Amosi 8:2 - Tonga Bible 1986

² ndipo wanguti, “Amosi, uwonanji?” Ndipo ndinguti, “Sokora ya vipasi vya chihanya.” Viyo Ambuya anguti kwaku ine, “Umari wafika pa ŵanthu ŵangu ŵa Yisraele; kuti ndiŵajumphenge so cha.

Amosi 8:2 ပူးပေါင်းရင်းမြစ်များ

Chiyambo 6:13

Ndipo Chiuta wanguti kwaku Nowa, “Ndighanaghana kumara vyamoyo vyose; pakuti charu chazaza ndi ukari chifukwa chawo; ndikaŵanaganga pamoza ndi charu.

Yesaya 28:4

ndi luŵa lake la msanduka la unkhankhu wake wakutowa, lo le pa mutu wa dambo lisambasi, likaŵanga nge ndi nkhuyu yakudanga kufya chifuku chenga chindafike: munthu wachiyiwona, watiyirgha asani ye mu janja lake.

Yeremiya 40:10

Ine ndikajanga pa Mizipa, kumumiyani paurongo pa ŵaKaldiya wo ŵakazanga kwaku ifwe; kweni imwe unjikani vinyo, ndi vipasi vya chipwepwe ndi mafuta, ndipo muvilonge mu viyaŵi vinu, ndipo muje mu misumba yinu yeniyo mwato.”

Yeremiya 5:31

ŵamchimi ŵachima vyautesi, ndipo ŵazukuru ŵateruzga mo ŵakhumbiya iwo; ŵanthu ŵangu ŵatanja vyaviyo, kweni mwazamchitanji utakuti waza umari?

Chitenje 4:18

Ŵanthu ŵangukhazga mendedu ghidu mwakuti tireke kwenda mu miseu yidu; umari widu ungundere pafupi; mazuŵa ghidu ghangukwana; pakuti umari widu unguza.

Ezekiele 12:23

Viyo uŵanene kuti, ‘Ambuya atiti: Ndirekeskenge nthanthi iyi, kuti ŵakayikambanga so cha mu Yisraele.’ Kweni ŵanene kuti, Mazuŵa ghaŵandika, ndi kufiskika kwa chiwona che chose.

Ezekiele 29:8

chifukwa ichi atiti Ambuya Chiuta: Ehe, ndikazanga ndi lipanga paku iwe, kudumuwako kwaku iwe munthu ndi nyama,

Ezekiele 3:10

Ndipo so wangunena nane, “Mwana wa munthu, mazu ghangu ghose gho ndikakambanga nawe ugharonde mu mtima wako, ughavwe mu makutu ghako.

Ezekiele 3:7

Kweni nyumba yaku Yisraele kuti yikakuvwanga cha; chifukwa kuti ŵakhumba kuvwa ine cha; pakuti nyumba yose yaku Yisraele yendi mutu wakulimba ndi mtima unonono.

Ezekiele 7:6

Umari wafika, umari wafika; wayukiya paku imwe. Ehe, wafika.

Ezekiele 8:12

Penipo wangukamba nane, “Mwana wa munthu, kumbi wawona cho ŵaraŵara ŵa nyumba yaku Yisraele ŵachita mu mdima, munthu yose mu chipinda chake cha vithuthuzi? Pakuti ŵatiti, ‘Ambuya kuti atitiwona cha, Ambuya achipata charu.’ ”

Ezekiele 8:17

Penipo wangurongoro nane, “Kumbi wachiwona ichi. A! Mwana wa munthu? Kumbi nchinthu chipusu ku ŵa nyumba yaku Yuda kuti ŵachiti maunyakazi nge ndi yagha ŵachita pano, kuti ŵazaze charu ndi nkhaza, ndi kundisosomole ku ukari swi? Awona, ŵaŵika mphanda ku mphunu zawo.

Ezekiele 8:6

Sono wangunena nane, “Mwana wa munthu, kumbi uwona vyo ŵachita, maunyakazi ghakuru gho nyumba yaku Yisraele yichita pano, kundidikiskiya kutali ndi malo ghangu ghakupaturika? Ehe, ukawonanga mbwenu maunyakazi ghakuru kwakuruska.”

Hoseya 9:7

Mazuŵa ghakurangikiya ghafika, mazuŵa ghakuwezge thayu ghafika. Yisraele wakaghaziŵanga. Mchimi ngwakupusa, munthu wa mzimu wafuntha, chifukwa cha ubendezi winu ndi kutinkha kukuru.

Amosi 7:8

Ndipo Ambuya anguti kwaku ine, “Amosi, uwonanji?” Ndingwamuka kuti, “Chingwe chakunyoloske-wima.” Viyo Ambuya anguti, “Awona ndiŵika chingwe chakunyoloske-wima mukati mu ŵanthu ŵangu ŵa Yisraele; kuti ndiŵajumphenge so cha;

Amosi 8:1

Ambuya Chiuta wangundiwoneska viyo; wonani sokora ya vipasi vya chihanya,

Mika 7:1

Owe ine! Pakuti ndaŵa nge ndi vipasi vyo vyavunika ndi chihanya, nge ndi vipasi vyakujaliya vuli pavuna, kulivi mphereska zakurgha, kulivi nkhuyu zakwamba kufya zo ndingakhumba.

Zekariya 5:2

Ndipo wanguti kwaku ine, “Kumbi wawonanji?” Ndingwamuka, “Ndawona kalata wakuzinga; utali wake ndi mikono machumi ghaŵi (20) ndi usani mikono chumi.”