Chitenje 1:8 - Tonga Bible 1986

⁸ Yerusalemu wangulakwa ukongwa, chifukwa cho wanguŵa mukazuzi; wose wo ŵamutumbikanga ŵatimunyoza, chifukwa ŵawona nkhuli yake; inya chingana ndiyo mweneko watamantha, ndipo wang'anamukiya chisku chake kutali.

Chitenje 1:8 ပူးပေါင်းရင်းမြစ်များ

Chiyambo 3:7

Sono maso ghaku wo ŵaŵi ghangujurika, ndipo ŵanguziŵa kuti mbankhuli; ndipo ŵangusonerezgana mani gha mkuyu ndi ŵangujichitiya matheŵera.

1 ŴaKaronga 9:6

Kweni asani ukapatukangako kukurondo ine, iwe pamwenga ŵana ŵako, ndipo kuti musungenge cha malangulu ghangu ndi marangu ghangu, gho ndaŵika paurongo pako, kweni murutenge kwa chitataliya ŵachiuta ŵanyake, ndi kuŵasopa,

1 ŴaKaronga 9:7

po ndipo ndikamudumuwangako Yisraele ku charu chenicho ndikuŵapaska; ndi nyumba yeniyo ndatoweske zina langu ndikayituzgangako ku maso ghangu; ndipo Yisraele wakaŵanga nthanthi ndi mphekuru mu makhamu ghose gha ŵanthu.

1 ŴaKaronga 9:9

Sono ŵakatinge, ‘Nchifukwa chakuti ŵangujowo Ambuya Chiuta wawo yo wangutuzga auskeu mu charu cha Egipiti, ŵangusunga ŵachiuta ŵa mwenga ndi kuŵatataliya ndi kuŵasopa, chifukwa cho Ambuya atole uheni wose uwu paku iwo.’ ”

Yesaya 47:3

Nkhuli yinu yikaŵanga pakweru, ndipo chilengesku chinu chikawonekanga. Nkhatayanga thayu, kuti ndikalekangapo munthu cha.

Yeremiya 13:22

Ndipo asani mukakambanga mu mitima yinu, ‘Chifukwa chine vyatiziya vinthu ivi?’ Nchifukwa cha ukuru wa utimbanizi winu, viketi vinu vya kungunikiya muchanya, ndipo mutuvwa kupwetekeka kukuru.

Yeremiya 13:26

Ine ndamweni ndikakungunuliyanga ku maso viketi vinu, ndipo soni zinu ziwonekenge.

Yeremiya 15:4

Ndipo ndikaŵachitanga chakofya ku maufumu ghose mu charu, chifukwa chaku cho Manase mwana waku Hezekiya karonga waku Yuda, wanguchita mu Yerusalemu.

Yeremiya 24:9

Ndikaŵachitanga kuŵa chakofya ku maufumu ghose gha charu chapasi, kuŵa chakusekeka, chakukambika, kawerere, ndi chakutembeka mu malo ghose ghenigho ndikaŵadikiskiyangako.

Yeremiya 32:23

ndipo ŵangusere ndi kuchihara. Kweni kuti ŵanguvwiya mazu ghinu cha chingana nkhwenda mudangu linu, ŵangukana kuchita vyo munguŵalanguliya kuchita. Chifukwa cho imwe mwaŵafikiskiya viheni ivi vyose.

Yeremiya 34:17

Chifukwa cho, viyo atiti Ambuya: Mulivi kundivwiya ine kumemeza we yose ku mwana munyake ndi ku mzengezgani wake; wanangwa, ehe, nditikupaskani wanangwa waku lipanga, waku chideru, ndi wanangwa waku chilala, atiti Ambuya. Ndikamuchitaninga kuŵa chakofya ku maufumu ghose gha charu chapasi.

