Kweni asani ŵanguma mu upu wangu, ipo mphanyi ŵangumemeza mazu ghangu ku ŵanthu ŵangu; ndipo mphanyi ŵanguŵang'anamuwako ku nthowa yawo yiheni, ndi ku uheni wa machitidu ghawo.
Ŵanandi ŵajitoweskenge, ndi kujichita ŵatuŵa, ndi ŵakatozgekanga; kweni ŵaheni ŵachitenge uheni; kulivi yumoza yo wakawangamu, kweni wo mbazeru pe ndiwo ŵawengemu.
Yesu wanguŵanene, “Nadidi ndikuneniyani, kuti imwe mwaŵakundirondo, mu charu chifya cho penipo Mwana wa munthu wajenge pa chitengo cha unkhankhu wake, namwe so mwazamuja pa vitengo chumi ndi viŵi, ŵakweruzga mafuku chumi ndi ghaŵi ghaku Yisraele.
Kweni mu Antoike, mu mpingu wa kweniko, mwenga ŵamchimi ndi ŵasambizgi: Barnaba, ndi Simeone, wakuzumbulika Nigere, ndi Lukoi mKurene, ndi Manaena, yo wangulereka pamoza ndi Herode, chinaikiru yo, ndi Saulo.
Mwa wezi waku Chiuta wo ungupaskika kwaku ine, nge ndi mzengi mura wazeru ndinguŵika chiŵanja; ndipo munyake wazengapo. Kweni munthu yose walereske mo wazengiyapo.
Chingana pa nyengo iyi mukhumba kuŵa ŵasambizgi kweni mukavuka yumoza kukusambizgani so mitendeku ya chiyambu cha mazu ghaku Chiuta; ndipo mwaŵa ŵakukavuka mkaka, ndi chakurgha chakukhoma cha.
Ndipo pimani chelekerezga cha Ambuyafwe kuti mbutaski; uli ndimo so mbali widu wakwanjiwa, Paulo, kwakuyana ndi zeru yo yapaskika kwaku iyo, wangukulembiyani;
nge nkhu mangari gho gha nyenyezi nkhonde ndi ziŵi Zo unguwona mu janja langu lamarghe, ndi gha vikoleru-nyali vyo vinkhonde ndi viŵi vyagolide. Nyenyezi nkhonde ndi ziŵi zo mbangelo ŵa mipingu yo yinkhonde ndi ghaŵi: ndipo vikoleru-nyali vyo vinkhonde ndi viŵi ndi mipingu yinkhonde ndi yiŵi.