Danyele 11:32 - Tonga Bible 1986

³² Wapusikenge wose ndi uchenjezi wo wananga phanganu kweni ŵanthu wo ŵaziŵa Chiuta wawo ŵakamanga nganganga ndi kutakataka ndi nthazi.

Danyele 11:32 ပူးပေါင်းရင်းမြစ်များ

1 Mikoka 28:9

“Ndipo iwe Solomoni mwana wangu umuziŵe Chiuta wa ausu, umutatariye ndi mtima wakufikapo, ndi umoyo wakuzomera; chifukwa Chiuta wapenjapenja mitima yose, ndipo waziŵa lunguluku le lose. Asani utumpenja umusaniyenge; kweni asani utumureka wakutayenge muyaya.

Nehemiya 4:14

Ndipo ndingulereska, ndi ndingusoka ndi ndingunene ŵaraŵara, ndi zinduna, ndi ŵanthu wose, “Mungawopanga cha. Kumbukani Ambuya, wo mbara ndi ŵakofya, ndipo imwe murwiye ŵabali ŵinu, ŵana ŵinu ŵanthurumi ndi ŵanthukazi, ŵawoli ŵinu ndi mizi yinu.”

Sumu 9:10

Ndipo wo ŵaziŵa zina linu ŵaŵika chigomekezgu chawo mwaku imwe, Ambuya, kuti mwaŵajowo cha akumupenjani.

Nthanthi 19:5

Kaboni mutesi kuti walekenge kulangika cha, ndipo mweniyo wakamba mautesi kuti wathaŵenge cha.

Nthanthi 26:28

Lilime litesi litinkha ŵakulimbana nalo, ndipo mlomo wakunyengere uchita phasulu.

Yeremiya 31:34

Ndipo munthu kuti warunguchizgenge so mwanasi wake nanga ndi mwana munyake cha kuti, ‘Ziŵa Ambuya,’ pakuti wose ŵakandiziŵanga, kutuwa ku mumana mpaka ku mura, atiti Ambuya; pakuti ndikagowokiyanga mautimbanizi ghawo, ndipo uheni wawo kuti ndikawukumbukanga so cha.”

Danyele 11:21

Mu malo ghake muyukenge munthu waŵakaŵaka wambura kuronde ulemu wa ufumu. Wazenge kwamabuchibuchi, ndi kuronda ufumu ndi mazu ghakunyengere.

Danyele 11:34

Penipo ŵakawanga ŵawovyekenge kamanavi, ndipo ŵanandi ŵagawukiyenge kwaku iwo ndi mazu ghakunyengere.

Zekariya 10:12

Ndipo ndiŵakhozgenge mu Ambuya ndipo ŵakakankhuskikanga mu zina lake,” atiti Ambuya.

Malaki 4:2

Kweni imwe mutopa ine mwamuwona dazi la urunji lichituwa ndi uchizgi mu mapapiku ghake. Mwamuruta ndi kuchilipuka nge ndi mathole ghachituwa mu khola.

Yohane 17:3

Ndipo chenichi mbumoyo wamuyaya, kuti ŵanthu ŵakuziŵeni imwe, Chiuta yija muneneska ndi so Yesu Kristu mweniyo mungutuma.

1 Yohane 5:20

Kweni tiziŵa kuti Mwana waku Chiuta waza, ndipo kuti watipaska chinjeru, alinga kuti timziŵe mneneska yo; ndipo te mu mneneska yo, nadidi mu Mwana wake Yesu Kristu mwenuyu ndi Chiuta mneneska yo, ndi Umoyo Wamuyaya wo.

Chivumbuzi 6:11

Ndipo kwaku yose waku iwo kungupaskika khanju lituŵa: ndipo kunguneneka kwaku wo, kuti ŵapumuwepo nyengo yimanavi so, mpaka ŵafiskike ŵakuteŵeta ŵanyawo ndi ŵabali ŵawo, wo kungwenere kubayika nge ndiwo.