Chitenje 5:5 - Tonga Bible 1986

⁵ Tidikiskika ukongwa ndi gori pa makhosi ghidu tavuka tilivi kupumuzgika.

Chitenje 5:5 ပူးပေါင်းရင်းမြစ်များ

Yeremiya 27:2

Viyo anguti Ambuya kwaku ine: “Ujichitiye vyakumangiya vyachikumba ndi magori, ndipo uviŵike pa khosi lako.

Yeremiya 27:8

“ ‘ “Kweni asani mtundu we wose, pamwenga ufumu, ukarekanga kutataliya Nebukadanezara, karonga wa Babiloni, ndi kureka kuŵika khosi lake mu gori la karonga wa Babiloni; ine ndikawulanganga mtundu wo ndi lipanga, ndi chilala, ndi chideru, mpaka penipo ndawumara ndi janja lake, atiti Ambuya.

Yeremiya 28:14

Pakuti atiti viyo Ambuya ŵa maŵanja, Chiuta waku Yisraele: Ine ndaŵika pakhosi la mitundu iyi yose gori la chisulo la uŵanda kwaku Nebukadanezara karonga wa Babiloni, ndipo ŵakamutataliyanga; ndamupaska so ndivinyama vya mu dondo.’ ”

Yeremiya 51:58

“Viyo atiti Ambuya ŵa maŵanja: Linga lisani la Babiloni likabwangandulikiyanga pasi ske; ndipo malikomo ghake ghatali ghochekenge ndi moto. Ŵanthu ŵatakataka kwambura kanthu, ndipo mitundu yitijivuska yeneko chifukwa cha moto pe.”

Chitenje 1:14

“Mautimabanizi ghangughangumangika mu goli; ndi janja lake vingumangika pamoza; vinguŵikika pa khosi langu; angugongoweska nthazi yangu; Ambuya angundipereka mu manja ghaku ŵeniwo kuti ndingapindana nawo cha.

Chitenje 1:3

Yuda waruta mu umkoli chifukwa cha kusunjizgika, ndi nchitu zizitu, sono waja mukati mu mitundu kweni kuti wasaniya malo gha chipumulu cha; kweni ŵakumundondoloska ŵake wose ŵamusaniya mu suzgu yake.

Chitenje 4:19

Wakutidondoloska wenga wamankharu kwakuruska makuŵi gha mude wangutidikiska pa mapiri; wangutikhazga mu mabozwa.

Mika 2:3

Chifukwa ichi, viyo atiti Ambuya: Ndirunguruka chiheni kumikana ndimbumba iyi, kwaku chenicho kuti muziŵa kuwezgako masingo ghinu cha; ndipo kuti mukayendanga kwakujikuzga cha, pakuti yikaŵanga nyengo ya uheni.

Mateyu 11:29

jitoleni pinu goŵa langu, ndi sambirani kwaku ine; pakuti ndine mpovu ndi wakujiyuyuwa mu mtima: ndipo musaniyenge chipumulu ku mizimu yinu.

Machitidu gha Ŵakutumika 15:10

Viyo sono chifukwa chine mutumwesa Chiuta, pakuŵikapo goŵa pa khosi la ŵasambizi, lenilo chingana mbauskefwe chingana ndifwe kuti tinguziŵa cha kunyamuwa?

Marangu 28:48

chifukwa ichi mukatewetiyanga ŵamawongo ŵinu ŵeniwo Ambuya akatumanga kurwana namwe, mu nja, mu nyota, mu ukavu, ndi mu usauchi wa vinthu vyose; akaŵikanga goli la chisulo mu khosi linu, mpaka penipo amuparghang'ani.