Chituwa 2:3 - Tonga Bible 1986

³ Ndipo penipo wanguwona kuti wangarutiriya cha kumubisa, wanguto chitete cha magumbwa cha kupomeka ndi nkhama ndi phula, ndipo wanguŵika mwana yo mukati mwake ndi wanguchiŵika mu matete mu mphepete mu msinji.

Chituwa 2:3 ပူးပေါင်းရင်းမြစ်များ

Chiyambo 11:3

Ndipo ŵangunenerana, “Tiyeni tiumbe ncherwa, ndipo tizoche weniukongwa.” Ndipo ŵenga ndi ncherwa mu malo gha mwa, ndi maziu mu malo gha dongo.

Chiyambo 14:10

Sono mu dambo la Sidimi munguŵa vibokuboku vya maziu; ndipo ŵachithaŵa ŵakaronga ŵa Sodomu ndi Gomora, ŵanyake ŵaku wo ŵanguwa mwaku vyo, ndipo wo ŵangujapo ŵanguthaŵiya ku phiri.

Chiyambo 6:14

Ujichitiye ngaraŵa ya miti, uchitemo vipinda mu ngaraŵa, ndipo uyimate mukati ndi kubwalo ndi phula.

Chituwa 1:22

Sono Farao wangulanguliya mtundu wake, “Mwana yose munthurumi wakupapika ku ŵaHebere mumutaye mu msinji Nile, kweni mwana munthukazi yose mumureke wamoyo.”

Yesaya 18:2

chenicho chituma ŵamirizi mu nthowa ya mu Nile, mu ngaraŵa za mabingwe zapa maji! Rutani, mwa mathenga ghakupusumpha, ku mtundu, utali wakoloŵa, ku ŵanthu wo ŵatopeka pafupi ndi kutali, mtundu wakulimba ndi wakuthereska, wo charu chake chigaŵika ndi misinji.

Yesaya 19:6

misisi yake yikanunkhanga, ndipo mphalika za Nile wa Egipiti zikaŵanga zimana ndi zakuphwa, inya matete ndi sali vikawonga.

Yesaya 35:7

mchenga wakocha ukasandukanga thaŵali, ndi charu chiyumu chikaŵanga misisi ya maji; mwakuchezga ŵakambwe mukasandukanga viyaghayagha, uteka ukasandukanga matete ndi magumbwa.

Mateyu 2:13

Ndipo ŵati ŵaruta iwo, wonani, mungelo wa Ambuya wangumwoneke Yosefe mu loto, wakuti, “Yuka, to mwana yo ndi anyina, thaŵiyani ku Egipiti, ndi mukaje kweniko mpaka pondikuneniyani; chifukwa Herode wapenjenge mwana yo kumubaya.”

Mateyu 2:16

Herode, pakuwona kuti wapusikika ndi ŵaukwi, wangukaripa ukongwa, ndipo wangutuma ndi wangukoso ŵana ŵanthurumi wose mu Betelehemu ndi mu mphaka zake zose, ŵa virimika viŵi ndi pasi pake, kwakulingana ndi nyengo yo ŵanguziya ŵaukwi wo.

Machitidu gha Ŵakutumika 7:19

Mweniyo, pakuchitiya fuku lidu uchenjezi, wanguchitiya auskefwe uheni, kwachitayiska malitema ghawo kuti ghangasungika ghamoyo cha.