Chiyambo 45:3 - Tonga Bible 1986

³ Ndipo Yosefe wanguti ku ŵana ŵanyake, “Ndine Yosefe; kumbi ada ŵeche ŵamoyo?” Kweni ŵana ŵanyake ŵangutondeka kumwamuka, pakuti ŵanguzizwa ndi kuŵapo kwake.

Chiyambo 45:3 ပူးပေါင်းရင်းမြစ်များ

Chiyambo 37:20

Zaninga sono timubaye ndi timupong'e mu limoza la mazenje; sono tamukamba kuti nyama ya mu dondo ndiyo yamurgha, ndi tiwonenge mo ghachitiyenge maloto ghake.”

Chiyambo 42:21

Penipo ŵangunenerana yumoza ndi munyake, “Tinguwona suzgu ya mzimu wake, penipo wangutiŵeyere kweni kuti tinguphwere cha; pa chifukwa chiya suzgu iyi yaza paku ifwe.”

Chiyambo 42:22

Ndipo Rubene wangwamuka kuti, “Kumbi ndengavi kukuneniyani ine kuti mungananga pa mhurwa yo cha? Kweni mungukana kundivwa. Viyo sono patuza chilangu cha ndopa zake.”

Chiyambo 43:27

Ndipo wanguŵafumba ndi za maumoyo ghawo, wanguti, “Kumbi, uskemwe we umampha, khongwe lenilo mungukamba? Kumbi weche wamoyo?”

Jobu 23:15

Mu chifukwa ichi, nditenthema pa maso pake; po ndighanaghana, nditumopa.

Jobu 4:5

Kweni sono chaza kwaku iwe, ndi wadeuka nthazi, chikukwaska ndipo usuzgika.

Zekariya 12:10

“Ndipo ndipunguliyenge pa nyumba yaku Davidi ndi pa ŵakuja mu Yerusalemu mzimu wangu wachisungu-sungu ndi wakuŵeyere, viyo kuti asani ŵalereska paku yo ŵangumugwaza, ŵamuliriyenge, nge ndimo munthu waliriya kananda wake, ndipo wamuliriya ukongwa, nge ndi munthu yo waliriya mwana wake wakudanga.

Marko 6:50

chifukwa wose ŵangumuwona, ndipo ŵangumbwambwanthiya. Kweni wangurongoro nawo, wanguti, “Chinthani mtima; ndine; mungopanga.”

Luka 5:8

Kweni wachiwona, Simoni Petro wanguwa pa makongono ghaku Yesu, wakunena, “Tuwaniko kwangu, pakuti ndine munthu wakulakwa, Ambuya.”

Machitidu gha Ŵakutumika 7:13

Ndipo pa lwendo lachiŵi Yosefe wangujivumbuwa ku ŵabali ŵake; ndipo fuku laku Yosefe lingurongoleka kwaku Farao.

Machitidu gha Ŵakutumika 9:5

Saulo wanguti, “Mwe ayani, Ambuya?” Ndipo iyo wali, “Ine ndine Yesu mweniyo uŵemba iwe;

Chivumbuzi 1:7

Awonani, watuza pa mitambo; ndipo jiso lose lizakumuwona, ndi wo wose ŵangumugwaza; ndipo mafuku ghose gha panupasi ghaketenjerenga paku iyo. Inyadi; Ameni.