Chiyambo 8:1 - Tonga Bible 1986

¹ Kweni Chiuta wangukumbuka Nowa ndi nyama zose ndi vyakuŵeta vyo vyenga nayo pamoza mu ngaraŵa. Ndipo Chiuta wanguputiska mphepo pa charu, ndipo maji ghangutheruka.

Chiyambo 8:1 ပူးပေါင်းရင်းမြစ်များ

Chiyambo 19:29

Viyo kunguŵa kuti, penipo Chiuta wangubwanganduwa misumba yo yamu dambo, Chiuta wangukumbuka Abrahamu, ndipo wangutuzgamo Lote mukati mwa ŵakuphwanyika wo, penipo wanguphwanya misumba yo wajangamo Lote.

Chiyambo 30:22

Sono Chiuta wangukumbuka Rakelo ndipo Chiuta wangumuvwa ndi wangujura chibali chake.

Chiyambo 9:10

ndi vyamoyo vyose vyo vye pamoza namwe, viyuni, viŵeto, ndi nyama yose yamu charu pamoza namwe, zose zo zingutuliya mu ngaraŵa.

Nehemiya 13:14

Mundikumbuke ine, Chiuta wangu, paku ichi, ndipo mungasistanga cha nchitu zangu zamampha zo ndachitiya nyumba yaku Chiuta wangu ndi uteŵeti wake.

Nehemiya 13:22

Ndipo ndingulamuliya ŵaLevi kuti ŵajitozgenge ndi kuza kulonda malikomo, kusunga zuŵa la sabata kuŵa lakupaturika. Kumbukani ichi nacho kurumba ine, Chiuta wangu, ndipo mundisunge kwakuyana ndi ukuru wa chifundu chine.

Nehemiya 13:29

Muŵakumbuke, Chiuta wangu, chifukwa ŵakazuzga uzukuru ndi phanganu la uzukuru ndi ŵaLevi.

Nehemiya 13:31

ndipo ndingurongosole mpasku wa nkhuni pa zinyengo zakutemeka ndi kurongosole vipasi vyakudanga, mundikumbuke ine, Chiuta wangu chifukwa cha umampha.

Jobu 12:15

Asani wajaliya maji, ghatuphwa, asani watighajura ghagumuwa charu.

Jobu 14:13

Okwe, mphanyi mwandibisa mumuunda mundisunge ku ubende mpaka ujumphe ukari winu, mundimikiye nyengo yakutemeka kuti mundikumbuke.

Sumu 105:42

Angukumbuka phanganu lawo lakupaturika kwaku Abrahamu mteŵeti wawo.

Sumu 106:4

Mundikumbuke, Ambuya, po muchitiya umampha ŵanthu ŵinu; pakuŵataska, munditaskiye nawo, kumoza.

Sumu 115:12

Ambuya atitikumbuka, akatitumbikanga; akatumbikanga nyumba yaku Yisraele, akatumbikanga nyumba yaku Aroni;

Sumu 132:1

Ambuya, mungaruwanga Davidi, ndi nchitu yose yo wakuchita.

Sumu 136:23

Kuti wanguriruwa cha po tinguthereskeka; chifukwa nchamuyaya chifundu chake;

Sumu 137:7

Kumbukani, Ambuya, cho ŵanguchita ŵaEdomu, zuŵa lo wangutoreke Yerusalemu. Kumbukani mo ŵakambiyanga kwakurutiliya, kuti, “Pasuwani, pasuwani! Mpaka pasi pa viŵanja vyake!”

Sumu 29:10

Ambuya ausa pachanya pa maji ghanandi; nge ndi karonga muyaya.

Sumu 36:6

Urunji winu we nge ndi mapiri ghaku Chiuta, vyeruzgu vinu nge ndi ndimba yitali ukongwa; munthu ndi nyama mutaska, Ambuya.

