Danyele 1:19 - Tonga Bible 1986

¹⁹ ndipo karonga wangukamba nawo, ndipo mwaku iwo wose mwengavi kusanirika wakuyana ndi Danyele, Hananiya, Mishaele, ndi Azariya, mu chifukwa ichi ŵamanga paurongo pa karonga.

Danyele 1:19 ပူးပေါင်းရင်းမြစ်များ

Chiyambo 41:46

Yosefe wenga wa virimika machumi ghatatu (30) mu umoyo wake pa nyengo yeniyo wangusere munchitu yaku Farao karonga wa Egipiti. Ndipo Yosefe wangutuwapo pa maso paku Farao ndi wangwenda mu charu chose cha Egipiti.

1 ŴaKaronga 17:1

Sono Eliya mu Tishibe waku Tishibe mu Gileada, wanguti kwaku Ahabu, “Ulaka ndimo aliri amoyo Ambuya Chiuta waku Yisraele, paurongo paku mweniyo ine ndituma, kuti kukaŵanga dungwi chingana ndi vuwa cha virimika ivi, kweni pa mazu ghangu pe.”

Nthanthi 22:29

Mutumuwona munthu wakuziŵiskamu nchitu yake? Iyo wakamanga paurongo pa ŵakaronga, kuti wakamanga paurongo pa ŵanthu ŵauliuli cha.

Yeremiya 15:19

Chifukwa cho atiti Ambuya: “Asani uwengeko, ndikakuwerezgiyangamo ndipo ukamanga paurongo pangu. Asani ukakambanga cho nchakuzirwa, ndi cho nchawaka cha, ukaŵanga uli ndi mlomo wangu! Ŵakawerenga kwaku iwe, kweni iwe kuti ukawerenga kwaku iwo cha.

Danyele 1:18

Pa umari wa nyengo yo karonga wangulangula kuti ŵaserezgeke, mura wa ŵamuthenu wanguŵaserezga paurongo paku Nebukadanezara,

Danyele 1:4

Ŵanyamata ŵambura kalema, ŵakutowa, ŵakuwamo vinjeru vyose, ŵakuzazika ndi mziŵiro, ŵakuwamo visambizgu, ndi ŵakuziŵa kuteŵeta mu nyumba ya karonga, ndi kusambizgika malembo ndi mazu gha ŵaKaldiya.

Danyele 1:5

Karonga wanguŵagaŵiya chigaŵa cha vyakurgha zuŵa ndi zuŵa vyo iyo warghangapo ndi chigaŵa cha vinyo yo iyo wamwangapo. Watenere kusambizgika kwa virimika vitatu, kuti pakumara kwa nyengo yo ŵamenge paurongo pa karonga.

Danyele 1:6

Mukati mwaku yaŵa, mwenga Danyele, Hananiya, Mishaele, ndi Azariya ŵa fuku laku Yuda.

Danyele 1:7

Ndipo mura wa ŵamuthenu, wanguŵadana mazina ghanyake; Danyele wangudanika Belteshazara, Hananiya wangudanika Shadreke, Mishaele wangudanika Mesheke, ndi Azariya wangudanika Abedenego.

Danyele 2:13

Viyo dangu lingutuwa kuti ŵazeru ŵabayike; ndipo ŵangupenja Danyele ndi ŵanyake wo ŵasungananga nayo kuti ŵabaike.

Danyele 3:29

Chifukwa ichi ndilangula kuti, ŵanthu wose, mitundu yose, pamwenga kakambidu, ŵakukamba kanthu kose kumikana ndi Chiuta waku Shadreke, Mesheke, Abedenego, ŵakadumulikanga chiŵaru ndi chiŵaru, ndi nyumba zawo zikasanduskikanga makunthu; chifukwa kulivi Chiuta munyake yo waziŵa kutaska viyo.”