Chitenje 2:22 - Tonga Bible 1986

²² Mungudana ulaka mpha zuŵa ladghera lakutemeka, ŵakundofya zingirizgi; ndipo pa zuŵa la ukari la Ambuya pengavi wakuthaŵa pamwenga wakujapo wamoyo; ŵeniwo ndingupakata ndi kuŵalera ŵakupindikana ŵangu ŵaŵamara wose.

Chitenje 2:22 ပူးပေါင်းရင်းမြစ်များ

Yeremiya 6:25

Mungarutanga kwachisere mu minda, chingana nkhwenda mu museu cha; pakuti wakupindikanga wendi lipanga, mantha ghe posepose.

Sumu 31:13

Inya, ndituvwa muhihitu wa ŵanandi mantha ghe kose kose! Mo ŵaungirana pamoza upu paku ine, ndi kupangana chiŵembu kundibaya.

Yeremiya 46:5

Chifukwa chine ndachiwona? Ŵachita mantha ndi ŵawere vuli. Ŵankhondo ŵawo ŵawiskikiya pasi ndipo ŵathaŵa kwakutunthimika; kuti ŵalereska kulivi cha mantha ghe kose! atiti Ambuya.

Yeremiya 20:3

Ndi mlenje penipo Pashuru wangufwatuwa Yeremiya mu matangaja, Yeremiya wanguti kwaku iyo, “Ambuya kuti atikudana zina lako kuti ndiwe Pashuru cha, kweni Chakofya Kosekose.

Marangu 28:18

Vipasi vya liŵavu linu vikatembekanga, ndi vipasi vya nyata yinu, kwandana kwa ng'ombe zinu, ndi twana twa mberere zinu.

Yesaya 28:19

Nyengo zose lichiporotapo likamutoninga; pakuti mlenji ndi mlenji, likaporotangapo, msana ndi usiku; ndipo chikaŵanga chofyu chiduru kuwamo uthenga wo.

Yeremiya 11:11

Chifukwa cho atiti Ambuya, Ehe, ine nditole uheni paku iwo, weniwo kuti angaziŵa kuwuthaŵa cha; chingana ŵangandiliriya, kuti ndikaŵategherezganga cha.

Yeremiya 44:7

Ndipo sono atiti Ambuya Chiuta wa maŵanja, Chiuta waku Yisraele, Chifukwa chine muchita uheni ukuru uwu paku mwaŵeni, kudumuwako kwaku imwe munthurumi ndi munthukazi, litema ndi, mwana, kutuwa mukati mwaku Yuda; kwambura kumusiyiyani wakujako?

2 Mikoka 36:17

Pa chifukwa ichi Chiuta wanguŵaziya ndi karonga wa ŵaKildiya yo wangubaya ŵanyamata ŵawo ndi lipanga mu nyumba yawo yakupaturika, ndipo kuti yinguŵachitiya lisungu cha chingana mbanyamata pamwenga ŵamwali, khongwi pamwenga yo wenga khongwi lakukota ukongwa: wanguŵapereka wose mu janja lake.

Yeremiya 14:19

Kumbi mwamukaniya limu Yuda? Kumbi mzimu winu wamutinkha Zioni? Kumbi mwatipumiyanji mwakuti kulivi kuchizgika kwaku ifwe? Tingupenja chimangu, kweni kamampha kakuwoneka cha; nyengo ya kuchizgika, kweni ehe, chofyu.

Yeremiya 21:7

Pavuli atiti Ambuya, ndikaperekanga Zedekiya karonga waku Yuda, ndi ŵateŵeti ŵake, ndi ŵanthu ŵamu msumba uwu wo ŵakapozomokanga ku chideru, lipanga ndichilala, mu janja laku Nebukadanezara karonga wa Babiloni, ndi mu janja la ŵakupindikana ŵawo, mu janja laku wo ŵapenja kuŵabaya. Ŵakaŵakosonga ndi lipanga; kuti wakaŵafwiyanga lisungu, pamwenga kuŵareka, pamwenga kuŵa ndi chitima cha.’