Chitenje 1:16 - Tonga Bible 1986

¹⁶ “Paku ivi vinthu ndiliya; maso ghangu ghadira masozi, pakuti wakusangaruska we kutali ndi ine, yo wangandiwerezgamo nthazi; ŵana ŵangu ŵe ŵija, pakuti wakupindikana wapunda.”

Chitenje 1:16 ပူးပေါင်းရင်းမြစ်များ

Sumu 106:42

Ŵakupindikana ŵawo ŵanguŵakandirizga, ndipo ŵanguthereskeke pasi pa mazaza ghawo.

Sumu 119:136

Masozi ghangu ghadika nge ndi msinji, chifukwa ŵanthu kuti ŵasunga dangu linu cha.

Sumu 69:20

Kusunjizgika kwaswa mtima wangu, ndaguluruka nthazi. Ndingugomezga kuti ndiwonenge ŵalisungu, kweni kwengavi nanga njumoza; ndalereze ŵakusangaruska, kweni kuti ndaŵasaniya cha.

Wakutaula 4:1

Ndinguwona so visuzgu vyose vyo vichitika panu pasi. Ehe, masozi gha ŵakukandirizgika, ŵengavi nanga njumoza wakuŵasangaruska! Kuchiri ku ŵakuŵakandirizga kwenga mazaza, ndipo pengavi yumoza wakuŵasangaruska.

Yesaya 54:11

“Iwe wakuyuzgika, wakuyungwiskika ndi lirondo, wambura kusangaruskika, ehe, ndikamikanga mya yako mu maŵanga ghamanimani ndi kujalika viŵanja vyako ndi mya ya sangarawe.

Yeremiya 13:17

Kweni asani murekenge kutegherezga, mzimu wangu ukatenjenga ku ubende chifukwa cha kujikuzga kwinu; maso ghangu ghakaliyanga ukongwa ndi kumphororoska masozi, pakuti mskambu wa Ambuya wayoreke ku umkoli.

Yeremiya 14:17

Iwe uŵakambiyenge mazu yagha; ‘Usiku ndi msana maso ghangu ghasuruwe masozi, ghareke kukamuka, pakuti mwana munthukazi wa ŵanthu ŵangu wapwetekeka ndi bala likuru, ndi kupumika kuzitu.

Yeremiya 15:5

Njani wakaŵanga ndi lisungu paku iwe, Yerusalemu we, pamwenga njani wakakukhuzanga? Njani wakapatukanga kukufumbani, mulipo uli?

Yeremiya 8:18

Chitima changu nchambura kuchizgika, mtima ngwakutama mukati mwangu.

Yeremiya 9:1

Aha, mphanyi mutu wangu wenga maji, ndi maso ghangu chisima cha masozi alinga kuti ndiliye msana ndi usiku chifukwa cha ŵakubayika ŵa ŵanthu ŵangu!

Yeremiya 9:10

“Dangani kuliya ndi kwenjerwa chifukwa cha mapiri, tenjeni chifukwa cha mauliska gha mubozwa, chifukwa ghachitika mapopa palivi yo waporotamo, ndipo kubama kwa ng'ombe kuti kuvwika cha; vyose viyuni vya mude ndi nyama za mudondo vyathaŵa kuti viwoneka so cha.

Yeremiya 9:21

Pakuti nyifwa yakwera yasere pa madangazi ghidu, yasere mu nyumba zidu za ufumu, kuŵadumuwa ŵana mu miseu ndi ŵanyamata mu mabwalo.

Chitenje 1:2

Uliya kwakuŵala ndi usiku, masozi pa matama ghake. Mu ŵakwanjiwa ŵake wose palivi nanga njumoza, waku wusangaruska; mabwezi ghake ghose ghaŵa ghakumutinkha, ghasanduka ŵamawongo ŵake.

Chitenje 1:9

Unyakazi wake wenga mu vivwalo vyake, kuti wangughanaghanako gha phasulu lake cha; chifukwa cho kubwanganduka kwake nkhwakofya, walivi msangaruski. “Ambuya mwe, teskani suzgu yangu, pakuti murwani waphanda!”

Chitenje 2:11

Maso ghangu ghajaliya kuliya pe; mzimu wangu usuzgika; mtima wangu upungulikiya mu chitima chifukwa cha kubwangandulika kwa ŵanthu ŵangu, chifukwa malitema ndi ŵana ŵalakatuka, mu miseu ya msumba wo.

Chitenje 2:18

Bongo ukongwa ku Ambuya! Msumba waku Zioni! Masozi ghajirimiye pasi nge ndi mweza msana ndi usiku! Ungajipumuzganga cha, maso ghako ghangalekezganga cha!

Hoseya 9:12

Chingana ŵangalera ŵana, kweni ndiŵabayenge pakuti paŵengevi yumoza wakuja ndi umoyo, chitima kwaku iwo po nkhapatukangako kwaku iwo!