Danyele 10:1 - Tonga Bible 1986

¹ Mu chirimika cha chitatu chaku Sirusi karonga waku Perese mazu ghanguvumbulika kwaku Danyele yo wadanikanga Belteshazara. Ndipo mazu ghenga ghakuneneska ndi ghenga nkhondo yikuru. Ndipo wangughaziŵa mazu ndi wenga ndi muziŵiru wa chiwona.

Danyele 10:1 ပူးပေါင်းရင်းမြစ်များ

Chiyambo 41:32

Ndipo kulota kwa kaŵi kwa loto laku Farao kung'anamuwa kuti chinthu ichi chanozgeka ndi Chiuta, ndipo Chiuta wakachichitanga sosonokweni.

2 Mikoka 36:22

Mu chirimika chakudanga chaku Sirusi karonga waku Perese, mwakuti mazu ghaku Chiuta mu mlomo waku Yeremiya ghafiskike, Chiuta wanguyuska mzimu waku Sirusi karonga waku Perese kuti wawandiske mazu mu ufumu wake wose, ndipo wangughalemba, wanguti,

Ezra 3:7

Viyo ŵangupereka ndrama ku ŵakusema mya, ndi ku ŵakuŵaja miti, ndi so vyakurgha ndi vyakumwa, ndi mafuta ku ŵaSidoni ndi ŵaTuro, kuti ŵazenge ndi miti ya milanji kutuwa ku Lebanoni kuzachidula ku nyanja ku Yopa, kuyana ndi vyo Sirusi waku Perese wanguŵapaska.

Ezra 4:3

Kweni Zerubabele, Yeshua ndi ŵanyake ŵa ŵara ŵa mafuku ghaku Yisraele, ŵanguti, “Mulivi nafwe kanthu pakuŵazenge nyumba, Ambuya chiuta waku Yisraele. Ifwe tija timuzengiyenge nyumba nge ndimo Sirusi karonga waku Perese wakutilanguliya.”

Ezra 4:5

Ŵangukumba ŵapangi-fundu, kuti ŵasuskani nawo ndi kuŵatimbanizga mu nchitu yawo mu mazuŵa ghose ghaku Sirusi karonga waku Perese, mpaka ku muwusu waku Dariusi karonga waku Perese.

Ezra 6:14

Ndipo ŵara ŵa ŵaYuda ŵangusaniya mwaŵi mu kuchima kwaku Hagayi mchimi, ndi Zekariya mwana waku Ido. Wanguzenga, kuyana ndi dangu laku Chiuta waku Yisraele, ndipo ndi dangu laku Sirusi, ndi Dariusi, ndi Arataserese karonga waku Perese.

Ezra 6:3

Mu chirimika chakudanga cha karonga Sirusi, karonga yo wangulangula kuti, nyumba yaku Chiuta ku Yerusalemu yizengeke so pa malo ghawo ŵapereke sembe, ndi kochapo sembe. Vikho ukongwa viŵanja vyake pakuzenga; msinkhu wake mikono, machumi ghankhonde ndi limoza (60); usani wake mikono, machumi ghankhonde ndi limoza (60),

Yesaya 44:28

mweniyo watiti gha paku Sirusi. ‘Ndi mliska wangu, ndipo wakafiskanga chose cho ndikhumba’; watiti gha paku Yerusalemu, ‘Wakazengekanga,’ ndi gha nyumba yakupaturika, ‘Chiŵanji chako chikamikikanga.’ ”

Danyele 1:17

Chiuta wanguŵapaska ŵanyamata yaŵa vinjeru ndi mziŵiro mu malembo ghose ndi mu vinjeru; ndipo Danyele wanguŵa ndi mziŵiro wa vinjeru mu chakuwona chose ndi mu maloto ghose.

Danyele 1:21

Ndipo Danyele wangurutiriya mpaka mu chirimika chakudanga cha karonga Sirusi.

Danyele 1:7

Ndipo mura wa ŵamuthenu, wanguŵadana mazina ghanyake; Danyele wangudanika Belteshazara, Hananiya wangudanika Shadreke, Mishaele wangudanika Mesheke, ndi Azariya wangudanika Abedenego.

Danyele 10:14

ndipo ndaza kuno kuzachimuziŵiskani cho chiŵiyenge ŵanthu mu mazuŵa ghakumariya. Pakuti chiwona ncha mazuŵa gha kunthazi.”

Danyele 11:2

“Ndipo sono ndikurongonge uneneska. Ehe, ŵakaronga ŵanyake ŵatatu ŵayukenge mu Perese; ndipo wachinayi waŵenge msambasi ukongwa kuruska wose, ndipo watakuti waŵa ndi nthazi ndi usambasi wake, wayuskenge wose kurimbana ndi ufumu wa ŵaGirisi.

Danyele 12:4

Kweni iwe Danyele usunge mazu yagha ndi uzighiriye buku mpaka nyengo ya umari. Wanandi ŵachimbiriyenge uku ndi uku, ndipo vinjeru vyazamkuwa.”

Danyele 12:9

Wanguti, “Rutanga, Danyele, chifukwa mazu ghajarika ndi kuzighirika mpaka ku umari kwa nyengo.

Danyele 2:21

Wasintha maora ndi zinyengo, wasezga ŵakaronga ndi kumika ŵakaronga ŵanyake; wapaska zeru ku ŵazeru ndi kuziŵa kwaku wo ŵawamo;

Danyele 4:8

Kweni pavuli wangusere Danyele ndi wanguma panthazi pangu yo wadanika so Belteshazara, lo lenga zina laku chiuta wangu, mwaku yo mwe mzimu wa ŵachiuta ŵatuŵa, ndingumunene loto kuti,

Danyele 5:12

chifukwa mzimu wamampha, kuziŵa, ndi vinjeru kung'anamuwa maloto, kukonkhoska vyakuzizika, ndi kurongoso maunonono vingusanirika mwaku Danyele uyu; mweniyo karonga wangumudana zina lakuti Belteshazara. Danyele wadanike ndipo wazakukuneniyani kang'anamuridu ka loto.”

Danyele 5:17

Viyo Danyele wangwamuka paurongo pa karonga, wanguti, “Vyawanangwa vinu vyaku mwaŵeni; mphoto yo mupaski munyake; kweni ndimuŵerengiyenge karonga lembo lo ndi kumuziŵiska kang'anamuridu kake.

Danyele 6:28

Viyo Danyele uyu wangukuzgika mu muusu waku Dariusi ndi mu muwusu waku Sirusi mu Perese.

Danyele 8:16

Ndipo ndinguvwa mazu gha munthu pakati pa maruwu gha msinji wa Ulai, ghakudana kuti, “Gabiriele, muziŵiske munthu uyu chiwona ichi.”

Danyele 8:26

Chiwona cha mazulo ndi cha mlenji cho chakambika nchakuneneska, kweni sunga chiwona ichi chisisi, chifukwa chifiskikenge asani ghakapo mazuŵa ghanandi.”

Luka 1:20

Ndipo awona, uŵenge wachisisi ndi wambura nthazi kurongoro, mpaka zuŵa lo vinthu vyenivyo vikaŵangapo, chifukwa kuti wavwana cha ndi mazu ghaku ine, ghenigho ghafiskikenge mu nyengo yake.”

Chivumbuzi 19:9

Ndipo wangunena nane, “Lembapo: Mbamwaŵi wo mbakudanikiya ku dghera la nthengwaya Mwana-mberere.” Ndipo wanena nane, “Ghenagha ndi mazu ghakuneneska ghaku Chiuta.”