Chitenje 2:1 - Tonga Bible 1986

¹ Ambuya mu ukari wawo ŵapong'a ŵanthu ŵaku Zioni mu mdima! Apong'a, kutuwa kuchanyakuza pa charu chapasi, kunozga kwaku Yisraele; akumbuka cha chitengo cha phazi lawo mu zuŵa la ukari wawo.

Chitenje 2:1 ပူးပေါင်းရင်းမြစ်များ

2 Samuele 1:19

“Unkhankhu wako, Yisraele, wabayikiya pa malo ghako ghapachanya! Vyawa uli vinkhara!

1 Mikoka 28:2

Ndipo karonga Davidi wanguma ndi wanguti, “Ndivweni mwa ŵabali ŵangu, ndi mwa ŵanthu ŵangu. Ndenga nacho kali mu mtima wangu kuzenge bokosi la phanganu la Ambuya nyumba yakujamo ndi chitengo cha malundi ghaku Chiuta widu ndipo ndarongosonga vyakuzenge nyumba,

Sumu 132:7

“Tiyeni tirutenge kumalo ghake ghakujamo; tikasope pa chitambaliro cha marundi ghake.”

Sumu 89:45

Mwamuchitiska unkhongewe nyengo yake yenge yindafikepo, ndipo mwamuvwarika soni.

Sumu 99:5

Tumbikani Ambuya Chiuta widu; sopani paurongo pa chitengo chake! Wakupatruika ndiyo!

Yesaya 64:11

Nyumba yidu yakupaturika ndi yakunozga, mwenimo auskefwe wangurumba imwe, yafya ndi moto, malo ghidu ghose ghakukondweska ghasanduka mapopa.

Yeremiya 30:14

Ŵakwanjiwa ŵako wose ŵakuruwa; kuti ŵatikuphwere nanga nkhamana cha; pakuti ndakupuma iwe nge ngwakupindikana, kulanga kwa murwani wambura lisungu pakuti kulakwa kwako nkhukuru, inya mauheni ghako nganandi.

Chitenje 1:1

Owe mo wajaliya wija msumba wo unguzaza ndi ŵanthu! Owe mo wasandukiya choko, wo wenga wa pachanya mukati mu mitundu! Wo wenga mwana wa karonga pakati pa mizi, wasanduka mupempha.

Chitenje 1:12

“Kumbi nchaŵaka ichi kwaku imwe, imwe mose mwaŵakujumphapo? Lereskani, ndipo wonani vinu chilipo chitima chinyake chakuyana ndi chitima changu cho chingutoleke paku ine, chenicho Ambuya andisuzga nacho pa zuŵa la kukwiya kwawo kwakofya.

Chitenje 2:17

Ambuya achita cho angulongoso, afiska kufinga kwawo, uli ndimo anguteme kale ukongwa, abwanganduliya pasi kwambura lisungu; aŵakondweska ŵakupindikana ŵako, ndipo akuzga nthazi ya ŵarwani ŵinu.

Chitenje 4:1

Owe mo wagugiya golide, mo golide mweneko wang'anamukiya! Mya yakupaturika yala pasi kwakuparghanikana, pakuserere mu gurwi we yose.

Chitenje 4:11

Ambuya anguzomerezga kwakufikapo ukari wawo, angupunguwa kukara kwawo kwa moto; ndipo angukozga moto mu Zioni, weniwo ungocha viŵanja vyake.

Ezekiele 13:13

Chifukwa ichi atiti Ambuya Chiuta: Ndikaputiskanga chimphupuru chikuru mu ukari wangu; ndipo kukaŵanga vuwa yikuru mu kukwiya kwangu, matalala ghakuru mu kukara kwangu kulipasuwa.

Ezekiele 19:12

Kweni mphereska yinguzuwika mu ukari, yingupong'eka pasi; mphepo yakutuwa ku vuma yinguyimizga; chipasi chake chingupurutuka, muti wake wanthazi ungufota; moto unguwupirizga.

Ezekiele 24:21

‘Kamba ku nyumba yaku Yisraele, Viyo atiti Ambuya Chiuta: Ehe, ndikafipiskanga malo ghangu ghakupaturika, kujikuzga kwa mazaza ghamu, likondwa la maso ghinu, ndi linweka la mzimu winu; ndipo ŵana ŵinu ŵanthurumi ndi ŵanthukazi wo mwaŵasiya kuvuli ŵakabayikanga ndi lipanga.

Ezekiele 30:18

Pa Tehafenesi lumwi likaŵanga mdima, po ndiphwanya ufumu wa Egipiti kwenikuwa, ndipo nthazi ya kujikuzga kwake yikamaranga; wakabenekerekanga ndi mtambo, ŵana ŵake ŵanthukazi ŵakarutanga ku umkoli.

Yoele 2:2

Zuŵa la mdima la munkhorwi, zuŵa la mitambo ndi mdima wakoyoyu; nge mbufipa wakutandikika pa mapiri pachanya, ŵanthu ŵakuru ndi ŵanthazi, kuti ŵakuŵako kale ŵakukozgana nawo cha, pamwenga kuti ŵakaŵangako sopavuli pawo cha, chingana nkhu virimika vya migonezi yose.

Mateyu 11:23

Ndipo iwe, Kapernaumu, utumphulikiyenge mpaka kuchanya, nthu? Mpaka ku Hadesi upawuskikiyenge. Chifukwa asani mu Sodomu vinguchitika vyanthazi vyakuchitika mwako, mphanyi wungujaririya mpaka kuno ku le.

Luka 10:15

Ndipo iwe Kapernaumu utumphulikenge mpaka kuchanya kumbi? Mpaka ku Hadesi upauskikiyenge.

Luka 10:18

Kweni wanguti kwaku wo, “Ndawonanga Satana yo kumbotoka ulaka ndi limphezi la kuchanya.

1 Samuele 4:21

Ndipo wangudana mwana Ikabodi wakuti “Unkhankhu watuwa mu Yisraele!” Chifukwa bokosi la phanganu laku Chiuta lingukwamphulika ndipo so chifukwa cha nyifwa ya asibweni ŵake ndi murumi wake.

1 Samuele 4:22

Wanguti, “Unkhankhu watuwa mu Yisraele, pakuti lakwamphulika Bokosi la phanganu laku Chiuta.”