Amosi 9:9 - Tonga Bible 1986

⁹ “Chifukwa ehe, ndilangulenge, ndikusukuniska nyumba yaku Yisraele mukati mu mitundu yose, nge ndimo munthu wapepete ndi lipalu, kweni mbeu chingana njimoza yakuwa pasi.

Amosi 9:9 ပူးပေါင်းရင်းမြစ်များ

Yesaya 27:12

Mu zuŵa liya kwamba ku msinji Efrate kwachifika ku kamsinji kaku Egipiti Ambuya akapwanthanga trigu, ndipo mukaunjikikanga yumoza yumoza, mwa ŵanthu mwe waku Yisraele.

Yesaya 28:28

Kumbi kupera kwa kamoza kunanga trigu? Awa, kuti wangapereke limu kwa kamoza pe cha; wachendeska mkombelo wa gareta lake pachanya pake ndi ŵakavalo ŵake, kuti ŵasilikiya limu cha.

Yesaya 30:28

mvuchi wake we nge ndi kamsinji kakusapatiya, keniko kafika mpaka ku khosi; kusefa mitundu ndi sefa ya kuparghang'a, ndi kuŵika mu njegheyu za ŵanthu chakuphatika ku mlomo cho chipuruska.

Yeremiya 31:36

“Asani ivi vyakukhozgeka vituwengepo paurongo pangu, atiti Ambuya, po ndipo mphapu yaku Yisraele yikamaranga kuŵa mtundu paurongo pangu muyaya.”

Yeremiya 46:28

Reka kopa, Yakobe we, wa muŵanda wangu, atiti Ambuya, pakuti nde nawe pamoza. Ndikachitanga umari wakufikapo wa mitundu yose yeniyo ndakudikiskiyako, kweni iwe kuti ndikuchitenge umari wakufikapo cha. Ndikakulanganga kwakurunjika, viyo kuti ndikalekangapo cha kukulanga.”

Yeremiya 49:36

ndipo ndikatolenga paku Elamu mphepo zinayi kutuwa ku malo ghanayi gha kuchanya; ndikaŵambiniskiyanga ku mphepo zose zo, ndipo kuti kukaŵanga mtundu cha wo ŵalekenge kuyako wo ŵadikiskika mu Elamu.

Ezekiele 20:38

Ndituzgengemo mukati mwinu ŵachigaruka, ndi wose ŵakundilakwiya ine, ndiŵatuzgenge mu charu cho ŵajamo nge mbalendo, ndipo kuti ŵakaserenga mu charu cha Yisraele cha. Penipo ndipo mukaziŵanga kuti ine ndine Ambuya.

Ezekiele 36:19

Ndinguŵambininiskiya mukati zu mitundu, ŵanguparghang'ikiya mu vyaru; kwakuyana ndi majaridu ghawo ndi ndi nchitu zawo ndinguŵeruzga.

Ezekiele 39:28

Penipo ndipo ŵakaziŵanga kuti ine nde Ambuya Chiuta wawo chifukwa ndinguŵatuma ku uŵanda mukati mu mitundu ndipo ndaŵaunjika mu charu chawo. Kuti ndisiyengeko so yumoza waku iwo cha wakuti wajaliye vuli mukati mu mitundu;

Ezekiele 5:10

Mu chifukwa cho auskeu ŵakarghanga ŵana ŵawo mukati mwinu, ndipo ŵana ŵakarghanga auskeu; ndikaŵikanga cheruzgu paku imwe, ndipo we yose wakujapo mwaku imwe ndikamdikiskiyanga ku mphepo zose.

Ezekiele 5:12

Chigaŵa chimoza cha vigaŵa vitatu vyaku imwe ŵakafwanga ndi chiwowota ndi kumara ndi chilala mukati mwinu; chigaŵa cha chitatu ŵakabayikanga ndi lipanga lakumuzingirizgani imwe ndipo chigaŵa cha chitatu ndimbininiskiyenge ku mphepo zose ndipo ndikasoronga lipanga pavuli pawo.

ŴaLevi 26:33

Ndipo ndikaparghang'iyanga imwe mu mitundu, ndipo nkhawewepuwanga lipanga mu chibazi kukudikiskani; charu chinu chikaŵanga phasulu, ndipo misumba yinu yikaŵanga mapopa.

Luka 22:31

“Simoni, Simoni, awona Satana yo wangujifumbiya imwe kwachimpepetani uli ndi trigu:

Marangu 28:64

Ndipo Ambuya akamumbininiskiyaninga mukati mu ŵanthu wose kwamba ku umari wa charu chapasi, kuya ku unyake, ndipo mwenimuwa mwamuteŵete ŵachiuta ŵamwenga, ŵa muti ndi mwa, ŵeniwo chingana ndimwe chingana mbauskemwe ŵengavi kuŵaziŵa kali.