Yeremiya 4:31

Pakuti ndavwa kuliya uli nkhwa munthukazi yo we mukupapa, kuŵaŵa nge nkhwaku yo wapapa mwana wake wa umwali, kuliya kwa ŵanthu ŵaku Zioni ŵayatuka, ŵatambaruwa manja ghawo, ŵatiti, “Owe ifwe tiyatuka paurongo pa ŵakubaya.”

Yeremiya 6:28

Wose mbachigaruka ŵanonono, ŵaruta uku ndi uku ndi mautesi; iwo ŵe mkuŵa ndi chisulo, wose ŵatakataka kwaŵaka.

Chitenje 1:11

Ŵanthu ŵake wose ŵatamantha ŵachipenja chiŵande; usambasi wawo ŵagula vyakurgha kuwerezgiyamo nthazi zawo. “Ambuya, lereskani ndi teskani, pakuti ndanyozeka.”

Chitenje 1:17

Zioni watambaluwa manja ghake, kweni palivi nanga njumoza wakumusangaruska; Ambuya alanguriya paku Yakobe, kuti ŵakuzengezgana nayo ŵaŵe ŵarwani ŵake; Yerusalemu wasanduka chinthu cha ukazuzi mukati mwawo.

Chitenje 2:10

Ŵaraŵara ŵamu msumba waku Zioni, ŵateka pasi chisisi; ŵajidiriya fuvu pa mitu yawo ndi ŵavwara chigudulu; ŵamwali ŵaku Yerusalemu ŵakotamiya pasi mitu yawo.

Chitenje 4:21

Sekere ndi kondwa iwe wa Edomu, wakuja mu charu chaku Uzu; kweni kwaku iwe nako chandi chikarutanga; ukaloŵenga ndipo ukajizuwanga kuja nkhuli.

Ezekiele 23:29

ndipo ŵakachitanga nawe mwakukutinkha, ŵakatonga vyose vipasi vyathazi yako, ndi kukusiya wankhuli, sono unkhuli wa ureŵi wako kuti ukabisikanga cha. Ukazuzi wako ndi ureŵi wako,

Ezekiele 23:46

Pakuti viyo atiti Ambuya Chiuta: “Zaninga ndi mzinda kumikana nawo, ndi muŵachite nge nchinthu chakofya ndi chakuskowa.

Ezekiele 39:23

Mitundu yikaziŵanga kuti nyumba yaku Yisraele yinguruta ku uŵanda chifukwa cha kulakwa kwawo, pakuti ŵangundilakwiya ukongwa ine, reka ndingubisa chisku changu kwaku iwo ndi kuŵapereka mu janja la ŵakupindikana ŵawo, ndipo wose ŵangubayika ndi lipanga.

Hoseya 2:10

Sono ndimurongonge uheni pa maso gha ŵakumwanja ŵake, ndipo palivi chingana njumoza yo wamutaskenge ku janja langu.

Hoseya 2:3

Vinu ndingamuzuwa saru ndi wangaja nkhuli ndi kumumika nge ndi zuŵa la kawi kake. Ndingamusanduska nge ndi lisuwa, ndi kumusanduska nge ncharu cha chiparamba, ndi kumubaya ndi nyota.

Chivumbuzi 3:18

Chifukwa ichi ndikupangizga kugula kwangu golide lakwengeka mu moto, alinga kuti usambase: ndi minjirira yituŵa kuti ujivwarike, mwakuti soni ya unkhuli wako yireke kurongoreka: ndi munkhwara wa kupaka mumaso ghako, alinga kuti ulereske.

1 Samuele 2:30

Pa chifukwa ichi Ambuya Chiuta waku Yisraele watiti: ‘Ndingupangana kuti nyumba yako ndi nyumba ya ausu yendenge pa maso pangu muyaya’; kweni sono atiti Ambuya: ‘Chiŵe kutali ndi ine; pakuti wose wo atinditumbika ndikaŵatumbikanga, ndipo wose wo watindiyeya ŵakayuyulikanga.