Danyele 10:8 - Tonga Bible 1986

⁸ Viyo ndingusiyika ndija ndi ndinguwona chiwona chikuru ichi, ndipo kuti ndenga ndi nthazi cha, kawonekedu kangu kakusangaruka kangusanduka kakofya, ndipo ndengavi nthazi.

Danyele 10:8 ပူးပေါင်းရင်းမြစ်များ

Chiyambo 32:31

Lumwi lingutuliya pa liŵavu lake wachidumuwa pa Penuele, waganthiyanga chifukwa cha chigha chake.

Chituwa 3:3

Ndipo Mosese wanguti, “ndipatukiyeko ndiwone chinthu chikuru ichi, chifukwa chine chivwati chilivi kufya.”

Danyele 10:16

Ndipo ehe, yumoza wakukozgana ndi mawonekedu gha ŵana ŵa ŵanthu wangukwaska mlomo wangu, ndingukamba ndinguti kwaku yo wanguma paurongo pangu, “Mbuya wangu, chifukwa cha chiwona, maurwirwi ghandiziya, ndipo nthazi zandimariya.

Danyele 10:17

Ndingaziŵa uli ine mteŵeti winu Mbuya kukamba ndi Imwe Mbuya wangu? Chifukwa sono nthazi zose zamara ndi mvuchi nawo wamara.”

Danyele 7:28

“Uwo ndiwo umari wa makani, kweni ine Danyele maghanaghano ghangu ghangundisuzga ukongwa ndi kaŵiro kangu kangusanduka. Kweni ndingusunga makani yagha mu mtima wangu.”

Danyele 8:27

Ndipo ine, Danyele ndingugururuka nthazi ndi ndingutama kwa mazuŵa ghanandi; pavuli ndinguchira, ndingutakataka nchitu ya karonga; kweni ndenga wakuzizwa ndi chiwona ichi, kuti ndinguchiziŵiska cha.

Danyele 8:7

Ndinguchiwona chichiza kufupi ndi mberere, chinguyikaripiya ndi kuyipweteka, ndi chinguyibonkhontho masengwe ghake ghaŵi, mberere yengavi nthazi kurwana ndi chaphongo, kweni chinguyiwiska pasi ndi kuyikandakanda, ndi pengavi wakutaska mberere ku nthazi yake.

Habakuku 3:16

Ndituvwa, ndi liŵavu langu litenthema, mlomo wangu umbwambwantha pa mazu ghinu; chiwozga chisere mu viwanga vyangu, nditenthema mukati mwangu. Ndirindizgenge kwa chisisi zuŵa la suzgu lo liziya wo ŵasere kwaku ifwe ndi nkhondo.

Mateyu 17:6

Ndipo ŵanguti ŵavwa ŵasambizi wo ŵanguwa kavunama, ndipo ŵangopa ukongwa.

Marko 9:6

Chifukwa kuti waziŵanga cha cho wangamuka; pakuti wenga wamantha ukongwa.

Yohane 16:32

Awonani, ora lituza, ndipo nadi lafika, lakuti mumbininikenge imwe munthu yose ku nyumba yake, ine mundisiyenge ndija: ndikweni kuti nde ndija cha, pakuti Ada we nane pamoza.

2 ŴaKorinte 12:7

Ndipo chifukwa cha mtaruliro wa mauvumbuzi gho, mwakuti ndireke kujikwezge pachanya ndi kujikuzga, kungupaskika kwaku ine urwirwi wakupweteka mu liŵavu, nthumi yaku Satana yingundipuma, kuti ndireke kutumphulika ukongwa.

Chivumbuzi 1:17

Ndipo ndichimwona, ndinguwa pa marundi ghake nge ngwakufwa. Ndipo wanguŵika pangu janja lake lamarghe, wakuti, “Ungopanga: Ine Ndine Wakudanga ndi Wakumariya,