Amosi 8:3 - Tonga Bible 1986

³ Sumu za mu Kasopi zisandukenge chitenje mu zuŵa lo,” atiti Ambuya Chiuta; “viŵanda vyamukuŵa vinandi; mu malo ghose; vitayikenge kwa chisisi.”

Amosi 8:3 ပူးပေါင်းရင်းမြစ်များ

Sumu 39:9

Nde mbuwu, kuti ndibanuwa mlomo wangu cha; chifukwa imwe ndimwe mukuchichita.

Yesaya 37:36

Ndipo mungelo wa Ambuya wanguruta, wangubaya vikwi machumi pe chumi ndi machumi ghankhonde ndi ghatatu (185,000) mu ugoŵi wa ŵaAsiriya; ndipo penipo ŵanthu ŵanguyuka ndi mlenjilenji, ehe, yaŵa wose ŵenga viŵanda.

Yeremiya 22:18

Chifukwa cho atiti Ambuya paku Yehoyakimu mwana Josiya, karonga waku Yuda: “Kuti wakamutenjerenga cha kuti, ‘Owe mzichi wangu!’ Pamwenga ‘Owe mbumba yangu!’ Kuti wakamutenjerenga cha, kuti ‘Owe mbuyangu!’ Pamwenga ‘Owe chiyembwe!’

Chitenje 2:10

Ŵaraŵara ŵamu msumba waku Zioni, ŵateka pasi chisisi; ŵajidiriya fuvu pa mitu yawo ndi ŵavwara chigudulu; ŵamwali ŵaku Yerusalemu ŵakotamiya pasi mitu yawo.

Yoele 1:11

Rengani soni mwa ŵalimi, tenjeni ŵalimi ŵa mphereska, chifukwa cha trigu ndi barile; chifukwa chivuna mu minda chanangika.

Yoele 1:13

Vwarani chigudulu, muliye imwe ŵazukuru, tenjeni mwa ŵateŵeti ŵa jochero la sembe. Sereni, mwaŵakuvwala vigudulu ndi cherezgani usiku wose, owe! Mwa ŵateŵeti ŵaku Chiuta wangu! Chifukwa mpasku wa vyakurgha ndi mpasku wa vyakumwa vyagota ku nyumba yaku Chiuta winu.

Yoele 1:5

Yukani, imwe ŵakuloŵe ndi muliye, nditenjeni, imwe mose mwa ŵakumwa vinyo, chifukwa cha vinyo mufya, pakuti watuzgikako ku mlomo winu.

ŴaLevi 10:3

Sono Mosese wanguti kwaku Aroni, “Ichi ndicho Ambuya akamba, ‘ndikajirongonga mtuŵa mwaku weniwo ŵe pafupi nane, ndipo paurongo pa ŵanthu wose ndikaŵanga ndi unkhankhu.’ ” Ndipo Aroni wanguja chisisi.

Amosi 4:10

“Ndingutuma mukati mwinu chideru nge ndimo kunguŵiya ku Egipiti; ndingubaya ŵanyamata ŵinu ndi lipanga; ndinguto ŵakavalo ŵinu; ndipo ndingupereka fungu liheni mu misasa yinu kuti likwere mu mphunu zinu; ndipuuli kuti munguwere kwaku ine cha,” atiti Ambuya.

Amosi 5:16

Chifukwa ichi atiti Ambuya, Chiuta wa maŵanja, Ambuya: “Mu maluluwa mose mukaŵangachitenje; ndipo mu ŵagurwi wose ŵakatinge, ‘Owe! owe!’ Ŵakadananga ŵalimi kuzachiliya ndi kwazachiliya ndi wo mbakugozga mu chitenje,

Amosi 5:23

Tuzganiku kwaku ine chiwawa cha sumu zinu; kambidu ka ŵazezeŵinu kuti nditegherezgenge cha.

Amosi 6:4

“Owe, kwaku wo ŵagona pa vita vya minyanga ya njovu, ndi kutambaruka pa vita vyawo, ndikurgha ŵana ŵa mberere ŵamu mskambu, ndi matholi gha mukati mu khola;

Amosi 6:5

wo ŵatumba sumu za waka ndikalilidu kazeze ndi kujipangiya vyakumbiya nge ndi Davidi;

Amosi 6:8

Ambuya Chiuta wajirapiya iyo mweneko (atiti Ambuya, Chiuta wa maŵanja), “Ndichita unyakazi ndi kujikuzga kwaku Yakobe, ndi nditinkha malinga ghake; viyo ndiperekenge msumba ndi vyose vyo virimo!”

Amosi 8:10

Ndisanduskenge madghera ghinu kuŵa chitenje, ndi sumu zinu zose kuŵa chitenje; ndivwalikenge viwunu vinu vyose ndi vigudulu, ndi phara pa mutu wose; nkhachichitanga nge nchitenje chapa mwana yumoza pe munthurumi, ndi umari wake nge ndi zuŵa la urwirwi.

Nahumu 3:3

Ŵapakavalo ŵarotoka, ndi lipanga lakugabuka ndi mkondo wakuphurika, ŵakubayika mbanandi, ndundu za vitanda, vitanda vyambura kumara-ŵaguŵa mu vitanda pakwenda!

Zefaniya 1:7

Uje chete paurongo pa Ambuya Chiuta! Chifukwa zuŵa la Ambuya laŵandika; Ambuya arongoso kubaya sembe ndi apatuwa ŵakudanika ŵawo.