Danyele 11:7 - Tonga Bible 1986

⁷ “Mu nyengo zo mphanda ya misisi yake yibukenge mu malo ghake. Wazenge ndi nkhondo ndi kusere mu linga la karonga waku nkhonde ŵarwanenge nawo ndi kuŵapunda.

Danyele 11:7 ပူးပေါင်းရင်းမြစ်များ

Jobu 14:7

“Chifukwa chilipo chigomezgu chachimuti, kuti chingana chatemeke pasi chikabukanga so, ndi kuti mphanda zake kuti zikamiranga cha.

Sumu 109:8

Mazuŵa ghake ghaŵe ghamanavi; munthu munyake waphange usambasi wake!

Sumu 55:23

Kweni imwe A Chiuta, muŵapong'enge pasi, mu zenje la pharghaniko; ŵanthu ŵakudiska ndopa ndi ŵakupusika kuti ŵafiskenge mazuŵa gha umoyo wawonanga mphakatikati cha. Ine ndigomekezgenge mwaku imwe.

Yesaya 11:1

Pakatuwanga chitivwa pa chipandu chaku Jese, ndipo mphanda yikakuwanga kutuwa ku misisi yake.

Yesaya 9:14

Viyo Ambuya angudumuwako kwaku Yisraele mutu ndi mchiya, mphanda ya kanchindu ndi dete mu zuŵa limoza pe.

Yeremiya 12:2

Imwe mutuŵapanda, ndipo iwo ŵathaza; ŵakuwa ndi ŵapasa chipasi; imwe mwe pafupi mu mlomo wawo ndipo mwe kutali ndi mtima wawo.

Ezekiele 17:18

Chifukwa wangunyoza rapu, wanguswa phanganu, chifukwa wangupereka janja lake, wanguchita vyose ivi, kuti wakapozomokanga cha.

Danyele 11:40

“Pa vyengo ya umari, karonga waku malaŵi warwenge nayo, kweni karonga waku nkhonde wamurotokiyenge nge ndi kavuruvuru, ndi magareta, ndi ŵakukwera ŵakavalo, ndi ngaraŵa zinandi; ndipo ŵazamsere mu vyaru ndi kuchapariya, ndi kuporotamo.

Danyele 11:6

Vitakuti vyarutapo virimika vinyake ŵakayanananga ndipo mwana munthukazi wa karonga waku malaŵi wazenge ku karonga waku nkhonde kuzachipangana nayo za chimangu; kweni kuti wakajanga ndi nthazi zajanja lake cha, sono karonga yo ndi mphapu yake kuti ŵarutiriyenge cha. Munthukazi yo wamperekenge pamoza ndi wo ŵanguza nayo, mwana wake, ndi yo wangumsunga.

Malaki 4:1

“Chifukwa nadi zuŵa lituza, lakocha nge ndi ng'anjo, penipo ŵakujikuzga wose ndi wose ŵakuchita uheni ŵakaŵanga viswaswa. Zuŵa lo lituza likaŵawochanga, atiti Ambuya ŵa maŵanja, viyo kuti likaŵasiyiyanga nanga ndi musisi pamwenga mphanda cha.

Luka 12:20

Kweni Chiuta wanguti kwaku iyo, ‘Wakupusa we, usiku uno ŵawufumbiyenge mzimu wako; ndipo vyenivyo warongoso, viŵenge vyaku yani?’