Amosi 8:8 - Tonga Bible 1986

⁸ Kumbi charu kuti chitenthemenge cha pa chifukwa ichi, ndi munthu yose kuliya yo wajamo, ndi chose kuyuka nge ndi Nile, ndi kupong'eka ndi kubizgika so, nge ndi Nile waku Egipiti?”

Amosi 8:8 ပူးပေါင်းရင်းမြစ်များ

Sumu 18:7

Penipo charu chingusukunika ndi kuyaghayika; viŵanja vya mapiri navyo vingutenthema, ndi kusukuniskika, chifukwa Chiuta wangufya mtima.

Yesaya 5:25

Chifukwa cho kukara kwa Ambuya kungukole pa ŵanthu ŵawo, ndipo angutambaruliya janja lawo paku wo ndi anguŵakoso, maphiri ghanguyaghayika; ndipo viŵanda vyawo vyenga nge ndi choto mu miseu mukati. Paku vyose ivi kukara kwawo kuti kwakungunuka cha ndipo janja lake leche kutambaruka.

Yeremiya 12:4

Charu chikatenjenga mpaka zuŵanji, mpaka zuŵanji uteka wamu minda yose ukamiranga? Chifukwa cha mautimbanizi ghaku wo ŵaja mwenimo vinyama ndi viyuni vyakukurwa; chifukwa ŵanthu ŵanguti, “Kuti wakawonanga umari widu cha.”

Yeremiya 46:7

“Njani uyu, wasoka uli ndi Nile uli ndi misinji yo maji ghake ghavunduka?

Yeremiya 46:8

Egipiti wasoka uli ndi Nile nge ndi misinji yo maji ghake ghavunduka. Wanguti, ndikasokanga, ndikavunikiriyanga charu, ndibwanganduwenge misumba ndi ŵakujamo ŵake.

Yeremiya 51:29

Charu chitenthema ndi chikunkhuruka mu kuŵaŵa, chifukwa Ambuya achita cho aghanaghana paku Babiloni, kuchichita mapopa charu cha Babiloni, chambura ŵakujamo.

Danyele 9:26

Ndipo pavuli pa ŵasabata machumi ghankhonde ndi limoza pachanya ŵaŵi (62) wakupakika yo walikhikenge, ndi wakaŵangavi kanthu; ndipo ŵanthu ŵa karonga ŵatuza ŵabwanganduwenge msumba ndi malo ghakupaturika; umari wake ukazanga ndi zandi, ndi ku umari kwake kuŵenge nkhondo; maphasulu ghalangulika.

Hoseya 10:5

Ŵakuja mu Samaria ŵatenthema chifukwa cha thole laku Betavene. Ŵanthu ŵake ŵamuliriyenge, ndi ŵazukuru ŵake wo ŵasopa ŵangoza ŵamutenjeriyenge, chifukwa cha unkhankhu wake wo watuwapo.

Hoseya 4:3

Chifukwa ichi, charu chitenge, ndipo wose wo ŵaja mwaku cho ŵakhuluruka nthazi, ndi so nyama zamu dondo, ndi tuyuni twa mude, chingana ndi somba zamu nyanja nazo zitoreka.

Amosi 8:10

Ndisanduskenge madghera ghinu kuŵa chitenje, ndi sumu zinu zose kuŵa chitenje; ndivwalikenge viwunu vinu vyose ndi vigudulu, ndi phara pa mutu wose; nkhachichitanga nge nchitenje chapa mwana yumoza pe munthurumi, ndi umari wake nge ndi zuŵa la urwirwi.

Amosi 9:5

Ambuya, Chiuta wa maŵanja, yo wakwaska charu chapasi ndipo chisongonoka, ndi wose wo ŵaja mwaku cho ŵatenje, ndipo chose chiyuka nge ndi Nile ndipo chibila so, nge ndi Nile waku Egipiti;

Nahumu 1:8

Kweni ndi kusapatiya kwa zandi amalizgiyenge limu ŵakupindikana nawo, ndi kudikiskiya ŵarwani ŵawo ku mdima.

Mateyu 24:30

sono chiwonekenge chisimikizgu cha Mwana wa munthu kuchanya: ndipo mafuku ghose gha charu ghatenjenge, ndipo ghawonenge Mwana wa munthu wachiza pa mitambo ya kuchanya ndi nthazi ndi unkhankhu ukuru.