Danyele 10:13 - Tonga Bible 1986

¹³ Karonga wa ufumu waku Perese wangumikana nane mazuŵa machumi ghaŵi pachanya limoza (21), kweni Mikaeli, yumoza wa ŵakaronga ŵara, wanguza kundovya, ndipo ndingumureka kwenikuwa ndi karonga waku Perese,

Danyele 10:13 ပူးပေါင်းရင်းမြစ်များ

Ezra 4:24

Ndipo nyumba yaku Chiuta yo yenga mu Yerusalemu yingurekeka; ŵangureka mpaka chirimika cha chiŵi cha muwusu waku Dariusi karonga waku Perese.

Danyele 12:1

“Pa nyengo yo Mikaeli, karonga mkuru, wayukenge, yo we ndi mtufu pa ŵanthu ŵinu. Ndipo yiŵengeko nyengo ya suzgu, yo chingana ndi kali yindaŵeko kutuwa po mtundu wa ŵanthu ukuŵiyako mpaka pa nyengo yiya; kweni pa nyengo yeniyiya ŵanthu ŵinu ŵataskikenge, yose yo zina lake lisanirikenge lakulembeka mu buku.

ŴaEfeso 6:12

Pakuti limbanu lidu kuti le ku ŵanthu cha, kweni ndi maufumu, ndi mitufu, ndi ŵakuwusa charu ŵa mdima wamakono, ndi vya mzimu vya uheni mu vyakuchanya.

ŴaKolose 2:10

ndipo mwe ŵakuzazika mwaku iyo, mweniyo ndi mutu wa ufumu wose ndimtufu.

1 ŴaTesalonika 2:18

chifukwa chenichi tingukhumbiska kuza so kwinu, ine nda Paulo, kaŵikaŵi; kweni Satana wangutitangwamiska.

1 Petro 3:22

mweniyo we ku marghe ghaku Chiuta, wati waruta kuchanya, pakuthereskeke kwaku iyo ŵangelo ndi mitufu ndi Vyanthazi.

Yuda 1:9

Kweni Mikaeli, mungelo mura yo penipo pakususkana ndi diabolo yo wangulimbana nayo pa thupi laku Mosese, kuti wangugangiya cha kumsuska kwautusi, kweni wanguti, “Ambuya akuchenye.”

Chivumbuzi 12:7

Ndipo yengako nkhondo kuchanya: Mikaele ndi ŵangelo ŵake ŵangurwana ndi nchalinda yo; ndipo wangurwa nchalinda, ndi ŵangelo ŵake.