo, nyengo ziŵi, ndi nyengo yimanavi; ndipo penipo kuparghang'a kwa nthazi za ŵanthu ŵatuŵa kwamara, vinthu vyose ivi vikamaranga.

Danyele 12:7 ပူးပေါင်းရင်းမြစ်များ

Jobu 27:2

“Chiuta wamoyo, yo watuzgapo urunji wangu, ndi Wanthazizose, yo wachita mzimu wangu kuŵa wakuŵaŵa,

Yesaya 62:12

Ndipo ŵakadanikanga ŵanthu Ŵakupaturika, Ŵakuwomboleka ŵa Ambuya; ŵanthu ŵakupenjeka, Muzi wambura kusiyika.

Yeremiya 4:2

ndipo asani mukarapanga, ‘Mo ŵajaliya Ambuya ŵamoyo,’ mu uneneska, mu urunji, ndi mu kunyoroka, sono ndipo mitundu yikatumbikikiyanga mwaku imwe, ndipo mwaku imwe yikatumbwiyanga.”

Ezekiele 20:5

ŵanene kuti, Viyo atiti Ambuya Chiuta: Pa zuŵa lo ndingusankhiya Yisraele, ndingurapa ku mbeu ya nyumba yaku Yakobe, ndingujivumbuwa ine ndamwene kwaku iwo mu charu cha Egipiti, ndinguŵarapiya, kuti, Ndine Ambuya Chiuta winu.

Danyele 10:5

ndinguyunuska maso ghangu ndipo ndinguwona munthu wakuvwara bafuta, yo muchiwunu chake wanguvwara golide wa Ufaza.

Danyele 11:13

Chifukwa karonga waku nkhonde waŵenge so ndi liŵanja likuru kuruska lakudanga; ndipo vitakuti vyarutapo virimika, wazenge ndi nkhondo yikuru ndi usambasi wakuzara.

Danyele 12:6

Ndipo ndinguti ku yumoza yo wanguvwara bafuta, yo wenga pachanya pa maji gha mu msinji, “Kumbi umari wa vyakuziziswa ivi uŵengeko zuŵanji?”

Danyele 12:8

Ndinguvwa kweni kuti ndinguwamu cha. Viyo ndinguti, “Mbuya wangu, kumbi umari wa vinthu ivi ukaŵanga uli?”

Danyele 4:31

Karonga weche kukamba mazu yagha, liwo lingusika kutuwa kuchanya lakuti, “Iwe karonga Nebukadanezara, kwaku iwe kuneneka kuti: ufumu watuwako kwaku iwe,

Danyele 4:34

Pa umari wa mazuŵa, ine Nebukadanezara, ndinguyinuskiya maso ghangu kuchanya, ndipo zeru zangu zinguweremu. Ndingutumbika Wapachanya Limu, ndingumuthamika ndi kumukankhuska mweniyo wajaririya muyaya: chifukwa muwusu wake ndi muwusu wambura kumara, ndipo ufumu wake ujaririya ku migonezi;

Danyele 7:21

Ndichilereska, sengwe ili lingurwa nkhondo ndi ŵatuŵa ŵaku Chiuta, ndi linguŵapunda.

Danyele 7:25

Wakakambanga mazu ghakumikana ndi Wapachanya Limu, ndi wakalopweskanga ŵatuŵa wa Wapachanya Limu ndipo waghanaghanenge kusintha zinyengo ndi marangu; ndipo vipaskikenge mu janja lake kwa nyengo ziŵi, ndi kamphindi ka nyengo.

Danyele 8:14

Ndipo wanguti kwaku iyo, “Mpaka mazuŵa vikwi viŵi pachanya machumi pe chumi ghatatu (2,300) mazulo ndi mlenji po ndipo, malo ghatuŵa ghatoweskekenge nge ndi kali.”

Danyele 8:24

Nthazi zake zikaŵanga zikuru, ndipo wakachitanga phasulu lakofya, wakapundanga mwaku cho wakachitanga ndi wakaparghang'anga ŵamazaza ndi ŵanthu ŵatuŵa ŵaku Chiuta.

Luka 21:14

Ŵikiyani limu viyo ku mitima yinu kujipimiya danga cha mo mwamukiyenge;

Luka 21:24

Ndipo ŵanyake ŵabayikenge ndi uyi wa lipanga, ndi ŵanyake ŵakorekenge nge mbamagoŵa ku mitundu yose, ndipo Yerusalemu waŵenge wakuphwatika ndi Mitundu, mpaka zifiskikenge nyengu za Mitundu.

Marangu 26:19

kuti mu kurumba ndi mu mbiri ndi ulemu ŵakamukwezgiyaninga pachanya kuruska mitundu yose yo ŵakulenga, ndi kuti mukaŵanga ŵanthu ŵakupaturikiya Ambuya Chiuta winu, uli ndimo ŵakukambiya.”

Marangu 32:36

Pakuti Ambuya akafiskiyangadi ŵanthu ŵawo ndi kuchitiya lisungu ŵateŵeti ŵawo, achiwona kuti nthazi yawo yamara, ndipo kuti wajapo cha wakumangika pamwenga mwanangwa.

Marangu 32:40

Pakuti ndisoske janja langu kuchanya ndi ndirapa, kuti, Mwenimo ndijariya wamoyo muyaya.

Marangu 7:6

“Chifukwa imwe mwe ŵanthu ŵakupaturika kwa Ambuya Chiuta winu, Ambuya Chiuta winu wakusankhani kuti muŵe ŵake ŵapade, kutuwa ku ŵanthu wose wo ŵe pa charu.

1 Petro 2:9

Kweni ndimwe fuku lakusankhika, uzukuru waufumu, mtundu wakupaturika, khamu lapa mtima wake, viyo kuti mutaulenge maumampha ghaku mweniyo wangumdanani mu mdima kuyiya ku ukweru wake wakuzizwiska;

Chivumbuzi 12:14

Ndipo kungupskika ku munthukazi yo mapapiku ghaŵi gha nombo yikuru, kuti waphururukiye ku bozwa, ku malo ghake, kweniko wakalerekanga kwaka nyengo, ndi zinyengo, ndi nusu ya nyengo, kutuwapo pa njoka yo.

Chivumbuzi 12:6

munthukazi iyo wanguthaŵiya ku bozwa, kweniko wenga ndi malo ghakurongosoleka ndi Chiuta, kuti wamuhiŵiye kweniko mazuŵa chikwi ndi machumi pe chumi ghaŵi ndi machumi ghankhonde ndi limoza (1,260).

Chivumbuzi 13:5

Ungupaskika ku chikoku cho mlomo wakurongoro vinthu vikuru ndi vyakutuka; chingupaskika mazaza kurongoro ivi kwamyezi machumi ghanayi ndi yiŵi.

Chivumbuzi 4:10

ŵatuwa pasi ŵara wo machumi ghaŵi ndi ŵanayi paurongo paku yo waja pa chitengu chaufumu cho, ndi kumlambiya yo ngwamoyo ku muyaya ndi muyaya; ndipo ŵapong'a pasi ndumbu zawo paurongo pa chitengu-chaufumu cho, ŵatumba,

Chivumbuzi 4:9

Ndipo penipo pose vyamoyo vyo vipaska unkhankhu ndi rumbu ndi kuwonga kwaku yo waja pa chitengu chaufumu cho, kwaku mweniyo ngwamoyo ku muyaya ndi muyaya,