Amosi 7:12 - Tonga Bible 1986

¹² Ndipo Amaziya wangukamba so kwaku Amosi, “Iwe muwona, ruta thaŵiya ku charu cha Yuda, ndi ukarghe chiŵande kwenikuwa ndi kuchima kwenikuwa;

Amosi 7:12 ပူးပေါင်းရင်းမြစ်များ

2 Mikoka 16:10

Penipo ndipo Asa wangukaripa ndi muwona wangumuŵika mu nyumba ya magoŵa, wangutundiya nayo pa chifukwa cha chinthu ichi. Ndipo Asa wangusuzga ŵanthu ŵanyake pa nyengo yeniyo.

Yesaya 30:10

ŵeniwo ŵakamba ku ŵakuwona, “Rekani kuwona”; ndi ku ŵamchimi, “Mungatichimiyanga cha ifwe cho nchakurunjika; kambani nafwe vinthu vya koloŵa, chimani vyautesi,

Yesaya 56:11

Ŵagaru ŵendi nja yanthazi; kuti ŵagutapo nanga nkhamoza cha. Waliska nawo ŵalivi zeru; wose ŵawere ku nthowa yapa mtima wawo, we yose ku kwanduwa kwake wose pamoza.

Ezekiele 13:19

Mwandifipiska mukati mu ŵanthu ŵangu chifukwa cha manja ghakuzaza barile ndi tivipitika twa chiŵande, kubaya ŵanthu wo kuti ŵangwenere kubayika cha ndi kusunga ŵamoyo ŵanthu wo kuti ŵangwenere kubayika cha ndi kusunga ŵamoyo ŵanthu wo kuti ŵangwenere kusungika ŵamoyo cha, ndi mautesi ghinu ku ŵanthu ŵangu, wo ŵategherezga ku mautesi.

Amosi 2:12

“Kweni ŵaNaziri munguŵamweska vinyo; ndi mungulanguliya ŵamchimu kuti, ‘Mungachimanga cha.’

Amosi 7:11

Chifukwa Amosi wakamba viyo, ‘Yeroboamu wakafwanga ndilipanga, ndipo Yisraele wakalutanga ku umkoli kutali ndi charu chake!’ ”

Malaki 1:10

Ndikhumba kuti wangaŵapo yumoza waku imwe wakuti wajale makhomo kuti ŵareke kupemba moto waŵaka pa jochero langu! Ndilivi likondwa mwaku imwe, atiti Ambuya ŵa maŵanja; ndipo kuti nkharondiyanga cha mpasku wakutuwa mu janja linu.

Mateyu 8:34

Viyo msumba wo wose ungutuwa kwachikumana ndi Yesu: ndipo, ŵachimuwona, ŵangumuŵeyere kuti watuweko ku mphaka zawo.

Luka 13:31

Mu ora leniliya ŵanguzako ŵaFarisi ŵangana, ŵakuti kwaku iyo, “Tuwapo, ndi usokepo panu: pakuti Herode wakhumba kukubaya.”

Machitidu gha Ŵakutumika 16:39

ndipo wanguzachiŵaŵeyere, ndipo pakuŵatole kubwaro, ŵanguŵapempha kutuwako ku muzi wo.

ŴaRoma 16:18

Chifukwa ŵaviyo kuti ŵateŵete Ambuyafwe Kristu cha, kweni linweka laku ŵija; ndipo ndimakambidu ghausarazi ndi ghakufyafyalika ŵafuvya mitima ya ŵakujiyuyuwa.

1 ŴaKorinte 2:14

Kweni munthu wambura mzimu kuti wangaronde vyawanangwa vya Mzimu waku Chiuta cha chifukwa kwaku iyo vye kupusa; ndipo kuti waziŵa kuviteska cha, pakuti viteruzgika ndi mzimu.

1 Petro 5:2

liskani muskambu waku Chiuta wo we mwinu, pakuulereze kwakupemberezgeka cha, kweni kwakukhumba, kwakuyana ndi kukhumba kwaku Chiuta; kwaupiripiri nako cha, kweni kwaphamphu;

1 Samuele 2:36

Yose yo wasiyika mu nyumba yako wazenge ndi wajikamiyenge iyo pa kupempha kachipitika ka siliva pamwenga burunga la chiŵande, ndipo wanenenge, “Ndipempha undiŵike, mu malo ghamoza gha ŵazukuru, mwakuti ndirghenge livuvu lachiŵande.” ’ ”

1 Samuele 9:9

(Kali mu ŵaYisraele, asani munthu wanguruta kwachifumbiriya kwaku Chiuta, watinge, “Zanga, tiye tikenge ku muona”; chifukwa yo le wadanika mchimi, kali wangudanika muona.)