Chitenje 2:10 - Tonga Bible 1986

¹⁰ Ŵaraŵara ŵamu msumba waku Zioni, ŵateka pasi chisisi; ŵajidiriya fuvu pa mitu yawo ndi ŵavwara chigudulu; ŵamwali ŵaku Yerusalemu ŵakotamiya pasi mitu yawo.

Chitenje 2:10 ပူးပေါင်းရင်းမြစ်များ

2 Samuele 13:19

Ndipo Tamara wangudira vyoto pa mutu wake, wanguparuwa laya lo wanguvwara; ndi wanguŵika manja ghake pa mutu wangwenda ndi kuliya kukuru wachiruta.

Yesaya 15:3

mu miseu ŵamanga vigudulu mu chiwunu, pachanya pa zinyumba ndi mu maluluwa we yose watenje, wadira masozi.

Yesaya 3:24

Mu malo gha vyachema mukaŵanga vya kuvunda; ndipo mu malo mwa lamba, mukaŵanga luzi, mu malo mwa sisi lamampha lakupesa, phara; ndipo mu malo mwa munjirira wakuzirwa, muŵenge chizombezga cha chigudulu; mu malo ghakusangaruka, muŵenge soni.

Yesaya 3:26

Ndipo malikomo ghake ghakatenjenga ndi kuliya; wakubwanganduka, wakajanga pa dongo.

Yesaya 36:22

Sono Eliakimu mwana waku Hilikiya, yo wenga wakutufuliya nyumba yose, ndi Shebna mlembi, ndi Joya mwana waku Asafi, mlembi wa makani, ŵanguza kwaku Hezekiya ndi vivwalo vyawo vyakuparuka, ndipo ŵangumutauliya mazu gha muthenga yo.

Yesaya 47:1

Sikani, muje mu fuvu, mwaŵanthu ŵaku Babiloni; jani pasi pambura chitengo cha ufumu, imwe mwa ŵaKaldiya! Pakuti mukadanikanga so cha kuti mwe ŵakuzika ndi ŵakoloŵa.

Yesaya 47:5

Muje chisisi ndipo muruti mu mdima, mwa ŵaKaldiya; kuti mukadanikanga so ŵakuusa cha.

Yeremiya 8:14

Chifukwa chine tija chisisi? Unjikanani pamoza tirutenge, kwachisere mu mizi ya malinga, tikafwiye mwenimo, pakuti Ambuya Chiuta widu ŵatiteme kufwa, ndipo ŵatipaska maji gha nduru kuti timwe, chifukwa talakwiya Ambuya.

Chitenje 1:1

Owe mo wajaliya wija msumba wo unguzaza ndi ŵanthu! Owe mo wasandukiya choko, wo wenga wa pachanya mukati mu mitundu! Wo wenga mwana wa karonga pakati pa mizi, wasanduka mupempha.

Chitenje 1:4

Miseu yakuya ku Zioni yitenje, pakuti palivi nanga njumoza wakuza ku madghera ghakutemeka; malikomo ghake ghose ghemu uyiku, ŵazukuru ŵake ŵatamantha; ŵamwali ŵake ŵanguguzikiya kutali, ndipo iwo ŵeneko ŵakomwa kwakuŵaŵa.

Chitenje 3:28

Wajenge chisisi paku yija penipo waliŵika paku iyo;

Chitenje 4:16

Ambuya ŵeneko aŵambininiska, kuti akaŵakhumbanga so cha; ulemu wengavi kupaskika ku ŵazukuru, ŵaraŵara kuti ŵanguŵaphwere cha.

Chitenje 4:5

Wo ŵarghanga vyakunona ŵamariya mu miseu; wo ŵangulereke mu vyakuvwara sono mbakula pa viza.

Chitenje 5:12

Ŵana ŵa mafumu ŵati ŵapayika ndi manja ghawo; ulemu kuti ulongoreka cha ku ŵaraŵara.

Chitenje 5:14

Madoda ghareka kuja pachipata chamsumba ŵanyamata ŵareka kumba sumu zawo.

Ezekiele 27:30

Ŵatenje kwakubongo paku iwe, kuliya kwakuŵaŵa mtima. Kudira fuvu ku mitu yawo ndi kugadabuka mu vyoto;

Ezekiele 27:31

ŵajimeta maphara chifukwa chaku iwe, kujivwarika vigudulu, ŵaliriya paku iwe mwakuŵaŵa kwa mtima, ndi kutenje kwa kupweteka.

Ezekiele 7:18

Ŵatijivwarika vigudulu mu chiunu, mantha ghati ŵabenekere; soni ze pa visku vyose, ndi phara pa mitu yawo yose.

Yoele 1:8

Tenjeni nge ndi mwali wavwala chigudulu muchiunu chifukwa cha murumi wapa umwali wake.

Amosi 5:13

Chifukwa ichi ŵakuchenje ŵamujachete mu nyengo yeniyo; chifukwa ndi nyengu yiheni.

Amosi 8:13

“Mu zuŵa lenilo ŵamwali ŵakutowa ndi ŵanyamata ŵamukufwa msara ndi nyota.

Amosi 8:3

Sumu za mu Kasopi zisandukenge chitenje mu zuŵa lo,” atiti Ambuya Chiuta; “viŵanda vyamukuŵa vinandi; mu malo ghose; vitayikenge kwa chisisi.”

Yona 3:6

Mbiri ya mazu yagha yingumufika karonga waku Nineve, ndipo wangusokapo pa chitengo chake ndi wanguzuwa munjilira wake, ndi wangudika chigudulu, ndipo wanguja mu vyoto.

Yoswa 7:6

Sono Yoswa wanguparuwa vyakuvwara vyake, ndipo wanguwa pasi kavunama paurongo pa bokosi la Ambuya mpaka mazulo iyo pamoza ndi ŵaraŵara ŵa ŵaYisraele; ndipo ŵangujidiya fuvu ku mitu yawo.

Chivumbuzi 18:19

Ndipo ŵangujifunthuliya fuvu pa mitu yawo uku ŵabongo ndi kuliya ndi kutenje, ŵakuti, “Owe! Owe! Msumba ukuru wo, mwenimo wose ŵa zingaraŵa zamu nyanja ŵangusambaskikiya chifukwa cha uromba wake! Mu ora limoza wapopeskeka.