Danyele 11:18 - Tonga Bible 1986

¹⁸ Pavuli paku ichi wang'anamukiyenge chisku chake ku vyaru vya mumphepete mu nyanja ndipo warondenge vinandi. Kweni nduna ya nkhondo yilekeskenge lilengo lake; nadi, yiwezgiyenge pa mweneko lilengo lake.

Danyele 11:18 ပူးပေါင်းရင်းမြစ်များ

Estere 10:1

Karonga Ahaswerusi wangusonkheska charu ndi virwa vyamu nyanja.

Yesaya 66:19

ndikamikanga chisimikizgu mukati mwawo. Ndipo kutuwa mwaku wo ndikatumanga ŵakujapo ku mitundu, ku Tarshishi, Puti, ndi Ludi, ŵeniwo ŵatweŵa uta, ku Tubala ndi Javani, ku vyaro vya mu malikumba kutali ukongwa, wo ŵalivi kuvwa mbiri yangu pamwenga kuwona unkhankhu wangu; ndipo wakataulanga unkhankhu wangu mukati mu mitundu.

Yeremiya 2:10

Mwambukiye ku malikumba gha Kupro mukawone, pamwenga tumani ku Kedara mukalereske kwarwana; mukawone vinu chikuchitikako cha viyo.

Yeremiya 31:10

“Avwani mazu gha Ambuya, mwa ŵamitundu, ndipo mughataule mu malikumba gha kutali: Munene, ‘Yo wanguparghang'a Yisraele wakawunganiskanga ndipo wakamusunganga uli ndimo muliska wasungiya mskambu wake.’

Ezekiele 27:6

Miti ya mung'ona yaku Bashani ndiyo ŵangukuseme zinkhafu; malo ghako ghakujapo ghapachanya ŵangughakhoma ndi mathabwa gha muŵaŵa ghakutuwa ku malikumba ghaku Kupro, ghakunozgeka ndi tuminyanga twa njovu.

Hoseya 12:14

Efraimu wangumukaripiska ukongwa; viyo Ambuya ŵake asiyenge mlando wa ndopa paku iyo, ndipo Ambuya awezgiyenge paku iyo chilengesko.

Zefaniya 2:11

Ambuya aŵenge akofya kwaku iwo; awondeskenge ŵachiuta wose panu pasi, ndipo kwaku iyo ŵangwadiyenge ŵanthu ŵa mitundu yose mu charu chawo ndi chawo.

Mateyu 7:2

Chifukwa ndi cheruzgu cho muteruzgiya, mweruzgikiyenge chenicho, ndipo ndi mweso wo mutese, kwesekiyenge imwe ndi weniwo.

Ŵeruzgi 1:7

Ndipo Adonibezeki wanguti, “Ŵakaronga machumi ghankhonde ndi ghaŵi (70) ŵakudumulika vikumbu vyawo vikuru vyaku manja ndi ku marundi ŵatondonga livivu kusi ku gome langu; nge ndimo ndinguchitiya, viyo Chiuta wanditayiya thayu.” Ndipo ŵanguza nayo ku Yerusalemu, wangufwiya kwenikuwa.