Chiyambo 41:57 - Tonga Bible 1986

⁵⁷ Ndipo so ŵanthu wose mu charu chapasi ŵanguza ku Egipiti kwaku Yosefe kuzachigula trigu, pakuti chilala chenga chizitu pa charu chose chapasi.

Chiyambo 41:57 ပူးပေါင်းရင်းမြစ်များ

Chiyambo 12:10

Sono kwenga chilala mu charu cho. Viyo Abramu wanguruta ku Egipiti kwachitandara kwenikuwa, pakuti chilala cho chenga chikuru mu charu cho.

Chiyambo 41:54

ndipo virimika vinkhonde vya nja vingwamba uli ndimo wangukambiya Yosefe. Mwenga chilala mu vyaru vyose; kweni mu charu cha Egipiti mwenga chakurgha.

Chiyambo 41:56

Sono penipo chilala chingusapatiya charu chose, Yosefe wangubanuwa nkhokwe zose, ndipo wanguguliska ku ŵa Egipiti, pakuti chilala chenga chizitu mu charu cha Egipiti.

Chiyambo 42:1

Penipo Yakobe wanguvwa kuti mwenga trigu mu Egipiti, wanguti ku ŵana ŵake ŵanthurumi, “Chifukwa chine mulereskana ŵaka ku maso?”

Chiyambo 42:5

Viyo ŵana ŵaku Yisraele ŵanguza kuzachigula mukati mwa ŵanthu ŵanyake ŵeniwo ŵanguzako, pakuti chilala chenga mu charu cha Kanani.

Chiyambo 42:6

Sono Yosefe wenga mweruzgi mura pa charu chiya; iyo ndiyo waguliskanga trigu ku ŵanthu wose ŵa charu chiya. Ndipo ŵana ŵanyake ŵaku Yosefe wanguza, ndipo ŵangukotama mitu yawo paurongo pake ndi visku vyawo pasi zgoli.

Chiyambo 43:1

Sono chilala chinguŵa chikuru ukongwa mu charu cho.

Chiyambo 47:14

Ndipo Yosefe wanguwunjika ndrama zose zo zingusanirika mu charu cha Kanani za trigu yo wangugula; ndipo Yosefe wanguza ku nyumba yaku Farao.

Chiyambo 50:20

Nge nkhwaku imwe, khumbu linu lenga lakundichitiya uheni ine, kweni Chiuta wangung'anamuwa umampha, kuti ichi chichitike alinga ŵanandi ŵasungike ŵamoyo, nge ndimo ŵalili msana wale.

Marangu 9:28

vinu charu cho mungutituzgaku chikambe kuti, “Nchifukwa chakuti Ambuya ŵengavi nthazi kuŵaserezga mu charu cho angupangana nawo, ndipo pakuti anguŵatinkha aŵatuzga kuti aŵabayiye mu bozwa.”