Amosi 8:5 - Tonga Bible 1986

⁵ mutiti, “Mwezi uwu waŵalikaukabilanga zukwanji, ndi sabata, mwakuti tiguliskenge trigu mwakuti tichepeske mweso ndi kukuzga shekelo, ndi kusanduska vipimukuŵa vyakupusika,

Amosi 8:5 ပူးပေါင်းရင်းမြစ်များ

2 ŴaKaronga 4:23

Ndipo iyo wanguti, “Chifukwa nchine chakurutiya kwake msana wale? Kuti mphaliŵali pamwenga pa sabata cha.” Iyo wanguti, “Kukaŵanga kwamampha.”

Chituwa 31:13

“Ukambe ku ŵaYisraele, ‘Mukasunganga masabata ghangu, pakuti ichi nchisimikizgu pakati pangu ndi imwe, mu migonezi yinu yose, alinga kuti muziŵe kuti ine, Mbuya nditumupatuwani.

Nthanthi 11:1

Mweso wakupusika mbukazuzi ku Ambuya, kweni mweso wakunyoroka ndi likondwa lawo.

Nthanthi 16:11

Mweso wambura kupusika ndi masikelo vya Ambuya; mauzitu ghose ghamu thumba ndi nchitu yawo.

Nthanthi 20:23

Myeso yakusiyana mbukazuzi ku Ambuya, ndipo vipimu vyakupusika kuti vyamampha cha.

Yesaya 1:13

Mungatonga so mipasku yaŵakaŵaka cha, vyachema mbu kazuzi kwangu. Mwezi ufya ndi sabata ndi kudana maunganu kuti ndingakunthiyapo mauheni ndi maunganu cha.

Yesaya 58:13

“Asani mukanizga rundi linu kusabata, kutuwako kukuchita vyakumukondweskani mu zuŵa langu lakupaturika, kudana sabata zuŵa lakukondweska ndi zuŵa lakupaturika la Ambuya kuŵa lakutumbikika; asani mutilitumbika, ndi kureka kwenda mu nthowa zapa mtima winu, pamwenga kupenja vya pa mtima winu vyakumkondweskani, pamwenga kurongoro vyaukata;

Hoseya 12:7

Wamaronda, yo mu manja ghake mwe myeso yakupusika, watanja kusuzga.

Hoseya 12:8

Efraimu wanguti, “Ehe, nde musambasi, ndajanduliya usambasi”; kweni usambasi wake wose kuti ungaziŵa cha kutozga uheni wo wachita.

ŴaLevi 19:36

Muŵenge ndi vyakupima vyambura kupusika, mweso wakuneneska pakwesa vyakurgha ndi vyakumwa. Ndine Ambuya Chiuta winu, yo wangukutuzgani mu charu cha Egipiti.

Zekariya 5:6

Ndipo ndinguti, “Kumbi nchine?” Iyo wanguti, “Ichi ndi sokora yo yituwa.” Ndipo wanguti, “Uku ndiko kunanga mu charu chose.”

Zekariya 5:8

Ndipo wanguti, “Uwu mbuheni.” Wangumututuzgiya so mukati mu sokora, ndipo wanguwezgiyapo so chibenekere paku cho.

Malaki 1:13

Mutiti, ‘Uku nkhuvukiska kwa mtundu uli?’ Ndipo mutindinyoza, atiti Ambuya ŵa maŵanja. Mutuza ndicho nchakunangika, pamwenga chakupunduka, pamwenga chakutama, ndipo ichi mutuza nacho nge ndi mpasku winu! Kumbi ndingaronde ichi kutuwa mu janja linu? atiti Ambuya.

Maŵerengedu 10:10

Ndipo so mu zuŵa linu lalikondwa, ndi pa madghera ghakutemeka, ndi pa kwamba kwa myezi yinu, mukambanga zimbata pa mipasku yinu yakocha ndi pa sembe zinu za mipasku ya chimangu; vikuŵiyeni chikumbusku paurongo pa Ambuya: Ine ndine Ambuya Chiuta winu.”

ŴaKolose 2:16

Viyo wareke munthu kumweruzgiyani kuchiri ku kurgha, pamwenga kukumwa, pamwenga ku dghera, pamwenga ku mwezi ufya, pamwenga ku masabata.

1 Samuele 20:5

Davidi wanguti kwaku Jonafani, “Awona, mawa ndi mwezi ufya, ndipo ine nditenere kwachija pa gome pamoza ndi karonga; zomera ndirute, ndamubisama kudondo mpaka ku mazulo gha zuŵa la chitatu.