Danyele 1:20 - Tonga Bible 1986

²⁰ Mu makani ghose gha vinjeru ndi ghakukhumba kuwamo gho wanguŵafumba wanguŵasaniya kuti mbavinjeru kuruska ŵaukwi ndi ŵaziŵi nyenyezi wose wo ŵenga mu chigaŵa cha ufumu wake.

Danyele 1:20 ပူးပေါင်းရင်းမြစ်များ

Chiyambo 31:7

ndipuuli auskemwe ŵandizgelera ndi ŵasintha mphoto yangu nyengo chumi, kweni Chiuta wengavi kuzomera kuti wandikomweske.

Chiyambo 41:8

Viyo ndi mlenji mzimu wake ungusuzgika; ndipo wangutuma ndi wangudana ŵavyanusi wose ŵamu Egipiti ndi ŵazeru wose ŵa charu chiya; ndipo Farao wanguŵanduliya loto lake, ndipo pengavi yumoza yo wanguziŵa kuling'anamuwa kwaku Farao.

Nehemiya 4:12

Penipo ŵaYuda ŵeniwo ŵajanga pafupi nawo ŵanguti ŵaza ŵangutinene kuwerezgapo chumi kukamba, “Kutuliya ku malo ghose gho ŵajamo, ŵakazanga kuzachilimbana nafwe.”

Jobu 19:3

Nyengo izi chumi mwandilengeska; kumbi kuti muchita soni chakumikana nane?

Sumu 119:99

Ndendi vinjeru kwakuruska ŵasambizgi ŵangu wose, chifukwa ndighanaghana mu virungu chizgu vinu.

Chituwa 7:22

Kweni ŵavyanusi ŵaEgipiti ŵanguchita vyakukozgana navyo ndi mayera ghawo; viyo mtima waku Farao ungujaririya wakunonopa, ndipo kuti wangukhumba kuŵategherezga cha uli ndimo Ambuya angukambiya.

Chituwa 8:19

Ndipo ŵakuwukwa ŵanguti kwaku Farao, “Uwu ndi muvwi waku Chiuta.” Kweni mtima waku Farao ungunonopeskeka, ndi kuti wangukhumba kuŵategherezga cha, uli ndimo angukambiya Ambuya.

Chituwa 8:7

Kweni ŵamayera ŵanguchita vyakukozgana navyo ndi mayera ghawo, ndi ŵangutole ŵamchuwa pa charu cha Egipiti.

Yesaya 19:3

mzimu wa ŵaEgipiti mukati mwawo yikakhutulikanga, ndikatimbanizganga vyo ŵarongoso; ndipo wakafumbiriyanga ku ŵangoza ndi ŵavyanusi, ndi ŵakuukwa ndi zifwiti,

Ezekiele 28:3

Inya wendi zeru nadi kuruska Danyele; kulivi kakubisika kwaku iwe;

Danyele 1:17

Chiuta wanguŵapaska ŵanyamata yaŵa vinjeru ndi mziŵiro mu malembo ghose ndi mu vinjeru; ndipo Danyele wanguŵa ndi mziŵiro wa vinjeru mu chakuwona chose ndi mu maloto ghose.

Danyele 2:13

Viyo dangu lingutuwa kuti ŵazeru ŵabayike; ndipo ŵangupenja Danyele ndi ŵanyake wo ŵasungananga nayo kuti ŵabaike.

Danyele 2:21

Wasintha maora ndi zinyengo, wasezga ŵakaronga ndi kumika ŵakaronga ŵanyake; wapaska zeru ku ŵazeru ndi kuziŵa kwaku wo ŵawamo;

Danyele 5:17

Viyo Danyele wangwamuka paurongo pa karonga, wanguti, “Vyawanangwa vinu vyaku mwaŵeni; mphoto yo mupaski munyake; kweni ndimuŵerengiyenge karonga lembo lo ndi kumuziŵiska kang'anamuridu kake.

Maŵerengedu 14:22

ndikalanganga ŵanthu wose wo ŵawona unkhankhu wangu ndi vya minthondwi vyangu vyo ndinguchita mu Egipiti ndi mu bozwa, ndipo ŵandesa sono kwanyengo izi chumi ŵakana kuvwa mazu ghangu,