Chiyambo 3:18 - Tonga Bible 1986

¹⁸ minga ndi visoyo vikakumezgiyanga, ndipo ukarghanga vya miti yamu dondo.

Chiyambo 3:18 ပူးပေါင်းရင်းမြစ်များ

Chiyambo 3:17

Ndipo kwaku Adamu wanguti: “Chifukwa wavwiya mazu gha muwoli wako, ndipo warghapo muti wo ndingukuchenjezga kuti, ‘Ungarghanga cha,’ njakutembeka nyata yo chifukwa chako; mu kutakataka ukarghanga vyake mazuŵa ghose gha umoyo wako;

Chiyambo 3:19

Ukarghanga chiŵande, mu dukutira la chisku chako mpaka penipo uweriyenge ku nyata. Pakuti ungutoleka mwenimo; ndiwe fuvu, ndipo ukaweriyanga ku fuvu.”

Jobu 1:21

Wanguti, “Ndinguza wankhuli kutuwa mu nthumbo ya ama ndipo wankhuli nkhawenga, Ambuya angundipaska, ndipo Ambuya alonda, litumbikike zina la Ambuya.”

Jobu 31:40

iku mphanyi minga yakuwa mu malo gha trigu, ndi limamba mu malo gha barile.” Mazu ghaku Jobu ghamara.

Jobu 5:5

Mbeu yake yo wavuna yirghika ndi ŵanja, ŵayito nanga ndi mukati mu minga, ndipo ŵanyota ŵaŵeŵefukiya usambasi wake.

Sumu 104:2

mwajivwinkha ndi kungweruka nge ndi raya, mwatandika machanya nge ndi hema.

Sumu 90:3

Imwe muwezge munthu ku fuvu, ndipo mutiti, “Weni mwa ŵana ŵa ŵanthu!”

Nthanthi 22:5

Minga ndi viŵana vyemu nthowa yaŵakupuruska; mweniyo watijiphwere wakajanga kutali nawo.

Nthanthi 24:31

ndipo ehe, wose unguŵinda ndi minga; charu chinguŵinda ndi kabata, ndipo lisitu lake la mya lingubwangandukiya pasi.

Yesaya 32:13

pakuti mu nyata ya ŵanthu ŵangu mwame minga ndi kankhande, inya, chifukwa cha nyumba za kukondwa mu muzi walikondwa.

Yesaya 5:6

Ndikauchitanga mapopa, kuti ŵakaupanthiyanga chingana nkhuulima cha, kankhande ndi minga vikamengamo; ndikalanguliyanga mitambo kuti yireke kung'iyapo vuwa paku wo.

Yesaya 7:23

Mu zuŵa lo malo ghose mwenimo kale mwenga miti ya mphereska chikwi chimoza, yapa mtengo wa mashekelo gha siliva chikwi chimoza, yikasandukanga kankhande ndi minga.

Yesaya 7:24

Ŵanthu wakazanga kwenikuwa ndi mauta ndi mivwi, pakuti charu chose chikaŵanga kankhande ndi minga,

Yeremiya 12:13

Ŵamija trigu ndipo ŵavuna minga, ŵajivuska kweni kuti ŵatopu kanthu cha, ŵakalengeskekanga ndi vuna yawo chifukwa cha ukari wakofya wa Ambuya.”

Yeremiya 4:3

Pakuti viyo Ambuya atiti ku ŵanthu ŵaku Yuda, ndi ku ŵakuja mu Yerusalemu: “Kong'onthani minda yinu ya mawongolomwa ndipo mureke kumija mu minga.

Mateyu 13:7

Zinyake zinguwa mu minga; ndipo minga yo yingubuka, ndi yinguzifinyirizga.

ŴaRoma 14:2

Uyu wavwana kuti warghe vyose: kweni mtomboroka iyo waturgha tusungwi pe.

ŴaHebere 6:8

kweni cho nchakume minga ndi ŵakankhandi, nchakupatika ndipo che pafupi kutembeka; kamaridu kaku chenicho nkhocheka.

Yoswa 23:13

ziŵani kwa kuneneska kuti Ambuya Chiuta winu kuti wakalutiriyanga cha kudikiska mitundu iyi paurongo pinu; kweni wakaŵanga chikhwiriki ndi chiŵana kwaku imwe, likhwechu mu mbaghara zinu, ndi minga mu maso ghinu, mpaka po mwasisitika kutuwamo mu charu chamampha ichi cho Ambuya Chiuta winu wakupaskani imwe.