Chituwa 27:2 - Tonga Bible 1986

² Ndipo mukalichitiyanga masengwe pa visongo vyake vinayi; masengwe ghake ghakaŵanga chimuti chimoza ndi ilo, ndipo mukalizganganga ndi mkuŵa.

Chituwa 27:2 ပူးပေါင်းရင်းမြစ်များ

Sumu 118:27

Ambuya ndiyo Chiuta; ndiuo watipaska ukweru. Ndi vivwati vya miti mu manja yambani dghera, kurazga ku masengwe gha chiguŵa!

1 ŴaKaronga 1:50

Ndipo Adoniya wangopa Solomoni; ndipo wangusoka, wanguruta, wanguko masengwe gha chakusopiyapo.

ŴaLevi 4:7

Ndipo mzukuru wakaŵikanga ndopa zinyake pa masengwe gha jochero la vyachema vyakusunkhizga paurongo pa Ambuya lo le mu hema lakuwunganamo, ndipo ndopa zakujapo za kankhuzi zo, wakadiranga pasina pa jochero la sembe yakocha lo le pa khomo la hema lakuwunganamo.

Chituwa 29:12

Ndipo ukatonga chigaŵa cha ndopa za nkhuzi yo ndi kuziŵika pa masengwe gha chiguŵa cha sembe ndi munwe wako, ndipo ndopa zose zakujapo mukadiranga musina mu chiguŵa cha sembe.

ŴaHebere 6:18

alinga kuti mu vinthu viŵi vizira masinthika, mwaku vyo nkhwambura machitika kuti Chiuta waname, tiŵe ndi kachiskidu kakukho, taŵakuthaŵiriya kukoreska chigomekezgu chakujarikikiya ifwe:

1 ŴaKaronga 8:64

Mu zuŵa lenili pe karonga wangupatuwa pakatikati pa bwalo lo lenga paurongo pa nyumba ya Ambuya, chifukwa penipa wanguperekiyapo mpasku wakocha ndi mpasku wa ufwa ndi mathuŵi gha mafuta gha mpasku wa chimangu, pakuti chiguŵa cha sembe cha mkuŵa cho chenga paurongo pa Ambuya chenga chimana ukongwa kuronde mpasku wa kocha ndi mpasku wa ufwa ndi mathuŵi gha mafuta gha mipasku ya chimangu.

1 ŴaKaronga 2:28

Penipo makani yagha ghanguza kwaku Yoabu, pakuti Yoabu wanguzomerezgana ndi Adoniya chingana wengavi kuzomerezana ndi Absalomu, Yoabu wanguthaŵiya ku hema la Ambuya ndi wanguko masengwe gha chiguŵa cha sembe.

ŴaLevi 16:18

Pavuli wakatuliyanga ku jochero lo le paurongo pa Ambuya ndi kulipepeske, ndipo wakatongapo ndopa za nkhuzi ndi za mbuzi, kuziŵika pa masengwe gha jochero kwakuzunguliya.

ŴaLevi 8:15

Ndipo Mosese wanguyibaya, wanguto ndopa, ndipo ndi munwi wake wanguziŵika pa masengwe gha jochero kwakuzunguliya, ndipo wangutozga jochero, wangupunguliya ndopa musina mwa jochero, ndi wanguripatuwa kulichitiya mphepeska.

ŴaLevi 4:25

Sono mzukuru wakatonga ndopa zinyake za mpasku wapa ulakwi ndi munwi wake ndi kuziŵika pa masengwe gha jochero la mpasku wakocha.

ŴaLevi 4:18

Ndipo wakaŵikanga ndopa zo zinyake pa masengwe gha jochero lo le mu hema lakuwunganamo paurongo pa Ambuya, ndipo ndopa zakujapo wakadiranga pasi pasina la jochero la mpasku wakocha lo le pa khomo la hema lakuwunganamo.

Chituwa 27:3

Mukalichitiyanga viŵiya vyakuronde chotu chake, ndi mafosholo, ndi mabeseni, ndi vyakuŵaniya; ndi vyakuŵikapo moto; viyaŵi vyake vyose mukachitanga vya mkuŵa.

Maŵerengedu 3:31

Ndipo mlimu wawo ukaŵanga wakutufuliya bokosi la phanganu, gome, chikole-nyali, majochero gha sembe, ndi viyaŵi vyamu malo ghakupaturika vyenivyo ŵazukuru ŵatakataka navyo ndi saru yakuchinga; ndi nchitu zose zakusungiya iri.

2 ŴaKaronga 16:14

Ndipo jochero la mkuŵa lo lenga paurongo pa Ambuya wangulituzgapo pa maso pa nyumba, pa malo gha pakati pa jochero lake ndi nyumba ya Ambuya, ndipo wanguliŵika kurchiri ku nkhonde kwa jochero lake.

2 Mikoka 4:1

Ndipo wanguchita jochero la mkuŵa, utali wake wenga mikono machumi ghaŵi, ndi usani wake wenga mikono machumi ghaŵi ndi msinkhu wake wenga mikono chumi.

Ezekiele 43:15

ndipo jochero pa malo ghakupembapo moto ndi mikono yinayi; kutuwa pa chipembo cha jochero kurazga pachanya, masengwe ghanayi, sengwe le lose mkono umoza mu wima wake.

Zekariya 9:15

Ambuya ŵa maŵanja aŵavikiriyenge; ndipo amarenge ndi kukandirizgiya pasi wo ŵapong'a mya; ndipo ŵamwenge ndopa zawo nge ndi vinyo, ndipo ŵazazikenge nge ndi mbali fwa, ŵangotenge nge ndi ngodya za jochero la sembe.

Chituwa 38:30

Ndi uwu wanguchita viŵanja vya khomo la hema lakuwunganamo, chiguŵa cha mkuŵa ndi chereko la mkuŵa laku cho ndi viyaŵi vyose vya jochero.