Amosi 9:7 - Tonga Bible 1986

⁷ “Kumbi kuti mwenge mbaEtiopia cha kwaku ine, imwe mwa ŵanthu ŵaku Yisraele?” atiti Ambuya. “Kumbi kuti ndinguŵatuzga cha ŵaYisraele mu charu cha Egipiti, ŵaFilisti ku Kafitoro; ndi ŵaSiriya ku Kiri?

Amosi 9:7 ပူးပေါင်းရင်းမြစ်များ

2 ŴaKaronga 16:9

Ndipo karonga wa Asiriya wangumuvwiya, wanguruta kwachirwana ndi Damasko, ndi wanguwukwamphuwa, wanguyora ŵamikoli kuya nawo ku Kiri, ndipo wangubaya Rezini.

2 Mikoka 14:12

Viyo Chiuta wangukoso ŵa Etiopia paurongo paku Asa ndi Yuda, ŵaEtiopia ŵanguthaŵa.

2 Mikoka 14:9

Ndipo kunguza Zera waku Etiopia ndi ŵanthu vikwi machumi pe chumi kwazirwa nkhondo (1,000,000), ndi magareta machumi pe chumi ghatatu (300), ŵangufika ku Meresha.

Chituwa 12:51

Ndipo mu zuŵa leniliya Ambuya angutuzga ŵaYisraele mu charu cha Egipiti mu maŵanja ghawo.

Yesaya 20:4

viyo ndimu karonga wa Asiriya wakarongozgiyanga ŵaEgipiti ŵaŵanda ndi ŵaEtiopia ŵamkoli, wose ŵampupuka ndi makhongwe, wankhuli ndi marundi ghawaka, ndi matako ghankhuli, pa soni ya Egipiti.

Yesaya 22:6

Elami wanguto phodo pamoza ndi magareta ndi ŵa pakavalo, ndipo Kiri wangusotopo nguru.

Yesaya 43:3

Pakuti ndine Ambuya Chiuta winu, Mtuŵa Yumoza waku Yisraele, Mtaski winu. Ndipereka Egipiti nge ndi thumba linu, Etiopia ndi Seba mukugulizgana ndi imwe.

Yeremiya 13:23

Kumbi mu Etiopia wangaziŵa kusintha liŵavu lake, pamwenga nyalubwe maŵanga ghake? Ipo namwe so mungaziŵa kuchita umampha mwa ŵakuziŵiriya kuchita uheni.

Yeremiya 47:4

chifukwa cha zuŵa lenilo likazanga kuzachiphwanya ŵaFilisti wose, kuŵadumuwa mu Turo ndi Sidoni wakovya yose yo wakujamo. Pakuti Ambuya ŵaphwanya ŵaFilisti; ŵakusiyikamo mu charu cha likumba laku Kafatori.

Hoseya 12:13

Ndi mchimi Ambuya angutuzga Yisraele mu charu cha Egipiti, ndipo ndi mchimi wangusungika.

Amosi 1:5

Nkhafyonga mpiringizgu wa Damasko! ndi kuwiska ŵakuja mu chidika cha Avene, ndi yo wakoreze ndodo ya ufumu mu Betedene; ndi ŵanthu ŵaku Siriya ŵakarutanga ku umkoli ku Kiri,” atiti Ambuya.

Amosi 2:10

Ndipo so ndingumutuzgani mucharu cha Egipiti, ndipo ndingumurongozgani kwa virimika machumi ghanayi (40) mu bozwa, kwazachironda charu cha Amori.

Marangu 2:23

ŴaAvimi nawo ŵajanja mu mizi mpaka ku Gaza, kweni ŵanthu ŵakutuwa ku Kafatori wo ŵanguŵaparghang'a ndi kuzenga mu malo ghawo.)