Chitenje 1:11 - Tonga Bible 1986

¹¹ Ŵanthu ŵake wose ŵatamantha ŵachipenja chiŵande; usambasi wawo ŵagula vyakurgha kuwerezgiyamo nthazi zawo. “Ambuya, lereskani ndi teskani, pakuti ndanyozeka.”

Chitenje 1:11 ပူးပေါင်းရင်းမြစ်များ

2 ŴaKaronga 6:25

Ndipo mwenga chilala chikuru mu Samaria penipo wanguwuzinga, mpaka penipo mutu wa mbunda wasaskikanga pa mashekelo machumi ghankhonde ndi ghatatu gha siliva, ndipo chigaŵa chimoza cha vinayi cha mweso wa matongolo gha nkhunda chasaskikanga pa mashekelo ghankhonde gha siliva.

Jobu 40:4

“Wonani, ndawambura vinjeru ine; nchine cho nkhakumukaninga? Ndipo waka pa mlomo wangu ndi janja langu.

Sumu 79:4

Taŵa chitozeru ku ŵanasi ŵidu; kawerere ndi chipukung'a mutu ku ŵakutizingirizga.

Yeremiya 15:19

Chifukwa cho atiti Ambuya: “Asani uwengeko, ndikakuwerezgiyangamo ndipo ukamanga paurongo pangu. Asani ukakambanga cho nchakuzirwa, ndi cho nchawaka cha, ukaŵanga uli ndi mlomo wangu! Ŵakawerenga kwaku iwe, kweni iwe kuti ukawerenga kwaku iwo cha.

Yeremiya 19:9

Ndipo ndikaŵarghiskanga nyama ya ŵana ŵawo ŵanthurumi ndi ŵana ŵawo ŵanthukazi, yose wakarghanga nyama ya mwanasi wake mu kuzingizgika ndi mu suzgu yo ŵakupindikana ŵawo ndi ŵeniwo ŵapenja kuŵabaya ŵaŵasuzgenge nayo.’

Yeremiya 38:9

“Mbuyangu karonga, ŵanthu yaŵa ŵachita chiheni mwaku chose cho ŵachita kwaku Yeremiya mchimi pakumupong'a mu chisima; ndipo wakafwiyanga mwenimuwa ndi nja pakuti kurgha mulivi mu msumba.”

Yeremiya 52:6

Pa zuŵa la chinkhonde ndi ghanayi la mwezi wa chinayi chilala chenga chikuru mu msumba, ndipo mwengavi kurgha kwa ŵanthu mu charu.

Chitenje 1:8

Yerusalemu wangulakwa ukongwa, chifukwa cho wanguŵa mukazuzi; wose wo ŵamutumbikanga ŵatimunyoza, chifukwa ŵawona nkhuli yake; inya chingana ndiyo mweneko watamantha, ndipo wang'anamukiya chisku chake kutali.

Chitenje 1:9

Unyakazi wake wenga mu vivwalo vyake, kuti wangughanaghanako gha phasulu lake cha; chifukwa cho kubwanganduka kwake nkhwakofya, walivi msangaruski. “Ambuya mwe, teskani suzgu yangu, pakuti murwani waphanda!”

Chitenje 2:11

Maso ghangu ghajaliya kuliya pe; mzimu wangu usuzgika; mtima wangu upungulikiya mu chitima chifukwa cha kubwangandulika kwa ŵanthu ŵangu, chifukwa malitema ndi ŵana ŵalakatuka, mu miseu ya msumba wo.

Chitenje 2:12

Ŵaliriya ku anyinawo, “Chiŵande ndi vinyo vye pani?” Ŵachilakatuka uli mbanthu ŵakulasika mu miseu ya msumba, penipo umoyo wawo udikiya pa chifuŵa cha anyinawo.

Chitenje 2:20

Awonani Ambuya ndipo alereskani! Ndiyani yo mwachitiya ichi? Kumbi nkhwamampha kuti ŵanthukazi ŵarghenge ŵana ŵawo, ŵana ŵeniwo ŵanguŵaphwere? Kumbi nkhwamampha kuti mzukuru ndi mchimi ŵabayikenge viyo, mu malo ghakupaturika gha Ambuya?

Chitenje 5:1

Kumbukani, Ambuya cho chatiwiya; teskani, ndi wonani kulengeskeka kwidu!