Chiyambo 2:17 - Tonga Bible 1986

¹⁷ kweni vyamu muti wo wakuziŵa umampha ndi uheni kuti ukarghanga cha, pakuti mu zuŵa lo ukarghiyanga vyaku wo ukafwanga.”

Chiyambo 2:17 ပူးပေါင်းရင်းမြစ်များ

Chiyambo 2:9

Ndipo kuturiya mu nyata Ambuya Chiuta wangumezga miti yose yakukondweska kuyiwona, ndi yamampha kurgha; ndiso muti wa umoyo pakatikati pa munda, ndipo muti wa kuziŵa umampha ndi uheni.

Chiyambo 20:7

Viyo sono muwezge mweneko muwoli wake, chifukwa ndi mchimi, ndipo wakakurombiyanga, ndipo ukajanga wamoyo. Kweni asani urekenge kumuwezge, uziŵe kuti ukafwanga nadi, iwe, ndi wose ŵeniwo mbako.”

Chiyambo 3:11

Iyo wanguti, “Njani wangukunene kuti wenga nkhuli? Kumbi wargha vya muti wo ndingukuchenjezga kuti ungarghapo cha?”

Chiyambo 3:17

Ndipo kwaku Adamu wanguti: “Chifukwa wavwiya mazu gha muwoli wako, ndipo warghapo muti wo ndingukuchenjezga kuti, ‘Ungarghanga cha,’ njakutembeka nyata yo chifukwa chako; mu kutakataka ukarghanga vyake mazuŵa ghose gha umoyo wako;

Chiyambo 3:19

Ukarghanga chiŵande, mu dukutira la chisku chako mpaka penipo uweriyenge ku nyata. Pakuti ungutoleka mwenimo; ndiwe fuvu, ndipo ukaweriyanga ku fuvu.”

1 ŴaKaronga 2:37

Chifukwa mu zuŵa lo utuliyengemo, ndi kwambuka ka msinji ka Kidroni, ziŵiska kuti ukafwanga; ndopa zako zikaŵanga pa mutu waku wamweni.”

1 ŴaKaronga 2:42

karonga wangutuma ndi wangudana Shimei, wanguti kwaku iyo, “Kumbi kuti ndingukurapiya pa Ambuya cha ndi kukuchenjezga ukongwa kuti, ‘Ziŵiska kuti pa zuŵa lo utuwenge ndi kuya ku malo ghe ghose, ukafwanga.’ Ndipo iwe ungati kwaku ine, ‘Cho mukamba nchamampha. Ndivwiyenge.’

Yeremiya 26:8

Ndipo penipo Yeremiya wanguti wamara kukamba vyose vyenivyo Ambuya angumulanguliya ku ŵanthu, ŵazukuru, ndi ŵamchimi, ndi ŵanthu wose ŵangumuko, ŵanguti, “Ukafwanga!

Ezekiele 18:13

wateuliskiya chanduwu, ndi kutoko chakusazgiyapo; kumbi wangaja ndi umoyo uyu? Kuti wakajanga ndi umoyo cha. Wachita vya unyakazi vyose ivi, kwakuneneska wakafwanga, ndopa zake zikaŵanga pa mweneko.

Ezekiele 18:32

Chifukwa kuti ndendi likondwa cha ndi nyifwa ya munthu we yose, atiti Ambuya Chiuta, viyo ng'anamukani, muŵe ndi umoyo.”

Ezekiele 18:4

Awonani, mizimu yose njangu; mzimu wa wiske ndi mzimu wa mwana ngwangu: kweni mzimu wo ulakwa ukafwanga.

Ezekiele 33:14

Ndipo so, nanga ndingakamba ku muheni, ‘Nadi ukafwanga,’ Kweni ndipuuli asani waweko ku uheni wake ndi wachita cho nchakwenere ndi chakurunjika,

Ezekiele 33:8

Asani ndikamba ku muheni, Owe muheni we, nadi ukafwanga, ndipo iwe ureka kumunene kumucheŵeska muheni kuti waweko ku nthowa yake, muheni yuwa wakafwanga mu uheni wake, kweni ndopa zake ndikazifumbanga pa janja lako.

Maŵerengedu 26:65

Chifukwa Ambuya angukamba vya paku iwo kuti, “Wakafwiyanga mu bozwa.” Pengavi yumoza waku wo wangujapo kweni Kalebe pe mwana waku Yefune ndi Yoswa mwana waku Nuni.

ŴaRoma 1:32

ŵeniwo, pakuziŵa cheruzgu chaku Chiuta, chakuti ŵakuchita vyaviyo mbakwenere nyifwa, kuti ŵavichita pe cha, kweni ŵazomerezgana so ndi ŵeniwo mbakuvichita.

ŴaRoma 6:16

Asi muziŵa kuti kwaku mweniyo mujiperekako nge mbaŵanda kwachimvwiya, mwe ŵaŵanda kwaku yo mumvwiya, pamwenga ŵa mvwiyu ku urunji?

ŴaRoma 6:23

Chifukwa mphotu ya ulakwi ndi nyifwa; kweni chawezi chaku Chiuta mbumoyo wamuyaya mwaku Kristu Yesu Ambuyafwe.