Chituwa 14:21

Sono Mosese wangutambaruliya janja lake pa nyanja; ndipo Ambuya angudikiskiya vuli nyanja ndi mphepo ya nthazi yaku vuma usiku wose, ndipo nyanja anguyisanduska mtunda uyumu ndipo maji ghangugawukana.

Chituwa 15:10

Munguphuta ndi mphepo yinu, nyanja yinguŵavimba; ŵangudodome pasi uli ndi ndolo mu maji ghanthazi.

Chituwa 2:24

Ndipo Chiuta wanguvwa mutamanthu wawo, ndipo Chiuta wangukumbuka phanganu lake ndi Abrahamu, Yisaki, ndi Yakobe.

Nthanthi 25:23

Mphepo yaku nkhonde yituza ndi vuwa, ndipo lilime lakusuza, lirereska kwa ukari.

Yesaya 44:27

mweniyo watiti ku ndimba, ‘Ukamuke, ndikakamuskanga misinji yako’;

Yeremiya 50:38

Chiparantha pa maji ghake, alinga kuti ghakamuke! Pakuti ncharu cha vikozgu ndipo mbakufunthiya pa ŵangoza.

Amosi 8:7

Ambuya arapa ndi kuzirwa kwaku Yakobe: “Nadi kuti ndiruwenge cha, chingana ngumoza wa milimu yawo.

Yona 4:11

Kumbi kuti nditenere kugowoke Nineve cha, msumba uwa ukuru, mwenimo ŵanthu ŵaruska vikwi machumi pe chumi pachanya vikwi machumi ghaŵi (120,000) wo mbambura kuziŵa mupambano pakati pa janja lawo la marghe ndi janja lawo la maze, ndipo so ng'ombe zinandi?”

Nahumu 1:4

Achenya nyanja ndi kuyikamuska, aphwiska misinji yose; Bashani ndi Karmele ŵafota, luŵa laku Lebanoni nalo lifota.

Habakuku 3:2

Ambuya, ndavwa mbiri yinu, ndipo mlimu winu, Ambuya nthopa nade. Yuskani mlimu winu mukati mu virimika; mukati mu virimika uziŵikwe; mu ukari kumbukani lisungu.

Zekariya 10:11

Ndipo ŵaporotenge mu nyanja ya charu cha Egipiti, ndi mayigha gha nyanja ghamupumika ndipo ndimba zose za msinji Nile ziphwenge. Ndipo kujikuzga kwa Asiriya kusiskikiyenge pasi, ndipo ndodo ya ukaronga waku Egipiti yituwengeko.

Maŵerengedu 10:9

Ndipo asani muruta ku nkhondo mu charu chinu kwachirwa ndi wakupindikana winu yo watimusuzgani, po ndipo mukambanga mumemezu ndi zimbata alinga kuti mukumbukike ndi Ambuya Chiuta winu, ndi kutaskika ku ŵarwani ŵinu.

Maŵerengedu 22:32

Mungelo wa Ambuya wangunena nayo, “Chifukwa nchine wapuma mbunda yako nyengo izi zitatu? Ayivwa, ine ndaza kumikana nawe, chifukwa nthowa yako njakunangika paurongo pangu;

Chivumbuzi 16:19

Ndipo msumba wo ukuru ungugaukana patatu, ndi misumba ya ŵamitundu yinguwa pasi: ndipo Babiloni mukuru yo wangukumbukika paurongo paku Chiuta, kumpaska chandi cha vinyo wa ukari wa kandundu kake.

Chivumbuzi 18:5

pakuti vyakulakwa vyake vyandundumiya mpaka kuchanya, ndipo Chiuta wakumbuka vyakwananga vyake.

1 Samuele 1:19

Ndipo wangucherera ndi mlenji wangusopa paurongo pa Ambuya; ndi wanguwere ku nyumba yake ku Rama. Elkana wanguziŵa muwoli wake Hana, ndipo Ambuya angumukumbuka;