Amosi 7:7 - Tonga Bible 1986

⁷ Wangundiwoneska; wonani, Ambuya amanga pa chiliŵa cho chinguzengeka ndi chingwe chakunyoloske mu wima, ndi chingwe chakunyoloske wima mu janja la wo.

Amosi 7:7 ပူးပေါင်းရင်းမြစ်များ

Chiyambo 28:13

Ndipo ehe, Ambuya anguma pachanya pake ndi anguti, “Ndine Ambuya, Chiuta waku Abrahamu ausu ndi Chiuta waku Yisaki; charu chenicho wagonapo ndikachipaskanga kwako ndi ku mphapu yako;

2 Samuele 8:2

Wangupunda ŵamoabu, ndipo wanguŵapima ndi chingwi wanguŵagoneka pasi; wangupima mizere yiŵi kuti ŵabayike, ndipo muzere utali umoza kuŵasiya ŵamoyo. ŴaMoabu ŵanguŵa ŵaŵanda kwaku Davidi ŵangupereka mthulu.

2 ŴaKaronga 21:13

Ndipo ndikatambalikanga pa Yerusalemu chingwe chakupimiya cha Samaria, ndi thabwa la kupimiya la nyumba yaku Ahabu, ndipo ndikapuputanga Yerusalemu nge ndimo munthu wapuputiya mbali, kupuputa pavuli wavunika.

Yesaya 28:17

“Ndipo ndikachitanga cheruzgu chirunji kuŵa chingwe, ndi urunji chingwe chakumikiya kwakinyoroska; vuwa ya matalala yikapeyanga mphanji ya maboza, maji ghakaburumutizganga malo ghakubisamapo.”

Yesaya 34:11

Kweni kaŵandu ndi chinungu vikachiharanga, manchichi ndi chahole vikajanga mwenimo. Wakatambaruwanga chingwe chakutimbanizga pachanya pake, ndi chingwe chachimtimbaheka pa ŵakuzirwa ŵake.

Chitenje 2:8

Ambuya angukhozga kubwanganduwa linga la msumba waku Zioni; angulipima ndi chingwe, ŵengavi kuwezga janja lawo kukubwangandu wa; anguliriska chimbumila ndi chimati, kusuzgikiya pamoza.

Ezekiele 40:3

Wanguti waza nane pa, wonani, penga munthu mweniyo kawonekero kake kanguŵa nge ndi mkuŵa, wenga ndi chingwe ndi dete lakwese mu janja lake; wanguma mu likomo.

Amosi 7:6

Ambuya angugowoka paku ichi; “Ichi nacho chikaŵangako cha,” anguti Ambuya Chiuta.

Amosi 7:8

Ndipo Ambuya anguti kwaku ine, “Amosi, uwonanji?” Ndingwamuka kuti, “Chingwe chakunyoloske-wima.” Viyo Ambuya anguti, “Awona ndiŵika chingwe chakunyoloske-wima mukati mu ŵanthu ŵangu ŵa Yisraele; kuti ndiŵajumphenge so cha;

Zekariya 4:10

Chifukwa yose yo wanguyeya zuŵa la tunthu tumana wakasekeriyanga, ndipo wawonenge chingwi chakupimiya cha muzengi mu janja laku Zerubabele. “Yagha ghankhonde ndi ghaŵi ndi maso gha Ambuya gho ghalereska mu charu chose chapasi.”

Chivumbuzi 11:1

Kungupaskika kwaku ine dete lakukozgana ndi ndodo, kuti. “Soka, upime kasopi waku Chiuta, ndi jochero lo, ndi wo ŵasopa mwenimo.

Chivumbuzi 21:15

Ndipo mweniyo wakambanga nane wenga nawo mwesu date lagolide, kuti wese msumba, ndi malikomo ghake, ndi linga lake.