ŴaRoma 8:2

Chifukwa langulu la Mzimu wa umoyo mwaku Kristu Yesu landifwatuwa ku dangu lo la ulakwi la nyifwa.

1 ŴaKorinte 15:22

Chifukwa uli ndimo mwaku Adamu ŵafwiya wose, viyo so mwaku Kristu wose ŵasanduskikenge ŵamoyo.

1 ŴaKorinte 15:56

Liwozga la nyifwa mbulakwi; ndipo nthazi ya ulakwi ndi langulu.

ŴaGalatia 3:10

Chifukwa ŵeniwo wose mbakugomekezge milimu ya chilangulu ŵe pasi pa tembo: chifukwa kwalembeka kuti, “Ngwakutembeka yose yo walive kujaririya mwaku vyose vyo vyalembeka mu buko lo la chilangulu, kuvichita.”

ŴaEfeso 5:14

Viyo watiti, “Yuka iwe, wakura tulo, ndipo yukanga ku ŵakufwa, ndi wakuwaliyenge Kristu.”

Marangu 27:26

“ ‘Watembeke yo kuti wazomerezga cha mazu gha dangu ili mu kughachita.’ Ndipo ŵanthu wose ŵanenenge, ‘Ameni.’

Marangu 30:15

“Awonani, ndaŵika paurongo pinu msana wale umoyo ndi umampha, ndi nyifwa ndi uheni.

Marangu 30:19

Ndidanirizga kuchanya ndi charu chapasi kuchita ukaboni paku imwe msana wale, kuti ine ndiŵika paurongo pinu umoyo ndi nyifwa, thumbiko ndi thembo. Chifukwa cho sankhanipo umoyo alinga kuti imwe ndi mphapu zinu mujenge ŵamoyo,

ŴaKolose 2:13

Ndipo imwe, mwaŵakufwa mu mamphuru ndi uura muchinju wa liŵavu linu, wangumuchitiyani imwe ŵamoyo pamoza nayo, pakutireke mamphuru ghidu ghose;

1 Timote 5:6

Kweni cho chitechitechi chafwa cheche chamoyo.

Yakobe 1:15

Pavuli penipo likhumbira lo, lati lakuwa, lipapa ulakwi, ndipo ulakwi wo wati wakuwa ukongwa, upapa nyifwa.

1 Yohane 5:16

Asani munthu wangawona mbali wake kuchita chilakwa, chakurata ku nyifwa cha, wakapemphanga, ndipo Chiuta wampaskenge umoyo kweni chifukwa chaku wo ŵalakwiya ku nyifwa cha. Chifukwa chakurata ku nyifwa chiripo: kuti ndikamba kuti wapemphe paku chenicho cha.

Chivumbuzi 2:11

Mweniyo we ndi gutu, wavwenge cho Mzimu ukamba ku mipingu. Yo wapunda kuti wakapwetekekanga kose cha ndi nyifwa yo yachiŵi.’

Chivumbuzi 20:14

Ndipo nyifwa ndi Hadesi vingupong'eka mu nyanja ya moto. Yeniyi ndi nyifwa yachiŵi, nyanja yo ya moto.

Chivumbuzi 20:6

Ngwamwaŵi ndi ngwakupaturika yo we ndi chigaŵa mu chiyuka chachimoza cho: paku ŵeniwo nyifwa yachiŵi kuti yikaŵanga ndi mtufu cha; kweni ŵakaŵanga ŵazukuru ŵaku Chiuta ndi ŵaku Kristu, ndipo ŵakausanga pamoza nayo virimika chikwi.

Chivumbuzi 21:8

Kweni nge nkhu ŵamantha, ndi ŵazirakuvwana, ndi ŵaunyakazi, ndi ŵambanda ndi ŵareŵi, ndi vyanusi, ndi ŵakusopa-ngoza, ndi ŵatesi wose, chigaŵa chawo nchamu nyanja yo yakukole moto ndi fukunyira yeniyo ndi nyifwa yachiŵi.”

Ŵeruzgi 3:2

ichi chenga chakuti mphanyi migpnezi ya ŵaYisraele yinguziŵa nkhondo, kuti kokuli angasambizga wo ŵengavi kuyiziŵa nkhondo kale.

1 Samuele 14:39

Chifukwa ndirapa Ambuya amoyo akutaska Yisraele, nanga wangaŵa mwaku Jonafani mwana wangu, kwakuneneska wakafwanga.” Kweni pengavi yumoza yo wangumwamuka mukati mu ŵanthu wose.

1 Samuele 14:44

Sauli wanguti, “Chiuta wandichitiye viyo ndipo wasazgiyepo; kwakuneneska ukafwanga Jonafani.”

1 Samuele 20:31

Pakuti nyengo yose yo mwana waku Jese wakajariyanga ndi umoyo pa charu chapasi, paulengevi chingana ndiwe nanga ndi ufumu wako kuti ukakhozgekanga cha. Chifukwa ichi tuma ŵanthu wapenjeke ndipo ŵazi nayo kuno kwangu, pakuti nadi wakafwanga.”

1 Samuele 22:16

Ndipo karonga wanguti, “Ukafwanga nadi; Ahimeleke iwe ndi nyumba yose ya ausu.”