Chiyambo 27:4 - Tonga Bible 1986

⁴ ndipo undirongosole kurgha kwakununkhira, ulaka ndiko nditanja, ndipo uze nako kwangu kuti ndirghe; alinga ndikutumbike ndenga ndindafwe.”

Chiyambo 27:4 ပူးပေါင်းရင်းမြစ်များ

Chiyambo 14:19

Ndipo wangumutumbika ndiwanguti, “Watumbikike Abramu ndi Chiuta Wapachanya Limu, Mlengi wa Kuchanya ndi pasi;

Chiyambo 24:60

Ndipo ŵangutumbika Rebeka, ndi ŵanguti kwaku iyo, “Mzichi widu waŵe nyina wa vikwi vya vikwi machumi.”

Chiyambo 27:14

Viyo wanguruta, ndi wanguŵato ndi wanguza nawo ku anyina; ndipo anyina ŵangurongoso kurgha kwakununkhira ulaka ndiko ŵangwanja awiske.

Chiyambo 27:17

ndipo wangupaska kurgha ko kwakununkhira ndi chiŵande, vyenivyo wangurongoso, mu manja gha mwana wake Yakobe.

Chiyambo 27:19

Yakobe wanguti ku awiske, “Ndine Esau waumwali mwana winu. Ndachita uli ndimo mungundinene; sono muje songa ndi murghe nyama yangu, alinga munditumbike.”

Chiyambo 27:23

Ndipo kuti ŵangumuziŵa cha, chifukwa manja ghake ghenga gha cheya uli ndi manja gha mukuwake Esau; viyo wangumutumbika.

Chiyambo 27:25

Sono wanguti, “Zanaku kuno kurgha ko kuti ndirghepo nyama ya mwana wangu ndi kukutumbika.” Viyo wangutole kwaku iwo, ndipo ŵangurgha; ndipo wanguŵatole vinyo ndi ŵangumwa.

Chiyambo 27:27

Viyo wangundere pafupi wanguŵafyofyontha; ndipo wangunuska lifungu la maraya ghake ndi wangumutumbika, ndi wanguti, “Awona lifungu la mwana wangu lenge ndi lifungu la dongo lenilo Ambuya atumbika!

Chiyambo 27:31

Nayo so wangurongoso kurgha kwakununkhira, ndi wanguza nako ku awiske. Ndipo wanguti ku awiske, “Yukani ada, murghe nyama ya mwanawinu, alinga munditumbike.”

Chiyambo 27:5

Kweni Rebeka wavwanga penipo Yisaki wakambanga ndi mwana wake Esau. Viyo penipo wanguruta ku dondo kwachipenja nyama ndi kuza nayo.

Chiyambo 27:7

‘Uze ndi nyama kwangu, ndi undirongosole kurgha kwakununkhira, kuti ndirghe, ndi ndikutumbike paurongo pa Ambuya ndenga ndindafwe.’

Chiyambo 27:9

Ruta ku viŵeto, ukanditole ŵana ŵa mbuzi ŵaŵi ŵamampha kuti ndinozge ausu kurgha kwakununkhira uli ndi kuwa ŵatanja;

Chiyambo 28:3

Chiuta wanthazi zose wakutumbike ndipo wakupaske mphapu ndi kukwandaniska, alinga kuti uŵe mpingu wa ŵanthu.

Chiyambo 48:9

Yosefe wanguti ku wiske, “Yaŵa mbana ŵangu wo Chiuta wakundipaska kuno.” Ndipo iyo wanguti, “Yiza nawo kwangu, nditukupempha, alinga ndiŵatumbike.”

Chiyambo 49:28

Wose yaŵa ndiwo mitundu chumi ndi yiŵi yaku Yisraele; ndipo ichi ndicho wangukamba uskeu kwaku wo wachiŵatumbika wachitumbika yumoza ndi yumoza ndi chitumbiku chakumwenere.

Luka 2:34

ndipo Simeoni wanguŵatumbika, ndi wanguti kwaku Mariya nyina, “Awona mwenuyu wajarikikiya ku chibwanganduka ndi chiyuka vya ŵanandi mwaku Yisraele; ndi ku chisimikizgu chakususkika;

Luka 24:51

Ndipo kunguŵa, weche kuŵatumbika iyo, wangupatukako kwaku wo, ndipo wanyamulikiyanga kuchanya.

ŴaHebere 11:20

Ndi chivwanu Yisaki wangutumbika Yakobe ndi Esau, kuchiri ku vyakukhasa kuŵapo navyo.

Yoswa 14:13

Viyo Yoswa wangumutumbika ndipo wangupaska Hebroni kwaku Kalebe mwana waku Yefuni nge nchihara.

Yoswa 22:6

Viyo Yoswa wanguŵatumbika, wanguwawezga; ndipo ŵanguwere ku mizi yawo.