Amosi 8:14 - Tonga Bible 1986

¹⁴ Ŵeniwo ŵarapa pa Ashima waku Samaria, ndipo ŵatiti, mo ‘Chiuta wako waliri wamoyo, O Dani,’ ndipo, ‘Nge ndimo Beresheba wajaliya’; wakawanga, kwambura kuyuka so.”

Amosi 8:14 ပူးပေါင်းရင်းမြစ်များ

1 ŴaKaronga 12:32

Ndipo Yoroboamu wangulangula dghera pa zuŵa la chumi ndi ghankhonde la mwezi wa chinkhonde ndi chitatu lakukozgana ndi dghera lo lenga ku Yuda, ndi ŵangupereka sembe pa chiguŵa cha sembe; viyo ndimu wanguchitiya mu Beteli, kupereka sembe ku mathole ghenigho wangupanga. Ndipo mu Beteli wanguŵikamo ŵazukuru ŵa malo gha pachanya gho wanguchita.

1 ŴaKaronga 14:16

Ndipo akajowonga Yisraele chifukwa cha mphurupuru zaku Yeroboamu zo wangulakwa, ndi kulakwiska nazo Yisraele.”

1 ŴaKaronga 16:24

Wangugula kaphiri ka Samaria kwaku Shemeri matalente ghaŵi gha siliva, ndipo wangukachitiya linga kaphiri ko, ndipo wangudana zina la msumba wo wanguzenga Samaria lo ndi zina laku Shemeri, mweneko wa kaphiri ko.

2 ŴaKaronga 10:29

Kweni Yehu kuti wangutuwako cha ku maulakwi ghaku Yerobamu mwana waku Nebati gho wangulakwiska nagho ŵaYisraele, ŵana ŵa ng'ombe ŵa golide wo ŵenga mu Betele ndi mu Dani.

2 Mikoka 36:16

Kweni ŵanguseka ndi kuyuyuwa mathenga ghaku Chiuta ndi kuyeya mazu ghake, ŵanguŵa nyoza ŵamchimi ŵake, mpaka kandundu kaku Chiuta kanguŵayukiya ŵanthu ŵake, mpaka kungusoŵa chakupozge.

Sumu 140:10

Maka gha moto ghaŵawiye; ŵapong'eke mu zenje ndi kuti atuwi so cha.

Sumu 36:12

Ŵawa penipa ŵakuchita utimbanizi ŵawiskika pasi, ŵatondeka kuyuka.

Nthanthi 24:16

pakuti munthu murunji watuwankhonde ndi kaŵi ndipo wayuka so; kweni ŵamphulupulu ŵathereskeka ndi suzgu.

Nthanthi 29:1

Mweniyo wasuskika kaŵikaŵi kweni wangangamika mbwenu khosi lake wakaswekanga kwamabuchibuchi wambura machizgika.

Yesaya 24:20

Charu chizendazenda nge ndi munthu wakuloŵe, chiganuka uli ndi nyumba; kunanga kwake kwanyekezga ndi uzitu ukuru paku cho, ndipo chituwa, kuti chikayukanga so cha.

Yesaya 43:17

mweniyo watuzga gareta ndi kavalo, liŵanja la nkhondo ndi ŵakurwa; ŵagona pasi kuti ŵangayuka cha, ŵamara, ŵazimwa nge nchisunda.

Yeremiya 25:27

“Ndipo ukambenge kwaku iwo, ‘Viyo atiti Ambuya ŵa maŵanja, Chiuta waku Yisraele: Mwani, muloŵe ndipo muwukuwe, wani pasi mungayukanga so cha, chifukwa cha lipanga lo nditumenge mukati mwinu.’

Yeremiya 51:64

ukanene, ‘Viyo ndimo wakabiliyanga Babiloni, kuyuka so cha, chifukwa cha uheni weniwo ndikatolenga paku iyo.’ ” Mazu ghaku Yeremiya ghamariya penapa.

Hoseya 10:5

Ŵakuja mu Samaria ŵatenthema chifukwa cha thole laku Betavene. Ŵanthu ŵake ŵamuliriyenge, ndi ŵazukuru ŵake wo ŵasopa ŵangoza ŵamutenjeriyenge, chifukwa cha unkhankhu wake wo watuwapo.

