Chitenje 1:12 - Tonga Bible 1986

¹² “Kumbi nchaŵaka ichi kwaku imwe, imwe mose mwaŵakujumphapo? Lereskani, ndipo wonani vinu chilipo chitima chinyake chakuyana ndi chitima changu cho chingutoleke paku ine, chenicho Ambuya andisuzga nacho pa zuŵa la kukwiya kwawo kwakofya.

Chitenje 1:12 ပူးပေါင်းရင်းမြစ်များ

Sumu 88:16

Ukari winu wakofya wandikuka; vyakofya vinu vyandiparghang'a.

Yesaya 13:13

Chifukwa cho ndikanjenjemeskanga machanya, ndipo charu chapasi chikasukuniskikanga kutuwa mu malo ghake, pa ukari wa Ambuya ŵa maŵanja mu zuŵa la ukari wawo wakofya.

Yeremiya 10:19

Owe soka ine chifukwa chakupwetekeka kwangu! Bala langu ndachitima. Kweni ndinguti, “Kwakuneneska ili ndi yuzgu, nditenere kukunthiyapo.”

Yeremiya 18:16

ŵasanduska charu chawo kuŵa chakofya, chinthu chakunyozeka muyaya. We yose wakujumphamo watofyera ndipo wapukung'a mutu wake.

Yeremiya 30:23

Ehe lirondo la Ambuya! Ukari watuwa, lirondo lakavuruvuru, likaswekiyanga pa mutu wa muheni.

Yeremiya 30:24

Kukwiya kwakofya kwa Ambuya kuti kukarekanga cha, mpaka penipo wachita ndi kufiska vyenivyo arongoso kuvichita. Mu mazuŵa gho ghatuza mwazamuwamo ichi.

Yeremiya 30:7

Owe! Zuŵa lo ndikurudi palive lakukozgana nalo; ndi nyengo ya suzgu yaku Yakobe; ndipuuli wakataskikangako kwaku lo.

Yeremiya 4:8

Chifukwa chaku ichi vwarani chigudulu, liyani ndi bangurani; pakuti ukari wakofya wa Ambuya ulivi kuwerere vuli kutuwako kwidu.”

Yeremiya 48:27

Asi Yisraele wenga chakusekeka kwaku iwe? Kumbi wangusanirika mukati mu ŵankhungu, pakuti pose po ŵakambanga zaku iyo wapukung'anga mutu wako?

Chitenje 1:18

“Ambuya ŵemukuruwika, pakuti ŵagarukiya mazu ghawo; kweni vwani, mwa ŵanthu imwe mose, ndi teskani suzgu yangu; ŵamwali ŵangu ndi ŵanyamata ŵangu ŵaruta mu umkoli.

Chitenje 2:1

Ambuya mu ukari wawo ŵapong'a ŵanthu ŵaku Zioni mu mdima! Apong'a, kutuwa kuchanyakuza pa charu chapasi, kunozga kwaku Yisraele; akumbuka cha chitengo cha phazi lawo mu zuŵa la ukari wawo.

Chitenje 2:13

Ndingakukambiya kane, ndikweruzgiye pa kanthu uli, mwa ŵanthu ŵaku Yerusalemu? Ndikakulinganizganga ku kanthu uli, alinga kuti ndikusangaruske, ŵanthu ŵangu ŵamu Zioni? Chifukwa usani wakubwangandika kwako wenge ndi nyanja; njani wangaziŵa kukuwerezgamo?

Danyele 9:12

Chifukwa tamunangiya iyo. Wakhozga mazu ghake gho wangukamba ghakutisuska ifwe, ŵeruzgi ŵidu wo ŵatiyeruzganga pakuŵika paku ifwe soka likuru, chifukwa pa charu chose chapasi palivi kuchitika nge ndi cho chachitikiya Yerusalemu.

Yoele 2:2

Zuŵa la mdima la munkhorwi, zuŵa la mitambo ndi mdima wakoyoyu; nge mbufipa wakutandikika pa mapiri pachanya, ŵanthu ŵakuru ndi ŵanthazi, kuti ŵakuŵako kale ŵakukozgana nawo cha, pamwenga kuti ŵakaŵangako sopavuli pawo cha, chingana nkhu virimika vya migonezi yose.

Mateyu 24:21

Chifukwa chiŵengeko penipo chisuzgu chikuru, chakuti chengavi kuŵapo chaviyo kutuwa ku mtendeku wa charu mpaka kuno ku le, chingana nkhuti chikaŵangapo so cha.