Amosi 9:8 - Tonga Bible 1986

⁸ Wonani, maso gha Ambuya Chiuta ghe pa ufumu wa kwananga, ndipo nkhawubwangandu wanga pa chisku cha charu, kweni nyumba yaku Yakobe pe kuti ndibwanganduliyengelimu cha,” atiti Ambuya.

Amosi 9:8 ပူးပေါင်းရင်းမြစ်များ

Chiyambo 6:7

Viyo Ambuya anguti, “Ndisisitenge munthu yo ndalenga kumutuzga mu charu, munthu ndi nyama ndi vyakukwaŵa ndi viyuni vya mude, chifukwa nde wachitima kuti ndinguvichita.”

Chiyambo 7:4

Pakuti ghatakuti ghakapo mazuŵa ghankhonde ndi ghaŵi ndikatumanga vuwa pa charu mazuŵa machumi ghanayi ndi mausiku machumi ghanayi (40); ndipo chamoyo chose cho ndikuchita ndikasisitanga kutuwapo pa charu.”

1 ŴaKaronga 13:34

Ndipo chinthu ichi chinguŵa mphurupuru ku nyumba yaku Yeroboamu, mwakuti yidumulike ndi kuyiparghang'a kuyituzgako ku chisku cha charu chapasi.

Nthanthi 15:3

Maso gha Ambuya ghemu malo ghose, ghalereska ŵaheni ndiŵamampha.

Nthanthi 5:21

Pakuti nthowa za munthu ze paurongo pa maso gha Ambuya, ndipo iwo ŵateska nthowa zake zose.

Yeremiya 30:11

Pakuti nde nawe pamoza kukutaska, atiti Ambuya; ndikamaranga kwakufikapo mitundu yose mwaku yeniyo ndingukumbininiskani, imwe kuti ndikamumariyaninga limu cha. Ndikakulanganinga mwakwenere, kweni kuti ndikakusiyaninga waka ŵambura kulangika cha.

Yeremiya 44:27

Ehe, ndituŵalereske pa uheni, pa umampha cha; ŵanthu wose ŵaYuda wo ŵemu charu cha Egipiti ŵakamaranga ndi lipanga ndi chilala, mpaka penipo ŵamara wose.

Yeremiya 46:28

Reka kopa, Yakobe we, wa muŵanda wangu, atiti Ambuya, pakuti nde nawe pamoza. Ndikachitanga umari wakufikapo wa mitundu yose yeniyo ndakudikiskiyako, kweni iwe kuti ndikuchitenge umari wakufikapo cha. Ndikakulanganga kwakurunjika, viyo kuti ndikalekangapo cha kukulanga.”

Yeremiya 5:10

“Ukwere ukaporoti mu mizere yake ya mphereska ndi ukaparghang'e, kweni kwachimarizgiya limu cha; katuzgemo mphanda zake pakuti kuti za Ambuya cha.

Hoseya 1:4

Ndipo Ambuya anguti kwaku Hoseya, “Umudani mwana yo zina lakuti, Yezerele; chifukwa kwaja nyengo yimanavi nkhalanganga nyumba yaku Yehu chifukwa cha ndopa zaku Yezerele, ndipo ndituzgengepo ufumu pa nyumba yaku Yisraele.

Hoseya 1:6

Gomere wanguzuuka so wangupapa mwana munthukazi, ndipo Ambuya anguti kwaku Hoseya, “Umudani mwana yo zina lakuti, ‘Wambura kuchitikiya lisungu,’ chifukwa kuti nkhaŵanga ndi lisungu so cha ndi ŵanyumba yaku Yisraele chingana nkhuŵagowoke.

Yoele 2:32

Ndipo kuŵenge kuti, yose yo wadanenge pa zina laku Chiuta wataskikenge; chifukwa mu phiri Zioni ndi mu Yerusalemu ŵakaŵangamo wo ŵapozomokenge, nge ndimo Ambuya anene; ndipo mwaku wo ŵajako ndi umoyo, muŵenge wo Ambuya atuŵandana.

Amosi 3:12

Viyo atiti Ambuya: “Nge ndimliska wapokeska vigha viŵi, pamwenga chipikita cha gutu kutuwa mu mlomo wa nkharamu, viyo ndimo ŵaYisraele wo ŵaja mu Samaria ŵamufwanthamukiya, ndi nyondo ya kachita ndi chita chikuru.”

Amosi 7:17

Viyo mu chifukwa ichi atiti Ambuya: ‘Muwoli wako waŵenge mureŵi mu msumba, ndipo ŵana ŵako ŵanthurumi ndi ŵana ŵako ŵanthukazi ŵakabayikanga ndilipanga, ndi charu chako chamugaŵika ndi chipimo cha chingwe, ndipo wamweni wamufwiya mu charu cha ukazuzi; ndipo Yisraele wakarutanga nadi ku uŵanda kutali ndi charu chake!’ ”

Amosi 9:10

Ŵakulakwa wose ŵa ŵanthu ŵanguŵambubayika ndi lipanga ŵeniwo ŵatiti, ‘Uheni kuti ungatisaniya cha chingana nkhukumana nafwe.’

Amosi 9:4

Chingana ŵangaruta ku umkoli pamaso gha ŵarwani ŵawo, ndamulanguliya lipanga, ndipo lakuŵabaya kweniko; ndipo ndilereskenge maso ghangu paku iwo, kuŵachitiya uheni, kweni kuŵachitiya umampha cha.”

Marangu 4:31

Pakuti Ambuya Chiuta winu ndi Chiuta walisungu, kuti wakurekeninge cha, pamwenga kumupasuwani, pamwenga chingana nkhuruwa phanganu ndi auskemwe lenilo wanguŵarapiya.

Marangu 6:15

vinu ukari wa Ambuya Chiuta winu ungakole kumikana namwe, ndi kumumarani kumutuzgani pa charu, pakuti Ambuya chiuta widu, yo we mukati mwinu, ndi Chiuta wasanji.