Chitenje 2:11 - Tonga Bible 1986

¹¹ Maso ghangu ghajaliya kuliya pe; mzimu wangu usuzgika; mtima wangu upungulikiya mu chitima chifukwa cha kubwangandulika kwa ŵanthu ŵangu, chifukwa malitema ndi ŵana ŵalakatuka, mu miseu ya msumba wo.

Chitenje 2:11 ပူးပေါင်းရင်းမြစ်များ

Jobu 16:13

ŵamauta ŵake ŵandizingirizga kweti. Wacheka sana zangu ndi kuti watizireka cha; wapunguliya nduru yangu.

Jobu 30:27

Mtima wangu urumpha-rumpha, ndipo kuti upumuwa cha; mazuŵa gha suzgu ghatuza kuzachikumana nane.

Sumu 119:82

Maso ghangu ghavuka kukhazga vyo imwe mukupangana, ndifumba, “Kumbi mukandisangaruskanga zuŵanji?”

Sumu 22:14

Ndapungulika nge ndi maji, ndipo vyagweduka vyose viwanga vyangu; mtima wangu waŵa nge ndi phura, wasongonoka mukati mu chifuŵa changu;

Sumu 31:9

Mundichitiye wezi, Ambuya, pakuti nde musoka; jiso langu lafinyirizgika ndi chitima, mzimu wangu ndi liŵavu langu naluso viyo.

Sumu 38:8

Ndarombotoka ukongwa ndi kuphwanyika; nditamantha chifukwa cha chiwawa cha mtima wangu.

Sumu 6:7

Jisu langu lisiwiliya chifukwa cha chitima, likota chifukwa chaku wose ŵakupindikana nane.

Sumu 69:3

Ndavuka ndi kuliriya chovyo, pa khosi pangu paŵaŵa. Maso ghangu ghachita chizgezge pakulereze Chiuta wangu.

Yesaya 22:4

Chifukwa cho ine ndinguti: “Lereskani kunyake kutuwako kwangu, ndirekeni ndiliyi masozi ghakuŵaŵa; mungatakatakiyanga kundisangaluska cha chifukwa chakumara kwa ŵanthu ŵangu.”

Yesaya 38:14

Uli ndi kaŵeruŵeru pamwenga tofu ndibangula, nditamantha uli ndi nkhunda. Maso ghangu ghavuka ndi kulereska, kuchanya. Ambuya mwe ndisuzgika; muŵe imwe akundivikiriya!

Yesaya 51:20

Ŵana ŵako ŵadika nthazi; ŵagona pakati pa gurwi we yose uli ndi mphala mu ukonde; ŵazazika ndi ukari wa Ambuya kuchenya kwaku Chiuta wako.

Yeremiya 14:17

Iwe uŵakambiyenge mazu yagha; ‘Usiku ndi msana maso ghangu ghasuruwe masozi, ghareke kukamuka, pakuti mwana munthukazi wa ŵanthu ŵangu wapwetekeka ndi bala likuru, ndi kupumika kuzitu.

Yeremiya 4:19

Kuŵaŵa kwangu, kuŵaŵa kwangu, ndikunkhuwa mu kuŵaŵa! Owe, vimati vya mtima wangu! Mtima wangu upuma mwakofya kuti ndingaja chisisi cha; pakuti ndituvwa kuliya kwa mbata kumemeza kwa nkhondo.

Yeremiya 44:7

Ndipo sono atiti Ambuya Chiuta wa maŵanja, Chiuta waku Yisraele, Chifukwa chine muchita uheni ukuru uwu paku mwaŵeni, kudumuwako kwaku imwe munthurumi ndi munthukazi, litema ndi, mwana, kutuwa mukati mwaku Yuda; kwambura kumusiyiyani wakujako?

Yeremiya 8:19

Avwani, kuliya kwa ŵanthu ŵangu, kutuliya mu utali ndi mu usani wa charu: “Kumbi Ambuya mulivi mu Zioni? Kumbi karonga wake kuti we mwake cha?” “Chifukwa nchine ŵandisosomole ku kukwiya ndi ŵangoza ŵawo ŵakusemeka, ndipo ndi ŵangoza ŵawo ŵachilendo?”

Chitenje 1:11

Ŵanthu ŵake wose ŵatamantha ŵachipenja chiŵande; usambasi wawo ŵagula vyakurgha kuwerezgiyamo nthazi zawo. “Ambuya, lereskani ndi teskani, pakuti ndanyozeka.”

Chitenje 1:16

“Paku ivi vinthu ndiliya; maso ghangu ghadira masozi, pakuti wakusangaruska we kutali ndi ine, yo wangandiwerezgamo nthazi; ŵana ŵangu ŵe ŵija, pakuti wakupindikana wapunda.”

Chitenje 1:20

“Ehe, Ambuya mwe, pakuti nde mu suzgu, mzimu wangu wemu viwawa, mtima wangu utumba mukati mwangu, chifukwa chakuti ndaŵa wakugaruka ukongwa, mu mseu lipanga libaya; mu nyumba le nge ndi nyifwa.

Chitenje 5:17

Chifukwa chaku ichi mtima widu watama chifukwa cha vinthu ivi maso ghidu ghachita ndandi.

Luka 23:29

Pakuti awonani ghatuza mazuŵa mwaku ghenigho ŵanenenege, ‘Vyamwaŵi vyo vyumba, ndi vibali vyenivyo vyengavi kupapa, ndi maŵe ghenigho ghengavi konkheska!’

1 Samuele 30:4

Sono Davidi ndi ŵanthu ŵakuŵa nayo ŵangusoska mazu ghawo ndi kuliya, mpaka po nthazi zakuliriya zingumara.