Chiyambo 17:6 - Tonga Bible 1986

⁶ Nkhakuyandaniskanga ukongwa, ndipo ndikakuchitanga mitundu, ndipo ŵakaronga ŵakatuwanga mwako.

Chiyambo 17:6 ပူးပေါင်းရင်းမြစ်များ

Chiyambo 13:16

Mphapu zako ndikazichitanga uli ndi fuvu la charu; viyo asani wangaŵapo munthu yo wangaziŵa kuŵerenga fuvu la charu, iku mphapu yako nayo yikaŵerengekanga.

Chiyambo 17:16

Ndipo ndikamutumbikanga, ndipo so ndikakupaskanga mwana munthurumi mwaku iyo, ndikamutumbikanga ndipo wakaŵanga nyina wa mitundu; ŵakaronga ŵa makhamu ŵakatuwanga mwake.”

Chiyambo 17:20

Gha paku Yishumaele, ndavwa; ehe, ndikamutumbikanga ndi nkhamupaskanga mphapu ndi nkhamwandaniskanga ukongwa limu; wakaŵanga uskeu wa mafumu chumi pachanya ghaŵi, ndipo nkhamuchitanga kuŵa mtundu ukuru.

Chiyambo 17:4

“Ehe, phanganu langu le pamoza nawe, ndipo ukaŵanga uskeu wa mitundu yinandi.

Chiyambo 26:22

Ndipo wangusamapo pa ndi ŵangukumba chisima chinyake, ndipo paku chiya kuti ŵangubayana cha; viyo wanguchidana zina Rehoboti, kunena kuti, “Pakuti sono Ambuya atichitiya malo ifwe, ndipo tikaŵanga ŵakwandana mu charu ichi.”

Chiyambo 28:3

Chiuta wanthazi zose wakutumbike ndipo wakupaske mphapu ndi kukwandaniska, alinga kuti uŵe mpingu wa ŵanthu.

Chiyambo 35:11

Ndipo Chiuta wanguti kwaku iyo, “Ndine Chiuta wanthazizose: upapane ndiwandane; mtundu ndi mpingu wa mitundu ukatuwanga mwako, ndipo ŵakaronga ŵakatuwanga mwako.

Chiyambo 41:52

Zina la wachiŵi wangudana Efraimu, “Chifukwa chiuta wandipaska kwandana mu charu cha masuzgu ghangu.”

Chiyambo 47:27

Viyo Yisraele wanguja mu charu cha Egipiti mu charu cha Gosheni, ndipo wangusaniya vihara mwenimuwa, ndipo ŵangupapana ndi ŵangwandana kwakurutizga.

Chiyambo 48:3

Ndipo Yakobe wanguti kwaku Yosefe, “Chiuta Wanthazi zose wangundiwoneke pa Luzu mu charu cha Kanani ndi wangunditumbika,

Chiyambo 48:4

ndipo wanguti kwangu, ‘Ehe, ndikakupaskanga mphapu, ndi kukwandaniska, ndipo ndikakuchitanga makhamu gha ŵanthu, ndipo ndikapaskanga charu ichi ku mphapu yako ya pavuli pako kuŵa chihara cha muyaya.’

Ezra 4:20

Mwenga so ŵakaronga ŵakuru mu Yerusalemu wo ŵausanga vyaru vya kusirgha kwa msinji; ndipo msonkho ndi mthulu, ndi msonkho wa miseu vyaperekekanga kwawo.

ŴaLevi 26:9

Ndikaphwerenga imwe pa kumupaskani mphapu ndi kumwandaniskani, ndipo ndikafiskanga phanganu langu ndi imwe.