Danyele 11:4 - Tonga Bible 1986

⁴ Watakuti wayuka, ufumu wake uswekenge ndi kugaŵikiya ku mphepo zinayi za kuchanya, kweni ku ŵana ŵake cha, chingana nkhulingana ndi mtufu wo wausiyanga iyo, chifukwa ufumu wake ukarondekanga, uŵenge wa ŵanyake, ku mbumba yake cha.

Danyele 11:4 ပူးပေါင်းရင်းမြစ်များ

Sumu 39:6

Nadidi munthu watenda nge nchiduzi! Kwakuneneska wakweŵeka kwawaka; munthu waunjika, kweni kuti waziŵa cha yo wakaronganga!

Wakutaula 4:8

munthu yo walivi nanga njumoza, kaya mwana munthurumi pamwenga mbali, kweni uli kulivi umari ku suzgu yake yose, ndipo maso ghake kuti ghaguta ndi usambasi cha, viyo kuti watijifumba cha kuti, “Kumbi ine ndisuzgikiya yani pakujikanizga ku malikondwa?” Ichi nacho so nchawaka ndipo ndi nchitu yambura kukondweska.

Yeremiya 12:15

Ndipo nditakuti ndaŵazuwa, ndikaŵanga so ndi chifundu paku iwo, ndipo ndikaŵatolenga so yumoza ndi yumoza ku chihara chake ndi we yose ku charu chake.

Yeremiya 12:17

Kweni asani mtundu we wose kuti ukategherezganga cha, po ndipo ndikawuzuwiyanga limu ndi kuwunanga, atiti Ambuya.”

Yeremiya 18:7

Asani pa nyengo yose ine nditaula pa mtundu pamwenga pa ufumu kuti ndikawuponthonga ndi kuwuswiya pasi ndi kuwananga,

Yeremiya 31:40

Dambo lose la viŵanda ndi vyoto, ndi minda yose kwachifika ku kamsinji ka Kidroni, kwachifika ku chisongo cha Likomo la Kavalo kurata ku vuma, pose pakaŵanga malo ghakupaturikiya ku Ambuya. Kuti ukazuwikanga nanga nkhubwangandulika so cha muyaya.”

Yeremiya 45:4

Ukakambe kwaku iyo, Viyo atiti Ambuya: Ehe, chenicho ndazenga ndibwanganduliya pasi, ndipo chenicho ndapanda ndipawuwa, charu chose ichi.

Yeremiya 49:36

ndipo ndikatolenga paku Elamu mphepo zinayi kutuwa ku malo ghanayi gha kuchanya; ndikaŵambiniskiyanga ku mphepo zose zo, ndipo kuti kukaŵanga mtundu cha wo ŵalekenge kuyako wo ŵadikiskika mu Elamu.

Ezekiele 37:9

Sono angunena nane, “Chima ku mvuchi, chima, wa mwana wa munthu, unene mvuchi, viyo atiti Ambuya Chiuta: Mvuchi we, zanga kutuliya ku mphepo zinayi, tutiya pa ŵakubayika yaŵa, mwakuti ŵaŵe ŵamoyo.”

Danyele 7:2

Danyele wanguti, “Ndinguwona mu chiwona changu ndi usiku, ndipo ehe, mphepo zinayi za kuchanya zinguyuska nyanja yikuru.

Danyele 7:6

Pavuli paku ichi, ndingulereska, ndipo ehe, chinyake chakukozgana ndi nyalubwe cho chenga ndi mapapa ghanayi gha chiyuni pa musana wake; ndipo chenga ndi mitu yinayi; muwusu ungupaskika kwake.

Danyele 7:8

Ndichighanaghana ndi masengwe, ndinguwona sengwe linyake limanalakutuwa mukati mwaku gho, panthazi paku lo masengwe ghatatu ghakudanga ghangubontholeka, ndipo ehe, mu sengwe ili mwenga maso ghakukozgana ndi maso gha munthu, ndi mlomo wakukamba vinthu vikuru.

Danyele 8:22

Sengwe lo lingusweka, mu malo ghaku lo ghanayi ghangume, mba karonga ŵanayi wo ŵakayukanga, kutuwa mu mtundu wake, kweni mu nthazi zake cha.

Danyele 8:8

Viyo chaphongo cho chingujikuzga ukongwa; kweni chinguti chaŵa ndi nthazi, sengwe lake likuru lingufyoka ndipo mu malo ghake mungume masengwe ghanayi ghakuwoneka umampha ghakurazga ku mphepo zinayi za kuchanya.

Zekariya 2:6

Ehe! Yendeskani, muthaŵeko ku charu chaku nkhonde, atiti Ambuya, chifukwa ndamumbininiskiyani kutali nge ndi mphepo zinayi za kuchanya, atiti Ambuya.

Zekariya 6:5

Ndipo mungelo wangwamuka wanguti, “Ivi viruta ku mphepo zinayi za machanya, vinguti vyajirongo pa maso gha Ambuya ŵa charu chose chapasi.

Mateyu 12:25

Kweni Yesu, pakuziŵa marunguruku ghawo, wanguti kwaku wo, “Ufumu wose wakugaŵikana paku wija upopeskeka; ndipo muzi wose pamwenga nyumba yakugaŵikana paku yija, kuti yingama cha,

Luka 12:20

Kweni Chiuta wanguti kwaku iyo, ‘Wakupusa we, usiku uno ŵawufumbiyenge mzimu wako; ndipo vyenivyo warongoso, viŵenge vyaku yani?’

Chivumbuzi 7:1

Pavuli paku chenichi ndinguwona ŵangelo ŵanayi ŵakuma pa nyondo zinayi za panupasi, wo ŵanguko mphepu zinayi za panupasi, mwakuti mphepu yireke kuputa pa charu, chingana mpha nyanja, chingana mpha chimuti chose.