Hoseya 13:16

Samaria wasuskikenge chifukwa wagaruka kwaku Chiuta wake; wakabayikanga ndi lipanga, ŵamujedu ŵawo ŵatekenyulikenge tumanatumana ndi ŵanthukazi ŵawo ŵa nthumbu ŵakapangulikanga.

Hoseya 13:2

Ndipo sono wanangiyanangiya, ndi kujipangiya vikozgu vyakusongono, ŵangoza ŵakupangika umampha ndi siliva wawo, vyose ndi nchitu ya fundi. Ŵatiti, “Perekani sembe ku ŵangoza.” Sono ŵanthu ŵa fyofyontha mathole!

Hoseya 4:15

Chingana muchita maureŵi, imwe ŵaYisraele, kweni Yuda wangananganga cha. Mungazanga ku Gilgala cha chingana nkhukwere ku Betavene, pamwenga kurapa, “Ambuya wamoyo.”

Amosi 5:1

Vwani mazu yagha ndikutoriyani mu chitenje, nyumba yaku Yisraele!

Amosi 5:2

“Ŵakusankhika ŵangu ŵaYisraele ŵawa ndipo kuti ŵakayukanga so cha ŵasiyika pa charu chawo palivi wakuŵayuska!”

Amosi 5:5

“Penjani ine ndipo muŵenge ŵamoyo; kweni mungapenjanga Betele, ndipo mungaserenga mu Gilgala cha, pamwenga kujumpha Beresheba; chifukwa Gilgala wakarutanga nadi ku umkoli, ndi Betele nayo wasandukenge chawaka.”

Mika 1:5

Ivi vyose vyaŵako chifukwa cha ulakwi waku Yakobe ndi mauheni gha nyumba yaku Yisraele. Kumbi ulakwi waku Yakobe ngune? Kumbi kuti ndi Samaria cha? Ndipo ulakwi wa nyumba yaku Yuda ngune? Kumbi kuti ndi Yerusalemu cha?

Zefaniya 1:5

ndi wo ŵasopa pachanya pa nyumba, maŵanja gha kuchanya; ndi wo ŵasopa ndi kurapa ku Ambuya, ndipuuli ŵarapa Milikomu;

Machitidu gha Ŵakutumika 18:25

Mweniyo wenga wakusambizgika nthowa ya Ambuya; ndipo pakuŵa waphamphu ku mzimu, wakambanga ndi wasambizganga kaunthu vyapaku Yesu, wakuwamo chibatizo chaku Yohane pe:

Machitidu gha Ŵakutumika 19:23

Ndipo ku nyengo yiya chinguŵapo chiyaghayizga, chikuru, chapa vya nthowa yo.

Machitidu gha Ŵakutumika 19:9

Kweni po ŵanyake ŵenga ŵanononu ndi ŵamtafu, ŵakukambiya uheni pa nthowa yo paurongo pa urapasi wo, wangutuwako kwawo, ndi wanguŵapatuwa ŵasambizi, wakuŵanduliya zuŵa ndi zuŵa mu skulu yaku Turano.

Machitidu gha Ŵakutumika 24:14

Kweni chenichi ndizomera kwaku imwe, kuti kwakuyana ndi Nthowa, yeniyo iwo ŵatiyitamula pambuku, viyo ndimteŵete Chiuta wa ŵaseku, ndawakuvwaniya mwaku vyose kwakulingana ndi chilangulu cho, ndi mwaku vyo vyalembeka ndi ŵamchimi;

Machitidu gha Ŵakutumika 9:2

ndi kupempha kwaku iyo ŵakalata ku masinagoge ku Damasko, viyo kuti, asani wangasaniya ŵanyake, ŵanthurumi ndi so ŵanthukazi, ŵakuŵa ŵa Nthowa yo, wangaŵagumizgiya ku Yerusalemu ŵakumangika.

Marangu 33:11

Ambuya tumbikani uromba wake ndipo muronde nchitu ya manja ghake. Swani viunu vya ŵarwani ŵake, viunu vyaku wo ŵatumutinkha, alinga kuti ŵareke kuyuka so.”

Marangu 9:21

Ndingumurombe so nayo aroni pa nyengo yeniyo. Viyo ndinguto chinthu cha mphurupuru, chikozgu cha thole chiya mungupanga, ndinguchocha ndi moto. Ndinguchidina ndi kuchisira ukongwa nge ndi choto, ndipo ndingudira choto chake mu msinji weniwo watuliyanga mu phiri.